Sally Ngai's Private Heart

現崇山，我一直都以為係無雷公咁遠，原來只係係黃大仙廟對面~ 一大班朋友約左去個度食飯~ 一行入個商場，已經見到呢間超大的越南餐廳~ 坐低睇餐牌，幾抵食喎 話哂係商場餐廳，竟然一個越南河粉都係 HKD38 一碟豬扒飯都係 45蚊~  好似時光倒流番去九十年代咁~家下快餐店都唔止呢個價啦~~T.T  黎個前菜 酸辣無骨鳳爪 HKD 55 唔好睇佢好似細細碟咁，其實份量好多，因為無骨疊埋哂一齊，食極都仲有 鳳爪好爽脆，酸辣味很開胃，酸多辣少。 作為嗜辣既我覺得辣度可以再多Ｄ就更好～ 椰林仙踪 - $26 朋友點的，好大杯呀，而且仲好靚～ 一上枱我地就係咁影影影～ 朋友話很香椰奶味，沙冰都好綿綿～ 另一個朋友點左呢個 榴槤沙冰 - $26 榴槤味好清香，朋友話唔太甜，好好飲 2個朋友都話呢度沙冰好得，冰打得好幼滑，好似Smoothies 下次黎要試下先~  越式咖喱牛腩～焗蒜蓉飽 很香的咖喱味，但唔係好辣個隻～ 最正係個牛腩～好淋，但又好有咬感～ 牛油雞翼 - $55 (4隻) 呢個菜攞過獎架，當然要試下啦～ 個皮又脆又鬆化，離遠已聞到好香既牛油味~ 個皮炸得香脆，但D肉依然KEEP到好JUICY~ 隻衰豬食得幾滋味~HAHA  好油嗎？有少少，因為佢叫牛油雞翼嘛~HAHA~ 串燒併盤 - $80 (6串) 豬/牛/雞 都有~ 呢度既串燒好得，得在燒得有焦香，但肉仲好JUICY, 唔係乾到變柴皮個D~ 個沙嗲汁先係靈魂呀，唔係好辣，但好香的黃薑、香草味~ 特色併盤 - $128 呢個併盤真係好大堆頭 有蝦餅，燻蹄，扎肉，炸扎肉，扎肉雞絲蝦片 蝦餅唔同平時既炸個隻，薄薄地, 炸扎肉都係第一次食咋，幾得意~ 燻蹄好爽口，而且一D都唔肥膩 最鐘意扎肉雞絲蝦片   蝦片好鬆化，扎肉同雞絲混埋上面的醃製過既蒽食，好野味 P.S. 真係好鐘意食呢種醃製過既蒽, 勁好味 唯一缺點係個好多野，食個時好易跌到一地都係~HAHA~ 除非一啖食哂囉~

女人為左眼上個幾條毛都可謂無所不用奇極 睫毛液都有織長，濃密，加厚, VOLUME UP  就連假毛都分好多種 不過，最有效既方法，其實都係搞番個底先 即係先增強自己本身的睫毛~ ZINO 就出左呢枝 ZINO 長濃睫營養液 Lash Builder 呢枝來自美國的睫毛營養液，含有「Arginine精氨酸」，強化角質及細胞循環功能，使睫毛加快生長，令睫毛更纖長濃密。 除左為睫毛補充營養，減低化妝品等的化學品傷害 更可以強韌睫毛，減少折斷掉落，徹底改善睫毛稀疏、短小及折斷 只要早，晚搽一次，佢既  24小時「注養」科技，針對睫毛生長細胞，不停注入營養精華 令睫毛更健康~ 一大個盒打開，就見到一枝5ML的睫毛液      睫毛掃是一直全直的螺旋頭~唔算好大舊 睫毛液是透明質地，不過味道都幾大下呀 唔係有香味個種，而是一種幾攻鼻的味道~ 開頭都驚陣味咁勁，會以為都幾刺激性~ 不過搽上眼後又無咩刺激性喎~ 無痛無拿~ 搽個時可以 " Z "型 咁左右掃 仲要記得搽埋底睫毛的底同面喎~  不過要小心D，唔好太含心搽得太近眼睛呀~入左眼就麻煩架啦~  除左做日常的護理, 其實呢枝睫毛營養液仲可作妝前打底使用， 呵護睫毛，減低睫毛液等化妝品對睫毛的侵害 不過搽左睫毛營養液後, 要等一段時間，等到佢乾先可以再搽上眼睫毛液~ 但等佢乾都要幾耐囉~ 我成日都等唔切~ 搽左睫毛營養液後，睫毛會比較軟，夾起上黎有D難。 做個比較 左手邊是搽左睫毛營養液, 左手邊是無搽的~  搽左睫毛營養液後，睫毛液變得比較濃密，不過就夾得唔夠翹囉~ 不過如果以卸妝黎講，搽左睫毛營養液打底後又真係易缷好多 即係有睫毛營養液既保護，化妝既眼睫毛液隔左層，睫毛都無咁傷呀~ 用左2個星期，雖然無度過長多幾多MM (好難度架~@@) 不過明顯見到睫毛粗左，強壯左~ 同埋甩少左, 已經好開心啦~ ZINO 產品資料 https://www.facebook.com/zino.hk.fans/

