懷舊過去常陶醉 ~ 火水爐冰室火鍋
"火水爐"，九十後，零零後真係未必知係咩黎
就算70後, 80後，都可能只係聽過，未用過~
其實，佢係以前既一種煮食爐，用火水黎燃燒
而呢間位於旺，取名 ""火水爐" 的店鋪，一聽個名就知係走懷舊路線~
去到樓下，已經見到超精置的佈置~
新一代真係未必知有咩咁特別，但呢D "即日放映" 既牌匾
完全重現番舊式戲院的格局
淨係個入口，都可以有排影啦
真係將當年戲院忠實還完
老一輩可以黎懷舊下，新一輩可以黎見試下~
上到黎2樓，又係另一番風景
店主將店鋪畫分了幾部份
每部份都反映了不同的舊時光
好似呢D成日係街見到的通渠廣告~
50/60年代家家都窮，當鋪真係幫左唔少人~
當年，連棉被都可以拎去當架~
整個餐廳，都充滿了懷舊的味道，就連地下的階磚，都係當年流行的款式黎~
每一角都包含了舊香港人的故事
隨便一個地方，都可以影到好多靚相~
不妨加D懷舊元素打扮，黎呢度影番輯懷舊風沙龍呀~
當然，今日的最終目的，係要黎打邊爐 XD
呢度有2個任食套餐
HKD 259 / HKD 298
每一款都會先送一個雞煲，再加一個任食打邊爐
差別，就係牛肉稍稍有不同啦~
連呢D碗碟都襯埋架~
呢隻花花搪瓷碟，有冇人未見過或用過呢？
HKD 258的自助餐
先上黎一個鮑魚麻辣雞煲
鮑魚大大隻的，而且很新鮮
店員敎煮一陣就好食，果然滑溜無痴牙
雞煲也是超大一的一窩
是夜3個女仔都食唔哂~@@
雞煲叫了少辣，香氣迫人，雞肉也是嫩嫩的，很可口~
基本上，食呢個雞煲都夠飽~@@
我尤其愛雞煲入面好多香菜，索哂雞煲的精華，超級入味~
雞煲食到咁上下，店員會幫我地將未食完既雞煲換成碗上
因為不停淥住，D雞會變O鞋的~
呢個時候，就可以揀另一個湯底同打邊爐的料~
因為雞煲幾濃味，我地就揀左個清清地香茜皮蛋湯底
真係超級多荽茜呀，對於荽茜既我真係食得好開懷~
打邊爐，每人都會有一份新鮮海鮮，我地3個，就每件都三啦~
有魚，有蝦，有大隻蜆，仲有蠔添~
海鮮基本上都好新鮮，仲有冰鎮住~
但那個蠔，因為連殼，其實唔係幾想成個放落個湯度
最後，我地都係起左殼先放的~
牛是這裏的主打 (也是香港人打邊爐的最愛呀)
因為是安格斯牛呀~仲係任食
牛肉比平時的肥牛好好多，無咁多肥膏
色澤又靚，仲唔會雪到硬崛崛~ 而且入口真係好嫩滑
另一個必食的，當然係第2主打的西班牙黑豚肉
色澤粉嫩粉嫩的，外表已經很討好~
肉也切得很薄，快熟，嫩滑之餘比牛肉多了點彈性，高質肉黎~
其他的配料，雲吞和水餃也很新鮮野味，其他的雪藏感較重
蔬果也很靚，色澤新鮮~
蔬菜，是打邊爐必備呀
生菜的話，有改善的空間呢~
最驚喜，係最尾的這個懷舊雜果紅荳涼粉冰
冰混和上面的配料一齊食，甜度剛好
打完邊爐後來個透心涼的冰冰真係超級爽呀~
基本上尼度既食物質素都幾好
不過雞煲加邊爐對我地女仔黎講太多了
如果可分拆雞煲餐和邊爐餐就更好
火水爐冰室火鍋
旺角煙廠街33號朗廷軒1樓
如要聯絡本人，請電郵至： smonkichi@hotmail.com
Fanpge : www.facebook.com/smonkich
Instagram : https://instagram.com/smonkichi/
留言
張貼留言