眼妝都快速KO ~ Biore 深層清潔卸妝水
上兩個星期行屈x寺
見到Biore 有呢款新品
Biore 深層清潔卸妝水
卸妝水有分清爽/水潤/暗瘡肌
今次我就試一試其中的兩款
分別係水潤及暗瘡肌
粉紅色呢款咁少女的，就係水潤版
呢款係限定版黎架有浪漫既櫻花香
卸妝時猶如沉浸於花香中，倍感放鬆！
顧名思義，呢款水潤的卸妝水除左可以速效卸妝 深層潔淨毛孔
用後肌膚仲水潤柔滑
卸妝水係透明妝，非常清爽，而且無酒精，不含油分，香料
經眼科及皮膚科測試、通過皮膚敏感及粉刺測試
我直頭由眼到面都用佢黎卸
睇睇咩效果先？
先將沾濕卸妝水敷落眼部等一陣，輕輕一抺
嘩，八成眼妝已經抺哂出黎
(當然仲有D小細節位要再加拭抺啦~)
卸妝水內含微粒，能深入毛孔快速吸附、包圍並帶走彩妝
連暗藏毛孔的彩妝殘留都徹底潔淨
抺兩下，已經將眼妝快速KO左
老實講，今次我都只係試驗下
眼妝係比較難卸的，平時我都係用油黎打圈卸
估唔到呢款水狀的卸妝竟然有咁勁的威力
可以一抺就抺走哂D眼妝
眼妝抺得走，面呀，唇呀，當然都無難度啦~
輕輕一抺，所有彩妝都落哂去化妝棉度啦~
抺完後面部皮膚都非常清爽，唔會似油咁膩
產品更寫明無須過水架
不過我就習慣會洗多次面既~
呢款水潤配方 : 用後肌膚水潤柔滑，不緊繃，不乾，適合一般至乾性肌膚
另一款入手既，就係俾暗瘡肌用的~
暗瘡護理型
雖然我唔係好多暗瘡，但耐唔時都會標幾粒出黎架
加上夏天特別多油同笠，毛孔好易閉塞，用上呢款暗瘡護理型就最適合
而且，因為暗瘡肌都屬於敏感性皮膚
所以呢款暗瘡護理型比起其他兩款更溫和
好似我呢D敏感肌就最啱啦~
同樣係無色透明水狀，但呢款無香料，亦無花香啦~
不含油分、酒精，不致粉刺，經眼科及皮膚科測試、通過皮膚敏感及粉刺測試
將佢放上眼等一陣，同樣好快就抺走左D彩妝啦~
大家可以留意下，我既海棉係無爛，無大力捽的痕跡
大力捽甩既唔叫卸妝，係叫抺走，但皮膚咁脆弱，又點可以捱住俾你日日捽呢？
捽得多，唔單會變鬆弛，仲會出哂細紋架
其實好的卸妝水係唔需要大力捽，只要輕輕一抺就可以徹底卸除面上彩妝及油脂污垢
真係每個毛孔都咁干淨架~
用後皮膚清爽，好 Fresh
雖然我地唔係日日化妝，但防曬都要卸妝架
呢2款Biore 的卸妝水唔單止卸妝力強
而且不刺激，不含油分、香料、酒精，不致粉刺
最重要係價錢非常實惠，日日用多多都唔肉赤呀~
Biore Hong Kong
此產品由品牌提供
如對產品有任何疑問，可直接聯絡品牌查詢
文章只屬個人意見，效果因人而異，只供參考
如要聯絡本人，請電郵至： smonkichi@hotmail.com
Fanpge : www.facebook.com/smonkich
Instagram : https://instagram.com/smonkichi/
留言
張貼留言