話說，雖然我是一個美容BLOGGER 但我都係一個人，仲係一個媽媽 所以，有時都會懶，有時都會忙到唔得閒護膚 尤其係對眼，成日唔記得搽 ~ @@  有日試粉底時突然發現，死啦，條眼紋又深左 T.T  仲要搽完粉後好快出現坑紋添~  個一刻真係欲哭無淚~  於是又即刻快快手去搵野搽~  條眼紋深到咁，平時搽開既清爽型EYE CREAM 已經唔係好夠力， 我要勁D既~ Emotion Skincare  逆齡抗皺眼霜  E-Filler Eye Contour Cream 呢盒係來自羅密歐與茱麗葉的故鄉 － 維洛納的尊貴品牌，今年9月先正式進駐香港 但其實呢個品牌由1984年已經成立~30多年來研發團隊致力研究， 成功研發出E.S.U Biocomplex® 專利技術 呢個專利技術可以將天然活性成份結合成與肌膚完全相容的微細分子， 無針注入到肌膚底層， 達到零流失，令肌膚重現嫩滑細緻，帶來逆轉時空的效果~ 產品以天然成份為主, 不含石蠟、矽油、礦物油、防腐劑及致敏性香料等有害物質， 並且通過嚴謹的皮膚科測試及金屬鎳測試，研發過程絕不進行動物測試，適合敏感性肌膚。 配合 Emotion Skincare 獨有E.S.U Biocomplex® 專利技術，給予肌膚深層滋潤及營養， 一打開個盒蓋，係鍚紙包裝封口，頓然覺得好OLD SCHOOL 添~XD 呢款係專為眼周乾紋及皺紋問題研發的眼霜，結合公認為最有效的抗老成份，配合 Emotion Skincare 獨有E.S.U Biocomplex® 專利技術，給予肌膚深層滋潤及營養，增強眼部肌膚自我重建能力，加速骨膠原增生 初試上手時，真心有種瀨野既感覺 嘩，好似好厚好油咁既質地，搽上眼？會唔會生油脂粒架~@@ 本著大試無畏的精神，我當然係將佢搽上眼啦~ 每次既份量只要一粒黃豆大小, 從眼底至眉骨輕輕按摩至吸收 小小提示：搽EYE CREAM 唔好搽得近眼呀，要離開少少再慢慢推番埋去， 咁就唔怕會積聚過多眼CREAM 而形成油脂粒啦~ 當然，記得用第4

