走進哈利的魔法國度~ 9 3/4 cafe


一早預告左今日會去HARRY POTTER CAFE
雖然女女未睇過,聽我講完都期待左成個星期

黎到門口,已經被呢個咁得意既門口吸引左~ 

呢度門後面,就係另一個魔法世界啦~

一入黎見呢隻野好似飛緊過黎咁~ 


坐低,待應送上呢2隻好得意既魔法杯,佢個底唔平架,但係咁轉轉轉
2母女淨係玩呢隻杯都玩左好耐! XD 完全配合呢個充滿魔法既國度~



整個餐廳設計都沿用中古世紀的風格,牆上掛滿左好多油畫~ 


當然,又點少得呢D每人都好恨擁有的飛天掃把同魔法仗
魔法仗真係支支都唔同架,唔知店主用左幾多時間去搜羅呢~ 


書架上放滿左好多HARRY PORTER 既道具,魔法書,仲有HARRY PORTER FIGURE添 
哈利迷見到實尖叫呀~


每張枱背都有唔同圖案架,好有心思
而枱底下都放左滕籃俾大家放野,好細心呀~ 


店主仲準備左好多道具俾大家扮下哈利~ 


加埋呢個必影的打咭位~ 真係有夢境成真的感覺~


最衰差件袍啦,店主話好多DEAD HEART FANS 真係會著埋件袍上黎影相架~ 

呢度既餐牌都經過精心設計架~~
睇落好似一本魔法書咁~ 
連菜名都特別諗過架~ 好似有呼呼南瓜現 (南瓜湯) 
噗噗蘭 (芝士焗西蘭花) 飛飛禽(香酥雞翼) 等等,好得意
同女女讀D菜名,佢笑到傻左~XD  


女女點的
愛情魔藥 (士多啤梨乳酪)
HKD 55
電燈膽外型已經好吸引,入面仲會著燈架~ 
味道酸甜度適中,唔會太甜~ 


恩不居里的午後 (HKD 50)
其實就係我既芒果茶~ 
茶具好靚,好有春天氣息~ 
芒果茶無糖,有濃濃的芒果香味~ 


吹狂魔之吻 (紅酒燴牛尾) 
HKD 138
醬汁仲有淡淡的紅酒香,當然食落已經無酒精味啦~ 
反而有D蕃茄既酸甜味~ 


牛尾燴得恰到好處,離骨之餘仲有肉的咬口,唔係淋PAT PAT ~


水焉蟲奇妙通道 (拿破崙吞加魚意粉) 
HKD 82

個名好得意,意粉煮得軟硬適中
混有蕃茄醬汁的吞拿魚 ,無白汁咁膩
份量都唔少,意粉食極都仲有


不過凍左後吞拿魚要少少腥味,所以建議要趁熱食呀~

暴暴吞 (芝士黑松露煙肉焗薯條)
HKD 48


見到枱枱都有叫~
超級大的一 兜,面佈滿了煙肉和可以拉絲的芝士~ 
薯條因為焗過,變得淋的,食落好似焗薯咁,超級飽肚~ 


臨走時發現原來仲有一個神秘國度架~
就係原來入面仲有一間佈置得好有得特式的房間~ 
叫多D朋友黎,一齊黎個HARRY POTTER FANS 大整合啦~ 



9 3/4 cafe
旺角煙廠街9號興發商業大廈4樓404室


如要聯絡本人,請電郵至: smonkichi@hotmail.com











留言

這個網誌中的熱門文章

灰甲小知識 ~ Emtrix®安甲適®

帶女女徹底驗眼 ~ 理大護眼中心

輕輕鬆鬆踢走肚腩~ 【Kakki 活気-腹周燃燒 EX 錠】