油頭到腳的護膚品 ~ 日本黑薔薇本鋪純椿油
最近，大家都好鐘意用油
好多品牌都出左好多種油
有搽頭髮，搽面，搽身
但幾十種油係咪有d煩~XD
如果有一種油可以由頭用到落腳既，你話係咪好正先？
其實呢，係有既~
就係呢枝
KUROBARA TSUBAKI OIL
日本黑薔薇本鋪純椿油
黑薔薇本鋪是一間來自日本的公司，有成90年歷史
而佢自2003年開始已經推出了山茶花的頭髮護理產品，之後一直改良~
而呢枝100%的純生製山茶花油更深受日本女性推祟
咁同其他品牌有咩唔同？
原來市面上好多同類產品都會經過高溫處理，產生反式脂肪酸
反式脂肪，大家一聽都知唔係好野啦~
而且高溫處理仲會破壞左山茶花油的原有結構同滲透力
黑薔薇本鋪就用左「純生製法」，通過活性白土的「吸附過濾精製」技術，
去除當中的非純正物質，實現了0%反式脂肪酸的效果
不論頭髮或肌膚都容易吸收，可以用於全身~
咁好多果實都有油，點解又要用山茶花油先？
原來山茶花油的特性比其他植物油都強
尤其係不易氧化同穩定性都比較高~
講到咁好，但又點用呢？
遠到江戶時代的理髮師已經用呢隻山茶花油幫人扮靚靚啦~
咁我地就由頭開始講起
頭髮方面，可以分為日常/重點/濕/乾髮的不同處理
日常護理，可以當做護髮素架
洗髮水後，將3-43到4滴純山茶花油倒在熱水裏
然後我會將D頭尾浸落去 (唔好浸到頭皮呀)
頭頂方面 可以將D加左油既水搽落去
唔使沖水，就咁吹乾就得架啦~
KEEP 住做，可以防止同改善毛燥感架
我用左3日，頭髮既毛燥感已經大有改善啦~
重點護理方面，可以一個月2次
將山茶花油倒在掌心，塗抺係半乾的頭髮上，
可重點塗抺係受損髮絲的位置，之後以風筒吹乾
可以修補及預防頭髮乾旱開叉架
如果有頭皮痕癢或頭屑的問題，可以係頭髮全乾的狀態下，
用山茶花油黎按摩頭部，再加40度熱既毛巾包住焗15分鐘，
之後洗淨，就可以溫和潔淨頭皮污垢，去屑止癢
每星期做一次就得啦
我就暫時無呢個問題，所以都未試到
如果大家試過，可以告知我效果呀
至於臉方面的用法都有好多呀~
最基本的用法，就係爽膚水後，再塗係面上
(面上留有少少水份或混合爽膚水再塗，加強保濕的功能)
基本上呢隻油好清爽，搽完後會感覺面部有光澤感，但又唔係油淋淋既感覺
冬天用，簡直不得了~
夏天，建議可以夜晚洗面後用，可以緊鎖水份，成晚吹住冷氣都無問題啦~
官網話仲可以有紫外線防護，防止斑點，雀斑。
而面部既特別護理
就係可以做面膜啦~XD
潔面後，取少量山茶花油塗勻全面，用再加熱至40度既毛巾敷係面約10分鐘
毛巾的話，建議唔好揀太厚，會透唔到氣~XD
亦唔好貪心加得太熱，會灼傷皮膚架
敷完之後，真係有"嘩"一聲的感覺
面部有毛巾的熱力，循環真係快左，面部好滑之餘仲好有光澤~
呢個特別面膜唔使成日做，一個月一次或2次就夠架啦~
除左護理，呢枝山茶花油仲可以用黎清潔,,,,甚至落妝~
清潔的話，可以係潔面泡上加少少山茶花油，溶解潛藏的污垢
卸妝都得？我又要試試先~
手上的係一D平時用的妝物
有粉底，防水眼線筆，防水眼線液同超紅唇膏
落左油後輕按幾下，粉底，防水眼線筆同超紅唇膏都甩左九成
但防水眼線液點解唔甩架~@@
正當我好失望之際，諗住攞出化妝棉加水抺走Ｄ油
估唔到，真係一抺即走~乾淨到無朋友~條眼線咁就抺走左了～HAHA
至於身體護理方面，只要係沖完涼，身體仲有少少濕潤既時候塗上山茶花油就得
特別可以重點針對頸，肩，手踭位，跟踭位呢D容易乾燥的地方加以按摩
每星期搽一次就夠架啦~ (最啱我呢D懶人~XD)
我最鐘意呢枝山茶花油無咩味道，唔會有陣油O翕味
(有試過DIY髮尾油，俾我囡話好臭~@@ )
而且佢的質感好清爽，搽落身或面都無咩油淋淋既感覺
前一晚搽係頭髮，第朝起身頭髮依然清爽，唔會笠痴痴~
最驚喜係佢既卸妝效果，真係估佢唔到呀~
呢枝山茶花油依家已經長駐係我沖涼房啦
沖涼完可以一枝油由頭搽到落腳，非常簡單又方便
唔使再放咁多枝野啦~
銷售點：莎莎、CitySuper 、Log-on 、APITA 、UNY 、PIAGO有售
查詢電話: (852) 2690 5220
是次產品及資料由公關公司提供
如要聯絡本人，請電郵至： smonkichi@hotmail.com
Fanpge : www.facebook.com/smonkich
Instagram : https://instagram.com/smonkichi/
留言
張貼留言