初嚐福建菜~ 莆田 PUTIEN

對於食慣廣東菜, 四川菜,北京菜既我黎講
呢度都係算係一個幾新的體驗
因為係食福建菜
莆田本身就係福建的一個市,臨海而多支流
所以食物都水產為主
就好似最近推廣呢D蟶節,就係福建菜的特產~


因為都係海產多,連前菜都加入左紫菜乾~不過硬硬的,而且都有D油
唔係好慣



所以花生就好好味,係烚過的花生再加入醬油,用黎送飯都一流~

杯,碗都好有中式風味
個辣醬不得了,超超超好味
酸酸得黎夠勁辣,但又唔係日式地獄拉麵個D死辣,而係清新中又有辣
(有諗住買樽回家食,不過走個時忘記了) 




莆田扁肉湯
扁肉餃係福建有成五百年歷史架啦
以薄薄的燕皮包住槌爛的豬肉同薯粉 
呢個菜更係餐廳既得獎名菜, 


一大鍋的湯加上細細隻好精緻的扁肉餃仔, 一啖一隻
阿囡勁鐘意食,唔停食~@@
肉餃仔細細隻,畢極都有,份量都唔少
湯亦很清甜,亦唔會好肥膩,唔太咸,
官方建議可加醋減低肉的膩感,我當然係要加好味的特製辣椒醬啦~

莆田燜豆腐



首先佢上枱時,有一陣燶味~ 
媽媽話佢煮燶左,問左待應,先知係呢個餸的特色,有D焦香 
(但點解我只係覺得成陣燶味~><) 
蛋入面混合左唔少料,有蝦米仔, 豬肉等等
但D蛋好蒸到好鬼老,嚡烚烚, 真係好食唔慣~@@
成個餸份量好大,成個湯盤咁,3條友食左3份一已經唔想食~
蝦苗拌頭水紫菜 

呢個應該係屬於前菜的冷盤,唔知點解咁遲先黎



比起之前的紫菜乾,呢個野味好多
雖然感覺有D滑潺潺,但酸酸味味,加埋蝦米仔的咸香味, 都幾醒胃~

莆田滷麵

呢個菜又係傳統莆田菜


以一個特製白汁加入河鮮,配以彈牙的粗線條


這個滷麵的配料確實不賴,有蝦仁,蜆,豬肉, 冬菇
雖然望落去成PAT PAT 咁, 但因為麵條本身夠爽不糊
所以食入口都唔會感覺成PAT 漿

酥炸芋芯
呢個,我覺得係甜品黎
因為用左檳榔芋的芯,帶有芋頭的香甜,  咸中帶甜 



我本身就麻麻鐘意食呢D咁重澱粉質的食物
因為,都幾飽肚下,每人都只可以係一件起, 2件止
呢度D菜對我黎講都幾大碟頭,適宜多D人黎一齊SHARE
不過對於福建菜,真係唔係好食得慣~XD

莆田 PUTIEN
屯門屯隆街3號屯門市廣場一期1樓1101號舖
如要聯絡本人,請電郵至: smonkichi@hotmail.com


SKIN CARE

Make Up

Food

親子