親子點心班，成就滿滿自信 ~東海薈親子點心班 2018
一早預訂左東海飲食集團 "東海薈"的復活節點心班
【吃喝滿FUN ‧ 親子點心班】2018
囡囡日日期待，成日講，終於等到呢一日啦~
由金鐘地鐵站出口沿住天橋一直行，就到左位於中信大廈的東海薈~
第一時間，當然要換番套廚師衫先啦~
之前報名時已經問定女女既服裝SIZE
成套衫連帽同圍裙都好啱身，好醒目呀
如果大家鐘意，98蚊就可以帶埋呢套衫回家添~
換過衫，當然要影番D靚相留念打下咭啦~
呢度有個靚靚背景同好多唔同道具俾大家影相留念
想影多D靚相，記得要早D到呀~
(好多謝在場的公關姐姐好幫手，幫我2母女影左好多靚相)
今日我地會整2個點心
粒粒粟米包
蟹皇燒賣
師傳出場啦~
師傳係點心部總廚蔡慶雄先生
雖然成班都係豆丁馬騮仔，但師傳依然好細心，好用心咁一個個步驟敎大家整
成班馬騮又好用心聽喎~XD
首先整既係粒粒粟米飽
師傳幾下手勢，已經成條粟米出左黎，真係好似呀~
到我地整啦~
首先將預先準備好的麵團搓成長條型~
再將佢平均切成六份
因為我地今日會整6個飽~
女女既手勢，係咪好有功架呢~
成個師傳仔咁～XD
將切好的細麵團落模，包入餡，收口，咁就完成啦~
雖然女女人仔細細，但估唔到佢幾熟手下~XD
成個過程都係佢全權主理架~
成品都幾似模似樣架~
整哂6個，就有專人幫我地拎去蒸啦~
呢個時候，我地就開始第二樣點心
蟹皇燒賣
師傳好詳細咁教我地點樣整個燒賣餡
仲同我地分享左好多煮食心得
師傳話個燒賣彈唔彈身就要起膠起得好~
要係咁搞到佢起膠為主，仲要雪下佢，等D肉無咁散
不過呢D咁考工夫既野，都係回家先再整
因為師傳已經幫大家預備好哂個餡啦~
除左個餡外，原來整燒賣都有一個好重要的竅門
就係"燒賣手勢"啦
個個小朋友都好認真咁跟師傳學整呢個手勢~
只見師傳一扒一塞，一個靚靚燒賣就成型了
睇佢整，好似好易咁XD
睇完師傳的示範，又到我地自己整啦~
整燒賣既材料：8塊黃皮/餡/蟹籽已經放哂係度等我地啦~
師傳話預算整6個燒賣，俾多2塊皮我地，驚我地整穿~XD
囡囡學完師返黎，搶住整
開頭都驚佢整唔掂，但估唔到佢又得喎~
了幾下，塞幾下，又真係整到個似模似樣的燒賣出黎~
於是，我就唯有繼續做攝影師，全程由佢搞啦~
話咁快，八塊皮都整哂~HAHA 超額完成
個籠都爭D放唔落~XD
加埋D蟹籽係上面，就可以拎去蒸啦~
係整燒賣既時候，粒粒粟米飽已經蒸熟，可以出爐啦
嘩，好壯觀的包山呀~XD
呢個，就係我地既成品啦~
個飽面有D一粒粒，勁似粒粒粟米，好得意呀~
味道當然仲好好添啦~
飽皮夠軟，加入左粟米粉，有好香甜的粟米味
雞肉粟米餡又唔太咸，好啱小朋友食~
除左飽山外，再黎多個燒賣陣~
好少可一次見到咁多籠燒賣~XD
我地既成品 (應該係我女的成品) ，似模似樣架
大大粒，就黎塞爆個籠啦~
望住呢籠燒賣，我突然感動，有D眼濕濕
阿女真係大得好快，已經識整燒賣俾我食啦~
再唔係往日行下跌下既BB女啦~
望住呢籠燒賣，真係有D老懷安慰既感覺~ XD
咁叻女，當然要頒番張證書俾你啦~
自己既製成品當然要即蒸即食啦~自已整既真係特別好味架~
六個飽/8粒燒賣，其實都已經飽左一半，
再加埋呢個咁豐富點心午餐，飽到上心口~XD
至於呢個咁美味的芒果布甸，就幾飽都要食埋佢啦~XD
成個活動由整點心到食埋個點心午餐
由11點玩到2:30點，玩左3粒半鐘
一大一小，又玩又食，只係三百幾蚊，真係超級抵玩
最重要係女女真係玩得好開心
D點心又靚又唔難整，小朋友都信心滿滿地自己整
整完好有成功感~
如果你都想有個咁得意既體驗
可以留意住東海飲食集團的FACEBOOK 架
收費詳情
HKD 398
早鳥優惠收費: HKD 368
* 以上收費包括午餐及一份製作材料 (供1名家長及1名小童)
* 如多一位家長參加需另收午餐費用 HKD 120 (不包括製作材料)
* 如需多一份製作材料另收 HKD 200
如要聯絡本人，請電郵至： smonkichi@hotmail.com
Fanpge : www.facebook.com/smonkich
Instagram : https://instagram.com/smonkichi/
留言
張貼留言