把整個日本也食下了~ 道鮨日本料理
朋友相約食飯
上到黎，睇到環境，咦咁熟既，原來我之前己光顧過啦~
不過，高質素的食物，食多幾次都無問題 XD
呢度裝修日式和諧，安逸寧靜～
今晚唔係食OMAKASE, 所以坐ORDER 枱~
入左呢間和式房間坐
上次食OMAKASE無睇到餐牌，今次第一次見
好靚呀，好有心思，同成間餐廳超襯!
今次要試D新野，叫左呢個
海鮮刺身山葵芝士沙律
超級豐富的沙律，大量的魚生外，最得意係有魚皮
魚皮煙煙韌韌又爽口~配埋沙律食好夾喎~
食之前要撈混下面既菜，味道酸酸味味，非常開胃
而且份量係超級多 最好3-4人食~
滿滿的海膽刺身，見到都好滿足
每塊海膽都大大塊的，鮮味滿瀉~
用紫菜卷起，加入少少wasabi, 可以減輕海膽的膩，多食幾件也無問題~
這個季節壽司拼盤10貫
看得人心花怒放
由左至右，味道由淡至濃
深海池魚/大拖羅/金目鯛/平政
伊佐目/赤貝/大蜆/白蝦
海膽/三文魚籽
尤其大拖羅入口即溶，金目鯛魚肉甘香~
那個白蝦壽司，唔好睇佢咁細件，原來已經有十幾隻蝦啦~入口滿滿的膠質~
呢個叫伊佐目的壽司，係第一次食呀
上網查了查，是夏季當做的一種魚，貴價魚黎架
伊佐木肉色白裏透紅，脂肪含量，味道清爽甜美，入口微帶爽脆但滑身
每件壽司飯都加入了自家製的醋，有少許淡啡色，入口微酸，令魚肉的鮮味提升，唔使再沾醬油
東松島生蠔
加入了海苔汁和酸汁啫喱，滑不留口亦爽脆非常~
蠔的話，我還是愛這種爽口的細蠔
上次黎只食過刺身壽司
但估唔呢度既熟食亦非常有功架
鹿兒鳥黑豚五花腩
肥瘦相間的黑豚肉經燒過後非常的香脆，那層肥膏變成了人間美食
入口甘香而不膩，更加添了整串肉的豐腴口感
赤雞翼
赤雞翼是鹿兒島名產，雞翼皮燒得香脆，肉嫩滑
雞皮上加了醃料很野味~
最近，更來一個 大大的
鹿兒島黑豚配利尻昆布清湯
開始以為真係清湯，點知係大大的一鍋~
超級多肉，多菜，仲有金菇，豆腐~
滿滿的豚肉，薄切，雖然全瘦但都依然嫩滑
除左那個黑豚肉外，原來入面仲有很多扁扁的透明粉絲，煙煙韌韌, 很有口感
當然，最正的是那個湯頭，清甜而不油膩~ 狠狠地喝了它3大碗~
今次可能坐ORDER 枱，食物都上得很快，
未能慢慢品嚐每一種刺身的鮮味，熱食也很快變冷，影響口感
建議上菜速度可減慢少少
畢竟來這裏的人，都係愛享受一族~
這裏不論刺身, 壽司及熱食都水準以上
食材豐富，來源地廣，不用去日本也能食上整個日本的海鮮~
環境清幽舒服，坐得舒服，絕對係FINE DINING 的首選~
道鮨日本料理
Michi Japanese Cuisine
銅鑼灣渣甸街50號渣甸中心6樓
如要聯絡本人，請電郵至： smonkichi@hotmail.com
Fanpge : www.facebook.com/smonkich
Instagram : https://instagram.com/smonkichi/
留言
張貼留言