上兩星期試左 SKIN CERAMIC 驢奶精華 仲話緊好想試下佢既大熱面膜 可能神聽到我的呼喚，竟然真係有得試呀~ Skin Ceramic  驢奶高效精華面膜 來自韓國的品牌，當然後面既說明全部都係韓文啦~ 完全睇唔明~XD  不過，面膜都係咁用架啦~ 唯一係包裝睇得明既，呢就一 PAT 有5包~ 每次敷 10-20分鐘， 同埋通過左dermotalogist TEST (皮膚病專家測試) 一盒5片的面膜已經含有整瓶的驢奶精華啦~ 精華的主要成份用左含有與人類母乳成分最為相似的意大利驢奶 除左主要的驢奶外，其實仲有其他的成份 精華含有由發酵大豆、茅根、槲寄生組成的自然發酵原料Natural HG，係最安全有效的天然成份 通過發酵生成的Bio Polymer成分提高皮膚保濕效果，抑制水分蒸發 此外，更有烟酸酰胺、腺苷，能美白皮膚及改善皺紋的功效~ 含有角鯊烷、澳洲堅果種子油、β-葡聚醣及發酵保濕成份，可以鎮靜皮膚, 提供營養/水分，以及持久保濕 每塊包裝都好簡單，就係一片面膜~~ 面膜係類似不織布的質地，不過係薄身個隻~ 底同面分別不太大，所以我都係求其敷一面~ 敷下面後會發現質地更透薄，接近半透明狀態~ 不過剪裁上同我塊面都有少少出入， 可能佢設計俾D靚女深輪廓的人用掛，我敷上後就唔係好駕馭到~ 即係我眼唔夠大，所以眼位有好大個窿~@@  鼻唔夠高，所以鼻翼位都有好大個窿 嘴呢，我個嘴太木嘴啦~ 嘴角都唔夠大~ 20分鐘後................. 雖然佢既質感幾薄，不過鎖水幾好，敷完20分後都仲好濕潤~ 不過呢款面膜感覺係滋潤型，但水份唔太足夠 佢既精華比起之前用的精華都較杰身~ 所以皮膚好似水份唔夠咁~ 敷完後皮膚的確白滑左，不過就做唔到飽滿水潤肌的感覺~ 在我以為，我覺得枝精華比呢款面膜更水潤，更適合香港既天氣用~ 當然，如果先補水，再滋潤的話，呢款面膜就可以發揮更強功效~  以上產品及資料 beautylife 提供 如要聯絡本人，請電郵至：  smonkichi@ho

加連威佬道的酒店還未正式開幕，但樓下3樓的餐廳 "YUM CHA" 已經打響名堂 估唔到除左3樓，原來4樓仲有一間更寫意 今天就相約同事來這裹食個午飯 老實說，要不是尖沙咀人， 實在很易錯過這個細小的入口。 坐電梯到4樓，全層都係呢間餐廳 撞正鬼佬鬼節，周圍都有一d應節裝飾～ 除左有舒適的室內貴族式卡座，最鐘意呢個城市中的戶外花園，可惜當日仲好熱，這個城市花園待我入深秋時再坐吧～ 一坐低就被呢隻公雞碟吸引了。簡潔但有特色～ Lunch 有set叫， 沙律/主菜/甜品3個自由配搭，任揀2個99蚊，揀3個 139蚊， 最啱我呢d 唔太食得既人～ 餐包， 的士陳必備鐵箱，搞鬼得黎又有香港特色 麵包外脆內軟，最鐘意佢個好柔滑的牛油，唔係雪到成塊冰咁，同埋份量適中，唔使浪費～ 同事要左是日餐湯～南瓜湯 湯有很濃香的南瓜味，感覺係用新鮮南瓜打爛，香甜而清，唔會飲到成口糊～ Fat duck Caesar Salad 開頭無睇清楚，都唔知咩係fat duck,原來係鴨胸 上枱時賣相真係麻麻，不過好彩味道搭救，菜新鮮，沙律汁適中，唔會太多太酸，最驚喜係個鴨胸，平時d鴨胸唔知做咩硬係又硬又實，好似煙到鴨乾咁，今日呢舊鴨胸軟軟淋淋，終於食到鴨胸係肉的感覺。 The Halloween double cheddar burger~ 上枱時有少少失望，因為一d都唔Halloween 既 不過整體黎講 呢個burger 都唔錯～ 漢堡扒七成控制得幾好，肉幾juicy, 內仲夾有一粒粒的磨菇粒 包皮煎得幾香脆～ 不過內未夠軟熟 薯條係幼薯，感覺太乾～ 最好味係跟餐有隻Spicy Mayonnaise，甜甜辣辣,用黎食飽，伴薯條都一流 Halloween eye ball and minced veal pasta 終於有番個鬼樣啦～ 賣相一流，不過質感味道有d 奇怪，味道同平時食既肉醬意粉有d 唔同外，肉粒都比較干身。 最奇怪係成碟意粉都好黏口，明明望落唔太多油，但食左幾