Sally Ngai's Private Heart

好閨蜜親手做了一些賀年賀糕送給我 為表謝意，同佢來食個放題開心下。 最重要係呢度嘅放題打電話去訂位係無限時的呀~' 位於兆萬9樓全層的極上帝王水產放題 一出LIFT已經感到濃濃的日本風情 全場掛滿了日式燈籠和橫額，非常色彩繽紛，令人心情愉快~ 平日夜晚，估唔到都咁熱鬧，差唔多爆場呀~ 呢度嘅座位好寬落，張枱夠哂大，仲有高椅背分隔~ 極上帝王水產放題嘅日式放題除左刺身壽司，仲有烤肉同火鍋。 簡直一次過可以滿足哂所有願望呀~  因為肚嘅容量有限，今次我主攻佢嘅刺身~ 刺身都係任點任食，先來一個拼盤，簡直係不惜工本。 顏色超靚，好新鮮, 亦都無成舊雪咁~ 每款都厚切，大大塊，就連貝殼類, 榮螺都係大大塊的。 今晚我揀左B款的極上套餐 多左9款特色食物任點  日本生蠔．海膽軍艦．原隻甜蝦．巨型赤蝦．磯煮鮑魚．迷你榴槤流心筒．芝士榴槤多士．紅酒藍莓鵝肝．厚切鰻魚串 仲可任飲清酒同梅酒~   B餐比A餐貴少少，但食多幾隻生蠔已經回本啦~ 生蠔是來自日本的, 大大隻，但口感清爽，食多幾隻都唔會溜。 巨型赤蝦真係超巨，成個口掌咁大呀~ 磯煮鮑魚超大隻人好入味 芝士榴槤多士 芝士榴槤多士, 好香榴槤味，芝士加埋榴槤又OK喎，無想像中咁溜 個底仲脆卜卜，好好味~ 想食D熱野，叫左個蟹粥，做唔到又幾OK呀~  燒菠蘿超正，皮個層糖漿是脆脆的~  松葉蟹海鮮鍋。因為是日松葉蟹缺席，所以變成海鮮鍋ONLY, 有少少失望 特別要讚下呢度嘅飲品同甜品  飲品用左陽光，仲有好多特別種類，無咁悶 竟然有嘉士伯啤酒，真係揼本~ 甜品更加不得了，一入門口已經有成排雪糕櫃，而且仲要係靚嘅日韓雪糕 所以我點都會留番個肚 因為D雪糕實在太吸引 我第一次食放題食到2個雪糕呀~HAHA 特別推介MOW 宇治抹茶，夠抹茶味又唔會太澀，食落有茶香又唔會好甜。望落都幾大個，但我竟然都食哂~HAHA  餐廳按時段收費，電話訂位除左可以無限時，仲有9 折添~ 記得打去訂位啦~ 極上帝王水產 Deluxe King Japanese Restauran 旺角西洋菜南街1N號兆萬中心9樓 (扶手電梯上3樓再轉升降機)

 終於去左啦🤣🤣  今次富山麵家聯乘Sanrio 主角是KUROMI, 我仲攞埋珍藏左17年嘅Kuromi 公仔一齊黎影相添 全個餐廳以紫色為主，餐廳由外到內都滿佈kuromi , 真係令人極度興奮，係門口已經影影影 ，入左餐廳更加影唔停手。 今次推出的主題拉麵有3款 我試左其中2款 特製黑咖喱拉麵同特制黑醬油拉麵 特製黑咖喱拉麵 成個kuromi 樣好可愛，黑色部份是紫菜絲 kuromi 樣是日本魚蛋 2隻角竟然是脆脆多士 跟麵仲有一碗角切豚肉粒同黑色嘅咖喱 非常有創意又好食 黑醬油以印滿kuromi 的拉麵碗上 仲有kuromi 樣嘅魚蛋同紫薯骷髏頭logo , 超可愛😥  KUROMI 包入面係紫薯蓉，撕開個下好殘忍呢🤣 明太子章魚燒, 唔止有樣，仲好好食 超靚的2杯特飲 特製蝶豆花啫喱梳打 特製荔枝啫喱梳打 顏色超靚，淨係面嘅KUROMI 係棉花糖黎，仲有心心型糖果粒點綴，入面仲飲到條條啫喱，增加口感。 富山麵家同Sanrio 聯乘 我已經黎左第3次 第一次係melody , 第二次是肉桂狗，今次KUROMI , 唔何下一次又會到邊個主角呢，好期待呀😘😘😘 @ramenirohahk