整體還可，細節要執過 ~ 肚餓了串燒烤焗專門店
成日都食意粉，西餐，壽司，食到實在有D悶
想轉轉口味，搵左呢間主打串燒的專門店
肚餓了
個名已很可愛，肚餓了，當然要食啦~
咁就去食啦~
店內裝修以水泥牆，地為主，配以昏暗的燈光
很有神秘感~
手寫粉筆餐牌，很RAW的感覺
另一偶，自成一角，很適合大班朋友齊齊開餐
除了餐牌，還有這張點餐紙，一眼睇哂
燒物都算多種類，特別海鮮類的選擇夠多的~
蔬菜類也有不少選擇
呢度有特別推介的手工啤，以香港電影名名命，幾有心思
後面仲有一排酒架，放滿了紅酒，清酒
可惜2個女生不勝酒力，只點了2紅............罐
華元堂的涼茶，第一次見，愛試新的我當然要點
味道的確很有涼茶味 ，亦唔係太甜，感覺幾下火~XD
想不到先來的，竟然係菜~XD
兩款菜都加入了醬汁一齊燒, 很野味
尤以BB露荀夠嫩無渣值得推介
蒜容扇貝，加入大量蒜粒味香濃，火喉剛好~
牛舌夠爽脆，亦帶燒烤香~
茄子整條上，抵食，不過有種奇怪的味道，我唔知係咪香料黎，味道不太慣~
安格斯牛柳粒，外型唔算粒，似肉片，而且大少不一，導致燒出來的生熟度不一
雞軟骨，普通貨色，燒得熟但沒有香氣~
勁辣虎皮椒，對本身食辣的我，辣度還可以，未算勁辣
店主特別加入辣醬汁，令辣味提升
不過我都係鐘意食虎皮椒點豉油多D (好似煎釀三寶個隻甜豉油呢)
珍寶帆立貝
好夠大隻，燒得還可，無燒\乾~
黃金炸魚皮
份量算唔少，魚皮都夠薄夠脆
不過黃金的咸蛋黃汁撈得唔夠勻，有好多流哂去底，有D浪費~
食左咁多濃味野，來個清清的菜吧
芝士煙肉焗西蘭花
清係因為西蘭花真的無咩味，似白灼
芝士味也不太濃
若然平時就咁食會覺得超淡口，還好之前食了濃味的串燒，這個淡口菜可以一解膩
不過西蘭花建議再多切幾刀，實在太大舊
串燒其實很難，要控制火候，過熟會乾，過生也不夠焦香味
這裏的水準算不錯，不過細節位可以再留意下~
肚餓了串燒烤焗專門店
尖沙咀亞士厘道17-19號6樓
文章只屬個人意見，只供參考
如要聯絡本人，請電郵至： smonkichi@hotmail.com
Fanpge : www.facebook.com/smonkich
Instagram : https://instagram.com/smonkichi/
留言
張貼留言