Sally Ngai's Private Heart

我地係普通人，面上耐唔時都會生番粒暗瘡仔 但生緊瘡仔既位其實係發緊炎 呢個時候如果再係咁搽上化妝品，分分鐘會令暗瘡既發炎程度更嚴重架 所以今日介紹呢款，就係來自韓國，超可愛的  Mizon 10vely  【Lovely 無瑕兔】零瑕疵肌膚 佢唔單止係一款遮瑕膏咁簡單，而係一款有抗炎成份的遮瑕膏 包含98％的的植物成分，溫和配方，適合任何肌膚，可達曬傷後舒緩和保護的雙重功效 有專利抗炎功效，舒緩痘痘肌膚及刺激性皮膚 可穿透表層皮膚直達底層，以減輕皮膚乾燥，堅果油成份形成保濕屏障，讓肌膚水嫩長達24小時。 98%植物成分，包括綠茶提取物和紫草提取物，有效抹走多餘的皮脂和雜質 遮瑕膏的質感似粉底液，非常水潤好推，少少一點已經可以用到好大既範圍 即係話，非常抵用~ 細細一枝都有排用~ 開頭見到佢包裝咁得意，仲諗住得個樣 估唔到遮瑕力又真係幾勁 大家搵唔搵到粒瘡仔遮左去邊~XD  至於用作遮斑斑，更加無難度~  先將遮瑕膏以點既形式點係暗瘡位，斑斑位，鼻翼位等等的位置~ 再慢慢印開~  如果係深色既位，可再點多次，用掃係遮瑕膏既邊綠位BLEND開~ 至於遮眼圈呢，唔好搽到眼底既位 要先落筆係較遠的位置，再向眼底BLEND 開~ 之後再印上碎粉 無瑕肌就這樣練成了 ~XD  以前我真係好怕生瘡瘡後化妝 都唔知好唔好用粉底遮住粒瘡好 遮又驚佢發炎，唔遮又唔靚~ 依家有左呢款 Mizon 10vely  【Lovely 無瑕兔】零瑕疵肌膚 Concealar,  皮膚就算咩狀態下都可以化出完美無瑕既靚靚底妝啦~ 【Lovely 無瑕兔】Faecbook  https://www.facebook.com/10velyhk/ 產品【Lovely 無瑕兔】可到分銷商購買 指定分銷商 My Princess HK 我的公主 https://www.myprincessyoyo.com/product-2107.html 【產品由Lovely HK 香港代理商提供】 如對產品有任何疑問，可直接聯

開在官塘OPC的扇火鍋，我也是老顧客了 這裏除了平時一大鍋的打邊爐外，還有一人一鍋 每人都可以食到自己喜愛的火鍋湯底 價錢呢，就跟肉質素而定 由169-279/位都有，豐儉由人呢~ 至於小童價呢，就睇呢個尺啦~   呢度座位都幾寬闊，仲有一排卡位 如果係2人，仲有呢D一塊塊板隔住，增加私隱度~ 雖然係老顧客，但都有新驚喜 就係新出的泰式湯底 只要惠顧 HKD 199 以上的套餐就有得揀 新野，當然要試試佢，再加上我最愛的日式傳統壽喜燒鍋湯底, PERFECT 啦~  冬蔭公湯底好多料，仲有一隻大蝦 湯底幾清新，辣味唔勁，好大眾化，平時少食辣的媽媽都食到無問題 壽喜鍋就係甜甜的味道，用黎淥牛肉就最夾~  肉的話，我地有3個人，可以每人揀一款 我地個餐係澳洲穀飼牛，仲有牛舌，黑毛豬 穀飼牛非常嫩滑，肥瘦適中 而且仲要係無激素同抗生素，最啱女女食~ 豬肉亦很嫩滑，一D都唔嚡 牛舌雖然薄切，但依然KEEP到爽口~ 肉的話更可以無限ORDER的~ 食完就可以叫待應添加 除左主菜的牛，呢度仲有多款火鍋配料都係任食任拎 每人有一隻碟，用黎裝火鍋料~ 火鍋料基本上都幾新鮮，亦有好多款不同款式~ 尤其少見係有羽衣甘藍呢~  呢度既拉麵係我女最愛，每次黎都要食一碗先~  而針對今次既泰式火鍋，仲特別推出左青木瓜絲和通菜 不得不讚個通菜，非常嫩，配搭冬蔭公湯底一流呀~  我食左2碟菜都不止呢~ 仲有呢D泰式茄子，都係平時無架~ 同冬蔭公湯底同食，吸哂D湯底精華，非常惹味~ 除左食物任食，呢度既飲品都係任飲，款式仲多到不得了~  泰式湯底仲有泰象啤可以任飲添 今日又老又嫩，唔啤酒啦 飲呢個泰式湯底送的青檸梳打 成條筷子的，其實係香茅黎，可以用黎督檸檬，又有香茅味，一舉2得喎~ 最後，必定要留肚食呢個乳酪雪糕呀 乳酪味超濃的，甜甜酸酸，非常好味，唔係度度有得食架~ 扇火鍋  Shabu SEN 觀塘觀塘道414號1亞太中心

