Sally Ngai's Private Heart

話說，尋日一心諗住去做左特別TREATMENT,  換哂衫，瞓哂上床後，美容師一入黎見到我塊面咁，就即刻要彈我鐘~ T.T  佢話我塊面既皮膚好唔穩定，乾到敏感，仲爆左瘡~ 明明早上都無事，可能天氣太乾，加埋OFFICE 整冷氣機， 下午開始敏感痕癢，去到夜晚，更加嚴重~@@ 額頭起左粒大敏感瘡，眉心都開始想爆出黎~ 2邊面頰泛紅，腮邊仲有唔少粒粒添~ 無可奈何之下唯有死死氣回家～ 想起了家中有呢個專FOR 敏感肌的MASK，即刻沖涼敷啦~ Karcie 肌美精 保濕精華面膜 呢個係日本熱賣，專為敏感肌同乾燥皮膚設計的面膜 為天然保護屏障功能下降的肌膚補足肌膚的必須成分，打造健康的肌膚 天然保護屏障功能下降 <---- 即係我依家既狀態啦~T.T  產品係日本製的，所以全日文都唔知講乜 香港代理就加左個中文貼紙係後面，方面大家睇~ 話明俾敏感皮膚，成份當然唔可以致敏啦~ 除左採用低敏性的植物性保濕，仲經過多項敏感測試 最重要係 不含 七大有害添加成份  大大減少致敏源，確保敏感皮膚得到保護。 溫馨提示，敷面膜前記得要洗面, 同埋先用上爽膚水 等D毛孔張開，皮膚濕潤後再敷先會更吸收架 (面膜係精華黎，搽精華前我地都要先搽TONER, 同一道理啦)  面膜係有凹凸感的，有少少類似廚房紙個種~XD 因為有少少硬度，所以都算挺身，唔會痴埋一PAT~ 每一片面膜都含有25ML 的美容液~  即係差唔多成枝精華~O.O  雖然係咁，但面膜紙吸力非常好，可以盡吸住全部精華，無咩留係袋 雖然官方話敷上面有會有機會水滴滴，但SO FAR 我都無喎~  來自日本，CUTTING 位都細番，適合較嬌小的我~ 無論眼/鼻/嘴既位都差唔多COVER哂咁濟~ 官方指引靜敷15分鐘 乾燥肌可以敷20分鐘 我敷完20分鐘後，面膜依然好濕潤唔乾，而且留係面既精華仲有唔少 可以再加以按摩等皮膚再吸引多d精華~ 經過左20分鐘的精華滋潤，皮膚紅腫部份已散得七七八八 同埋已經唔再痕

當維他命C曝露於空氣中，會快速氧化， 失去效性… 好多牌子都各出奇謀，務求保持維他命C的新鮮度 最新的技術，就係 韓國醫學護膚品牌Biocos的專利 「粉狀封存技術」 (WPC Tech - Water in Powder Capsulation technology) 將維他命C的高效美肌成分維持在最新鮮狀態 以確保維他命C及各活性成分的穩定性及純正度!  當維他命C曝露於空氣中，會快速氧化， 失去效性… 好多牌子都各出奇謀，務求保持維他命C的新鮮度 最新的技術，就係 韓國醫學護膚品牌Biocos的專利 「粉狀封存技術」 (WPC Tech - Water in Powder Capsulation technology) 將維他命C的高效美肌成分維持在最新鮮狀態 以確保維他命C及各活性成分的穩定性及純正度!  Biocos 鮮維C高濃縮膠原蛋白修護面膜 Biocos 面膜分有3種 鮮維C高濃縮膠原深層補水面膜 ( 深層補水   修復細胞     提升彈性  )  鮮維C高濃縮膠原亮白修護面膜 ( 美白淡斑     提升防禦力     提升彈性 ) 同埋我今次用呢款 鮮維C高濃縮膠原緊緻抗皺面膜  ( 抗皺緊膚     提升光澤     撫平細紋 ) 一盒面膜內有6 套面膜~ 6套的意思係STEP 1 的粉末精華 和 STEP 2 的面膜為之一套 STEP 1  專利「粉狀封存技術」 - 粉末精華 這種粉末精華有咩特別？ 1. 將高效成分封存於粉末中 2. 當然保持維生素C的成分新鮮 3. 保持維生素C的穩定活性成分 4. 納米體積，深層滲透  5.可以在皮膚上形成保護膜，防止水分流失 6. 含高度濃縮活性成分 7. 以天然高濃度維他命C鞏固膠原蛋白結構, 有肉毒桿菌效果 8. 亮白功能，減淡色斑、均勻膚色 9. 有 7種不同的專利技術 粉末精華的包裝己有預設摺位，一摺就可以打開，夠哂方便 倒出黎既，就係呢D白色既粉狀~ 除左濃縮維生素外，其實呢D粉仲含有多種成份，包括： 葉樹提取物 - 抗老化和改善彈性 海藻糖 - 提高水分 透明質酸

