Sally Ngai's Private Heart

話咁快2015又完左啦~ 以前都唔覺得時間咁快 但當年紀漸大，同埋有左小朋友 真係感覺到時間係係度流走架~ 2015年最後的一日 為大家介紹下呢個歷史悠久的品牌 KOSÉ SEIKISEI  雪肌精 早前參加左KOSE 雪肌精的30週年活動 活動回顧： http://smonkichi.blogspot.hk/2015/12/30.html 真係唔覺唔覺又30，你話時間過得幾快呀~  係今次的週年活動度好開心有得卒先試用雪肌精新品 KOSÉ 滋潤版雪肌精 首先回顧下平時大家用開的雪肌精先啦~ 呢枝就係1985年 KOSE 出品的雪肌精 同時亦係 KOSE 雪肌精系列的皇牌 多年黎大家都對佢不離不棄~ 除左成為爽膚水外，同時令皮膚雪白透徹，緊緻~ 膠紙封口，確保品質，亦係日牌一貫細心的作風。 話明係化妝水嘛，當然質感似水咁清爽啦~ 不過唔好咁水以為無料到~ 佢的滲透性極快，亦好高，一下子就將手既乾紋溶化了~ 而且質感超清爽的，好啱合夏天或者年輕肌人仕使用~ 至於冬天，又或者係乾肌人仕，當然係滋D仲好啦~ 滋潤版雪肌精  KOSE 終於係30週年推出左呢個滋潤版啦~ 滋潤版同時有化妝水同乳液~ 藥用雪肌精美白化妝水  <滋潤版> 呢枝同普通版的雪肌精化妝水無論外在的紙盒包裝幾乎一樣 \ 只係多左 "ENRICHED" 的字樣 大家係選購時要小心D分辨呀~ 當然，仲有一樣可以分到 就係滋潤牌比普通版多左3個成份 分別係： 麥門冬萃取液 ， 天人花萃取液 ， BG保濕 高保濕效果的麥門冬萃取液﹑天人花萃取液，滋潤肌膚，提昇透亮感 呢D就係令雪肌精更滋潤的秘方啦~XD 可以見到滋潤版的化妝水明顯無咁清徹，有少少半透明的狀態~ 搽上手後皮膚吸收的時間要長左少少~ 但好明顯地FEEL到佢的滋潤度係 DOUBLE UP~ 無論係普通牌定滋潤版的雪肌精都可以另一個用途~  ...

話說今次係我第2次黎呢度食飯~ 1 黎因為近朋友公司 2 黎坐幾耐都得，唔怕俾人趕走~ 明顯地今次比上次多人左好多~ 但大家都好斯文，靜靜的~ 同樣的裝修，依然吸睛的酒櫃以及昏暗的燈光。 MENU 上同樣有唔同既咖喱可以揀 依然多選擇的薄餅 仲有專為食素人仕的素菜類，當然仲有SET DINNER  (超大份的，2個女仔係一定食唔哂囉~) 呢度既三色醬我每款都鐘意 薄荷醬味淡D，啡色的燒汁味醬和辣醬都好好味 完全係香港人接受到既醬汁 不過今次唔知點解無左胡椒餅既~ ><  今次全部餸都係朋友點，可以食一D平時自己唔識/唔會叫的餸 印式春卷 成個春卷都好菜，入面得甘荀同一D菜蓉 好處係唔會好似薯蓉咖喱角咁食滯 主菜一 無骨燒雞 鐵板上，但上到時已經無左咋咋聲了~ 不過菜依然係熱的~ 雞加入了大量的香料，肉質已經很鬆 (可能俾D香料配到淋左) 味道很香口，就連配菜都好好食。 椰汁咖喱羊 呢個好有驚喜︳亦非常好味 佢唔係好辣既咖喱, 類似葡汁咁~但係甜甜地~ 黑色一粒粒的, 好似熱情果籽咁，不過我估係香料黎~ 好啱唔係好食得辣既朋友 不過我鐘意食辣都好鐘意食呀~ 最衰入面既羊肉好實，減左少少分。如果再整淋D就PERFECT 啦~ 甜酸咖喱雜菜 睇個名好似好得意 不過唔知係咪上錯左 一D甜酸都食唔到只係好普通既咖喱雜菜, 有D 失望 唔好睇佢係菜，但係超飽肚的 入面有D一截截，好似街市既豆角咁 加埋落去食感覺又幾好 (平時我麻麻LIKE食架) 可以平衡番咖喱的飽滯怠。 呢度既薄餅好多選擇，不過大家都好安全咁揀左芝士薄餅 薄餅係屬於厚底，好飽肚 加埋頭先個咖喱雜菜，真係超飽的配搭呀~ 當然，因為係較硬身個種，所以都唔會好油膩。 值得一讚呢度既服務真係好好 待應笑容好好，無中國人餐廳個D黑口黑面 就算我地唔知係咩，係咁問問問佢都好有耐性解答 幫我地影相時仲會去唔同角度幫我地影到好為止 真係好想係度講句，唔該哂呀~ ...

最近入手左個新袋 係今年至興的水桶袋 呢個袋真係一見傾心呀，一黎容量夠大， 同阿囡出街裝哂水呀，外套呀都完全無問題~ 二黎有我至愛的 型格DETAIL,  蛇紋配上金屬鏈，包保唔會變C9 LOOK嘛~ 連個手挽位都鑲埋金屬鏈架~ 係咪好型呢~XD 呢個袋既牌子係 TOPSHOP 我估大家都唔會陌生啦~ 其實TOPSHOP 呢個BRAND 我都幾鐘意， 佢既款走歐美型格路線 (我著唔到D韓國可愛短裙呀~T.T)  同埋佢既價錢都幾REASONABLE 質地又OK 香港冬天唔係太凍，一件皮褸已經頂得順 好似呢件短TOP 的皮褸，用黎襯裙襯牛記都無問題， 價錢都係729 咋~ 如果想CAUSAL 少少，可以揀呢D薄身少少既夾棉褸 著起唔會顯得臃腫，仲有少少高腰位，望落隻腳都長D架~  最重要係價錢都係 779 咋~ 如果要返工款，呢件西裝褸就最啱，中性又型格，霸氣十足 就算好似MODEL咁襯番牛仔都一樣無問題，超百搭~ 今年秋冬都開始興番D及膝A LINE裙，特別係呢D STAIN 料的，襯件皮褸就可以變成冬裝 當然，唔想太過強硬，粉紅STAIN 裙都係一個唔錯的選擇~ 當然，冬天都有唔係既節日PARTY要去 想低調地性感，可以揀呢款背部中空的連身短裙 外面著件大褸就行得~ TOPSHOP 呢條連身短裙簡單又大方~ 仲可以SHOW 下長腿~ 唔係下下低胸DEEP V 先叫性感架~ 香港的冬天真係越黎越熱，有時加件長袖外套就夠啦~ 長身款外套一直都係我鐘愛的ITEM 矮小的我最鐘意揀七分袖，望落個手腳都修長D 又唔怕隻袖長到鬼 論論盡盡咁~ 最近見大小品牌都有流蘇 ITEM 就知今年流蘇會成為大熱。 流蘇可以好型格，又可以好女人，可以低調，亦可以浮誇 唔好以為流蘇款一定好娘~ 就好似TOPSHOP呢件加入流蘇的半身長衫，因為以棉質為主，感覺即刻CASUAL 左 襯對懶佬鞋或波鞋就OK 冬天加件短外套，露出底個D流蘇，好似條另類長裙咁，真係好型...