又入秋了，沖涼液都係時候要換番枝滋潤型 呢隻BIORE 的 碧柔素肌沐浴乳  (滋潤保濕型)， 就最啱啦~ 柔肌沐浴乳係今年六月先出咋~ 話明係滋潤型嘛，特別 添加左乳木果油，潔淨後肌膚質感嫩滑，長效滋潤亮澤。 特別加入左神奈川紫鳶香，淡淡清幽花香，讓你沖涼時倍感輕鬆，成身放鬆哂，可以釋放一天疲累~ 最特別係呢款沐浴加入日本淨肌鎖水技術 滋潤潔淨但不殘留 沖完涼好似用左番梘沖涼咁爽身 但又唔會似番梘咁乾爭爭~ 我家男人一直都唔鐘意用完潔膚乳液個種滑潺潺既感覺 好似沖極都唔乾淨咁 但對呢款沐浴乳就另眼相看呢~  升級配方加入溫和礦物潔淨成分，同時增強潔淨力及保濕滋潤感，讓您沐浴後肌膚更嫩滑、水潤 浴沐乳呈珍珠光芒~ 加入少少水就能搓出泡沬~ 極之易起泡 (男人對呢方面真係好白痴，但用上呢款沐浴乳都起泡無難度)  當然最愛的就係佢既 神奈川紫鳶香，香氣濃郁而不俗 沖完涼整個人都包圍在花香中 Bioré 素肌沐浴乳一系列 6 種香味， 分別為您帶來清爽 (Refresh) 、水嫩 (Moisture) 及柔潤 (Nourish) 3 種不同沐浴後的肌膚觸感 呵護各用家需要。 你都快D黎體驗下俾花香包圍，滑得黎又清爽既素肌感覺啦~   建議零售價: $55.9/1000ml  銷售點: 萬寧、屈臣氏、超級市場、藥房及各大個人護理用品零售連鎖店有售  Biore Hong Kong  https://www.facebook.com/BioreHongKong/ https://www.kao.com/hk 此產品由品牌提供 如對產品有任何疑問，可直接聯絡品牌查詢 文章只屬個人意見，效果因人而異，只供參考 如要聯絡本人，請電郵至：  smonkichi@hotmail.com Fanpge :  www.facebook.com/smonkich Instagram :  https://instagram.com/smonkichi/ Blog Link :  The Ztyle  * 

秋風起，又到大閘蟹和打邊爐的好日子 更是我的大日子，生日呢~XD  朋友帶我黎呢度，可以一次過滿足3個願望的地方~  大閘蟹，打邊爐，慶生~  我係咪去錯地方？點解好似去左圖書館架？ 呢度真係好多打咭點，迸棄了傳統火鍋的裝修格調，變得年輕化 除左裝修特別外，呢度仲超級大呀，有2個大廳 而且樓底夠高，打邊爐唔怕會煙霧迷漫啦~ 每一個角落設計都花左唔少心思 夠新式之餘又提醒番大家餐廳的特色。 雀籠燈，令人諗起十二爺的紈絝氣呢~XD  一入門口就有成排的大閘蟹等緊我 呢D唔係來自問題多多的大陸蟹，而係來自日本呀~ 第一次聽日本都有大閘蟹，感覺，好KAWAI 呢~XD  平時蒸蟹都係用紫蘇葉多，但呢度仲有其他創新選擇 包括菊花，龍井和薰衣草~ 愛嚐新的我真係款款都想試呀~ 精緻的碗筷隔離，有一粒花生，剝花生應該係海南人的嗜好吧~ 每人都有一盤預設的醬油，唔似廣東式既自己混醬 左手邊似係加入左雞湯而成的醬油，有少少油膩感 中間類似食泰式海南雞的醬，味道不錯, 配雞同食很能提升雞味~ 右邊就係普通豉油，可以自己加入配料 配料有呢D，一堆的係姜蓉，但有D薄荷味，唔太食得慣~ 呢度係文昌雞出名，所以先要一個雞煲呀 記得廣州也有條文昌街，專食文昌雞，遠近馳名 依家，文昌雞威到黎到香港啦~ 成隻雞加椰子，放入煲內大火滾 滾多久？我地不知，交給這個沙漏吧~XD  這個時候，先來個飲品潤一潤喉 這樣喝椰子沙冰，還是第一次呢~  沙冰很幼滑，椰子味很香，不太甜，非常適合打邊燼伴喝呢~ 朋友的菠蘿沙冰，賣相同樣精美，很有熱帶風情 這個菠蘿沙冰，甜中帶少少酸，很開胃~ 今天的前菜，就係這個來自日本的大閘蟹呀~ 蟹約3-4兩~ 蟹身帶有光澤，肚皮也是白白淨淨的~ 這個龍井蒸，真的跟隨龍井葉上呢~  入口時真的有點點茶味呢~ 朋友的菊花蒸，配上幾片菊葉，頓添雅興 3款蟹都係蟹乸，在這個九月時節來說，蟹膏也不算少了 膏香未算很濃，十月打後應該更美味~