上星期去旺角做完FACIAL 搵地方食野 周圍都人頭湧湧，完全迷失方向 行行下行左入旺角女人街的兩邊鋪頭搵食 見到呢間鋪頭感覺幾干淨企理，價錢又唔貴 就入左去試試~ 入面同面門一樣，係女人街入面，仿如一股清泉 無燈紅酒綠的裝修，燈光又光猛!~ 呢度仲好多不同國藉人仕幫襯， 入去時有枱印巴籍家庭係度食緊，中間又有個外藉人仕入黎 臨走又有個鬼妹入黎買外賣 真係估佢唔到~ 碗同碟都係以白配淡綠花紋，和環境很相襯 而且兩者更是一套架~ 又係我的手拍青瓜 (真係去到邊都要食的一款菜)  HKD 22 呢度既手拍青瓜無辣，只有蒜香，不過青瓜幾爽脆，個酸汁較得剛好 幾出色的一個前菜 酸辣湯麵 HKD 44 超大的一碗，個碗大過我塊面~@@  入面既料都好多，有竹笙/豬紅/瘦肉/荀絲/木耳絲.......  麵係滑滑的上海麵，份量都好多 其實呢碗麵, 一個女仔應該食唔哂~  料就夠，但味就唔係好夠 酸同辣味都偏淡，感覺差緊D野咁~ 如果酸同辣味都增升番，整個湯會美味好多~ 京蔥羊肉餃 HKD 54  又係超大的一碗 竟然有一打餃係入面~@@  京蔥唔算好多，反而羊肉滿滿的~ 絲網鳳尾蝦春卷 HKD 28 呢個小食味道同賣相都無乜特別，似街外來貨 不過價錢算幾抵，28蚊有4隻 值得一讚係炸得幾好，幾鬆脆之餘亦無咩油~ 呢間餐廳未算話超級好食 但味道都可以, 而且味道很住家的感覺，酸辣餃子感覺似家庭手作，唔係街個D現成野 而且價錢好抵，份量超大 地方又企理，又唔使同人迫 係旺角食飯，真係唔錯的選擇 食麵 Shimian 旺角通菜街78號地舖 如要聯絡本人，請電郵至： smonkichi@hotmail.com Fanpge :  www.facebook.com/smonkich Instagram :  https://instagram.com/smonkichi/ My Blog Link :  The Ztyle   Beauty Qooza   She.co

銅鑼灣永光中心 曾經係年輕時去飲酒玩樂的酒吧勝地 依家變左成幢都係食肆了 和老公舊地重遊，都勾起好多回憶  (當年佢成日收工後就黎呢度接我回家架啦~HAHA)  今日去左最高的25樓打邊爐 昏暗的燈光加上華麗的現代中式裝修，幾有情調 好適合2口子黎撐下枱腳 仲有一間房間，適合家人朋友一齊來包房，隱私度即提升~ 名叫川府宴，當然係以四川菜為主 呢度有得打邊爐同食小菜架 不過天氣咁凍，當然打個邊爐開心D  餐牌有中英對照，密密麻麻地，係昏暗的燈光下睇得有D辛苦~XD 呢度開左無耐，餐牌有可能只係臨時的 呢度環境裝修得咁靚，餐牌要整番靚D襯番嘛~ 呢度的打邊爐醬料會每枱送上，每款都好新鮮，切得細細 比起公家一齊用的，呢個感覺較衛生，乾淨 不過未必個個都食，可能有少少浪費 叫左個雙拼湯底 招牌麻辣牛小排鍋/花雕藥饍醉羊湯 花雕藥饍醉羊湯初上時有濃濃的酒香，飲左啖，仲有少少的花雕味 滾耐左，酒精揮發後，湯頭變得更鮮甜, 飲落暖意直抵胃部 藥饍味同羊味好夾，最正係入面有幾舊帶骨的羊腩 吸左湯的藥味，食落仲好有嚼頭，唔羶唔韌 至於招牌牛小排 麻辣湯底初喝未算很辣，但很清香，甚至食到有D蕃茄湯味添 不過滾幾滾後，花椒八角開始出味，辣度都提升了 但依然係很清香的辣味，用黎煮食物，煮完仲食到食物的原味~  那個牛小排，淋得非常，比炆淋左既牛腩仲要淋 差唔多有入口即溶的感覺~ 澳洲海參 HKD 108 海參係屋企食真係夠煩，又要發又要洗 呢度108蚊就有成條，仲要發好哂，洗得乾乾淨淨 海參打邊爐好PERFECT, 因為佢可以吸收哂湯底的精華 而呢隻參肉好夠厚，又無沙，入口啖啖肉，又夠爽身~ 打邊爐點可以無牛？ 手切美國雪花肥牛 HKD 138 賣相超靚，雪花紋均勻地散佈係每片肉上~ 直頭好似牛肉刺身咁~ 最特別係除左每塊大小都切得一樣外 仲係雙飛咁切，大大件，唔怕掉左入鍋搵唔番~ 牛肉係超嫩滑的說，有A3和牛的水準~ 灼幾灼就食得，入口有濃濃的牛味，打邊爐必備呀~