Sally Ngai's Private Heart

阿女張碌架床嘅木樓梯用左幾年 有日一踩上去，爛左...... 點算好？無理由為左條木樓梯換過成張床架？ 好彩搵到梁師傳~  梁師傳平時係YOUTUBE介紹家居裝修 但原來佢仲會敎大家點樣維修傢俬添~  梁師傳好有經驗，而且仲會用最簡單同有效嘅方法敎大家維修一D簡單嘅家具 就好似呢D爛左嘅樓梯，首先要拆左條梯落嚟 本黎嘅窿因為木條老化，所以唔可以再係原位重新上鑼絲啦~ 梁師傳用電鑽重新鑽過一個新嘅鑼絲位去固定 2,  3 下手勢就幫我維修好條木樓梯啦~  非常快捷，咁又幫我慳番好多錢啦~  除左木樓梯，屋企嘅廁板是最出易出事嘅地方 屋企塊廁板，一坐落去就會歪左 自己上網睇過，好似好易整  買哂配件返黎，整左大半日都拆唔甩個舊廁板 原來因為鑼絲用得太耐，條膠圈都滑哂啞，點扭都扭唔到出黎~  梁師傳靠佢嘅經驗同恒心，終於將成粒壞左嘅鑼絲拆到出黎 拆出黎個一下，大家都開心到叫左出黎~HAHA 維修家居都可以帶來好大嘅滿足感架~ 好多謝梁師傳，困擾左我成年嘅問題終於解決左啦~  一個屋企住得耐，點都會有唔少小地方要維修下 得閒睇下梁師傳，學識點解整 年中都可以慳番唔少錢架~  記得訂閱梁師傳嘅CHANNEL, 學多D裝修知識，就唔怕俾人呃啦~   

大家黎官塘，第一時間就會諗起駱駝漆大廈 呢度已經成為官塘工廈嘅地標 所以不停有新餐廳進駐，就好似呢間 望逸咖啡研究所 Mong6jat6 cafe Lab 餐廳位於最旺的第三座 1樓，唔想等LIFT, 行上去都得。 不過餐廳個招牌名太特別 (印章樣~XD)  所以大家認住呢張相啦~XD  行入餐廳，最當眼的是呢個咖啡吧~  ICED ESPRESSO 是餐廳特製，可以拎回家加凍奶或水即飲，超級方便 我就即時係餐廳試番杯先~   凍咖啡會用針筒裝住，飲嘅時候自己唧出黎, 混合凍牛奶，好玩又IGABLE~ 除左器皿有諗頭，呢度咖啡嘅味道都好特別同創新  好似有Cold Brew Jasmine , Dirty 益力多, 可樂咖啡  我呢杯伯爵茶鴛鴦 (Earl Grey Latte ) 有很香濃的伯爵茶味，MIX 埋咖啡味，好特別呀~~ 職員話由11月開始，望逸咖啡研究所逢星期六日推出 - $158/90分鐘任飲優惠（包括咖啡、手沖等）, 咁就可以一次試過哂佢嘅特別口味啦~~ 雖然呢度以咖啡為主，不過其實佢都係一間餐廳黎 有意粉/ 意大利飯 / MAIN COURSE 同甜品都有齊，而且水準都幾高~  忌廉蘑菇湯 (跟餐上)  非常濃郁香甜~ 仲有蘑菇粒粒增加口感 卡邦尼扁意粉 $88  方型肉粒得意又好味，俾我女快速KO哂~~   白汁嘅烹調手法非常好，剛好沾在意粉上, 又唔會水汪汪一PAT 留係底  係近來我食過最喜愛的卡邦尼~ MAIN COURSE  半邊春雞配烤豬肋骨 $ 148  (跟餐湯和飲品)  份量是超級大份的。除左半邊春雞外，想不到豬肋骨竟然有3條咁多~~而且係大大條，啖啖肉的。 春雞外皮煎得香口，肉質嫩滑不柴 烤豬肋骨嘅BBQ醬非常好味，唔會太死咸，用黎配薯條食係絕配呀~ 跟餐點了呢個檸檬梳打水 (無糖)   非常夠氣。口感清新，食完個豬肋骨飲番啖，又係爽~  餐廳嘅lunch set 都好抵食呀~ 望逸咖啡研究所  觀塘開源道60號駱駝漆大廈第三座1樓J室  

市面好多染髮劑成日話天然，但其實有好多有害嘅致敏物質，甚至致癌物質添 所以有脫髮問題嘅我揀染髮劑要更小心，唔敢亂咁用 最近用完呢款由英國品牌嘅植物染髮劑NOUGAT 真心覺得好正 好想推薦俾想染白髮又驚甩頭髮嘅朋友 NOUGAT - 植物染髮劑 NOUGAT 是 英國品牌，但產品是意大利製造架~  1.     染髮劑採用天然無氨配方，減低染劑對頭皮頭髮的傷害與致敏風險 2.     加入天然植萃的抗衰老配方，修護頭皮和脆弱受損髮質，修復頭髮毛鱗片，提升頭髮強韌度 3.     不含 PPD ，不含九大有害物質，即使連孕婦都用得 4.     加入多種植物精華，首創療護型染髮，一邊染髮，一邊護髮 5.     12 色選擇，有效遮白髮 染髮劑除左有平時嘅 1+2 染髮劑，仲有一個護髮膜同組蛋白精華 連工具好專業。除左有 護髮梳同碗， 連耳套，披肩等等都有，方便在家自行染髮 1. 先MIX埋 1+2 的染色劑搽上頭髮     染髮劑不刺鼻, 唔攻眼，我好放心叫阿女幫我染~haha     佢嘅上色效果比我以前用過嘅植物染髮劑實好多，唔使一流就甩左大半      即刻染左一次，顏色已經好實在      因為係天然產品，所以等待時間會較長，大約40-60分鐘 2. 用清水洗走染色劑後，再搽上3的 森活水感髮膜 等待3-5分鐘。     護髮膜超絲滑，仲好快被頭髮吸收。     D香味好似美容院超舒服的味道，一試愛上。 我打算入手大盒裝, KEEP住用。 3.      抺乾濕髮後噴上重組蛋白精華，再吹乾。            重組蛋白精華有 30ML ，可以 KEEP 住一星期用 2-3 次。有排用 ~ 一齊黎睇下效果啦~  之前我一直都係補染，所以搞到d頭髮變左2截色 依家染完，髮色已經均勻左好，無咁核突啦~  白髮部份都遮得好好，用一次已經上到色啦~ 想遮白髮，又想keep住靚靚頭髮 大家可以試下用NOUGAT - 植物染髮劑呀~ 品牌及產品資料 https://nougatlondon.com.hk/ https://www.facebook.com/nougatcare https://www.instagram.com/nougatlondon.hk/ HKTV MALL   有售  文章只屬個人意見，效果因人而異，只供參考 聯

凱匯的3樓平台好靚，中間有個大花園俾人行下坐下。 圍住花園開左唔少餐廳。最近更進駐了呢間主打手工意粉 Pentola 餐廳以全落地玻璃組成一間玻璃屋 坐係入面，彷似置身於園林境內。 餐廳中間有個圓圓的大吧枱，將用餐區分成2邊，自成一閣。 加上幽暗的燈光，都幾適合聊天~  甫坐下就送上一袋「禮物」 其實是餐包。非常得意有心思~ 是夜叫了2人餐 $368 包括2個餐湯+2個前菜+2個主食+2個飲品 仲可以加配甜品，都幾豐富 是日餐湯是粟米湯 由新鮮粟米打成蓉，非常濃香的粟米味 前菜2份 白鯷魚茄子蓉多士 意大利風乾火腿拼盤  第一個次見前菜咁高質，絕唔係求其應付 大大條的鯷魚鋪滿整塊多士面 茄子食落唔覺係茄子, 超淋的 。 火腿拼盤估唔到連粒提子都咁好食，超爽脆 是日主菜叫了一紅一白 手工意式薯團配煙肉蕃茄醬 蒜香白酒蜆肉意粉  手工意式薯團配煙肉蕃茄醬 非常好味又特別，必試 以為薯團是薯仔球？咁就錯了 佢是加入了麵粉的薯仔球，咬落煙煙韌韌好鬼得意 個煙肉蕃茄醬非常香濃，好好食 蒜香白酒蜆肉意粉 呢個意粉味道就偏清淡，有白酒香 蜆肉是新鮮的，煮得剛熟，肉質好鮮嫩。 2人餐跟餐飲 點了加 18蚊的柚子烏龍茶，以為係一壺，原來只係一杯 反而跟餐免費的檸檬茶茶味香濃，值得一試。 加配了2款甜品  奶凍配百香果醬  +38  提拉米蘇   +38  2個甜品都好高質，好好味 奶凍震下震下，好得意 加上百香果醬又幾有新意 提拉米蘇成杯上，份量超級多。 而且入面層次分明，CREAM, 蛋糕一層層，又唔會好甜好膩 絕對推介 呢度環境舒服，食物水準好好 每一款出品都見有花過心思的 人均2百幾蚊有咁嘅質素，我覺得好值得~ Pentola (裕民坊YM²) 觀塘協和街33號裕民坊YM²3樓305號舖  

生日同老公去左九龍城食飯 以前去九龍城都有D麻煩，不過家下開左屯馬線 尖東過去4個站就到，超級方便~  老公揀左呢間有切身，燒肉，串燒嘅餐廳 餐廳做緊周年幸運轉轉盤，一定中，永不落空 我中左6杯啤酒呀~XDDDDDDDDD  我叫左呢個白飯魚乾黎送啤酒 佢俾雞泡魚乾脆鬆化好多，唔使咬到牙軟 用黎送酒一流呀~    以前一直覺得九龍城嘅餐廳都幾貴~  係D有車嘅中產鐘意去~      但估唔到牛石嘅價錢又幾貼地喎~   呢個100蚊4隻嘅燒刀貝，Size 俾想像中大好多呀(有手心咁大隻) 而且隻隻超飽滿，燒得剛熟，唔會燒乾 唔使落任何調味料，就係要食到個種鮮味~ 刺身件件厚切， 價錢仲要勁抵 北寄貝 48蚊6片 ，大型連鎖店都食唔到呀~ 呢D係活北寄貝 (第一次見呀)， 78蚊一隻 (手掌咁大)  用黎做刺身，一隻可以開到4-5塊，好抵食~ 左邊係活北寄貝，右邊係熟北寄貝 第一次食識郁嘅北寄貝刺身，果然超鮮味 我已經深深愛上左佢 除左有刺身，仲有日本高質燒肉套餐 $688 呢個set 除左A5和牛肉眼 A4 和牛肉眼背峰，A4 和牛肉西冷 仲有頂級牛小排，牛舌心，日本黑豚西冷，日本華味島雞腿肉，日本黑豚腩 款款個樣都好靚仔高質，食到停唔到口 要讚下呢度雖然唔係主打燒烤，但個爐非常夠力，燒出黎嘅肉好靚 又唔會食到成頭煙，而且個秘製燒汁仲好正，唔會死咸，配燒肉一流~ 最後來個雪糕作為是日總結 呢個OSAKA 雪糕有幾隻味 我叫左豆腐雪糕同伯爵茶雪糕，2種味道我就鐘意豆腐多D，豆香濃D~ 牛石料理 Gyuseki Japanese Restaurant 九龍城福佬村道51&53號地舖