Sally Ngai's Private Heart

在黃大仙中心內有棵花樹 不過呢棵樹唔係用黎許願，而係一間台灣菜餐廳 嘆嘆 坐係咁靚既花樹下，飲番杯 「夢」特飲，都幾夢幻~  呢杯咁靚既特飲，仲要係跟餐唔使加錢的~ 餐牌睇落有D 複雜，我見好多人睇左一大輪都未揀掂 總括只係 1. MAIN COURSE + 飲品  $96  2. MAIN COURSE +  任揀飲品 + 是日甜品  $98  3. MAIN COURSE +  任揀飲品 + 任選甜品 $138   不過佢既主食, 小食, 飲品, 甜品都太多選擇，加埋前後2張餐牌 有D選擇困難症 ~XD  呢個係我女女的  滷水雞翼滷肉飯加飲品 「夢」,  加配左台式小香腸添~ 滷水雞翼的滷水味唔會太咸，小朋友食都OK~  滷肉幾香，又有汁，用黎拌飯食真係一流, 我女食哂成碟飯呀~ @@  小香腸，賣相，真係有D唔太好 還好味道不錯。建議不如成條上，可能會賣相會靚仔D~   嘆嘆招牌牛肉麵  份量有夠多的 我最愛佢既菜好多，感覺馬上健康了~  台灣牛肉麵的牛肉即係我地既牛腩  嘆嘆的牛肉唔單止份量多，仲好腍好滑，唔嚡唔痴牙~ 麵條係寬條麵，好滑身  呢款台灣牛肉麵，湯底是係比較清的牛肉湯，感覺比較淡口。無平時的食開的牛肉麵咁濃味 飲品和甜品都有超級多選擇 女女好想試那個芋圓，但怕太飽食不下造成浪費 於是先試2款招牌蛋糕吧 招牌珍珠奶茶奶蓋千層蛋糕  超多珍珠的，蛋糕入面同出面都有 但蛋糕入面的珍珠比較淋D, 方便同蛋糕一齊食 伴盤的珍珠就有煙韌，更有咬口，又幾細心喎 另一個芒果千層，中間的那層是芒果布甸，很有驚喜!  總括甜品都唔係死甜個種，芒果仲有少少酸甜酸甜，比想像中出色~  食甜品，當然最好配個茶，所以飲品方面我揀左呢個水果 桂花蜜桃金萱茶  金萱茶是台灣茶，味道偏近綠茶，較清香 加埋水果乾，味道酸酸甜甜，幾開胃 糖醬是另外上的，可以按自己口味加呀~  份量都幾大壺, 我唔知有冇添飲，因為一壺我都飲唔哂~HAHA  嘆嘆 Tai Tai Cafe 黃大仙龍翔道136號黃大仙中心北館地下G06E-G06G號鋪

呢2年流行薄薄的無鋼線BRA ，無咩束縛，好似幾舒服，但無耐.......後遺症就出現了~T.T 。因為長期的放任，成個胸型變哂。唔止向下墜，仲向２邊墮～ 救命呀!!!!～～～ 想買番D功能內衣矯型，但驚核突之餘又貴, 最驚俾人狂SELL ........... 朋友介紹去BRA INN，個度嘅功能內衣唔老土，仲幾靚，價錢又合理。一上黎已經被呢個咁靚既BRA WALL 吸引了，原來依家既功能內衣唔再喺傳統D阿婆款 ，同日常既BRA 一樣咁靚。 唔講唔知，原來胸型都分有六款架。揀錯BRA，令胸部脂肪長期錯誤擠壓，就會令胸型走樣， C CUP 變 B CUP就蝕啦!~ 搵番專業人仕指導就萬無一失啦。 BRA INN 係一間樓上鋪，私隱度極高，免除左有街外人眼望望既尷尬~ 內衣顧問亦係一對一，由頭跟到尾，免除車輪人海戰嘅麻煩。 專業內衣顧問先了解我穿內衣的習慣同知識, 再提議我可以點樣揀內衣。全程好似同朋友傾計，好RELAX，從中我都學咗唔少內衣知識架~  之後就實戰啦。 內衣顧問因應我既胸型介紹左幾款內衣俾我試。係換BRA既過程中，內衣顧問好有技巧地幫我換上新BRA, 唔會完全露出胸部，好貼心 好多人都有一個錯覺，以為功能內衣一味喺「紥紮紮」同用勁厚墊去PUSH UP。 其實一個好既功能內衣係唔使呢d～ 只要適合的剪裁，薄薄一片，舒舒服服就可以令你瞬間豐胸，最重要係令你著得舒服，無抗拒感~ 咁你先會乖乖日日著架嘛～ 著左功能內衣後真係唔同哂～ 即使著住件咁鬆的連身裙都睇到效果～  唔止成個胸型『正常番』之餘，仲令身體既線條靚好多 胸部即時提升番，身型望落都瘦D，腰線都出番黎~  即使著住功能內衣都完全無局促感，唔勒，活動自如。亦唔會令人透唔到氣。 著左個功能內衣，立馬變得『昂首挺胸』 肩背剪裁好好，提升胸部之餘甚至可以減去胸前的負擔，成個人變得輕盈咗。望落都自信啲，精神啲~ 功能內衣另一個重點就係呢個側邊的立體剪裁 高脅邊雙膠片能夠全面把副乳推進並包覆，將走咗去背脊嘅肉都推番去前面 唔單止令胸部更集中，KEEP 住著，仲可以推走腋下既副乳架 除左功能上，BRA INN 的功能內衣係顏色同款式上都好多選擇 顏色方面分左冷色系同暖色系2大類 冷色系以紫，藍，綠為主，帶有性感神秘的感覺 暖色系以粉至白為主，偏向少女風~ BRA INN 的功能內衣除左有多款顏色外，面料都有好多

入左個谷, 見好多女人分享原來好多老公都唔LIKE擦牙，仲要鍚埋黎。救命呀~ 其實擦牙除左去除表面污漬外，最重要係去除埋牙菌斑和細菌 牙菌斑和細菌唔單止會引起口臭，仲會導致蛀牙同牙周病 識人有牙周病，但又唔正視，最後要成排牙剝哂~ T.T 我好緊張D牙架，一生人得一棚牙，爛左就無架啦~ 好多年前我就已經轉用電動聲波牙刷代替傳統牙刷 留意番，電動牙刷 =/= 聲波牙刷~ 電動牙刷係利用摩打轉頭牙刷，比傳統牙擦省力，但其實只停留係清潔牙齒表面 電動聲波牙刷利用高頻聲波震動式，可以更有效清潔牙齒及深入清潔牙齦 最近試用左呢款Brusheva專業聲波電動牙刷, 非常正~ 第一眼就被佢既超靚包裝同型仔外表吸引~ 包裝非常高級，用黎送禮一流 Brusheva 專業聲波電動牙刷只有 2 粒掣 1.  開開及強度設置 ( 佢仲識跟番不同擦頭黎設定強度選擇架 ) 2.  5 個模式 ( ✓ 深層清潔 ✓ 美白 ✓ 牙齦 ✓ 按摩 ✓ 舌頭護理 )  我做左個小實驗，比起平時既電動牙刷，不論震動力同範圍都大好多架 可以有效去除牙菌斑和細菌，令牙齒更干淨，牙齦更健康 用後感 1. 震度好適中，有效清潔又會震到唔舒服。 2. 牙擦頭夠長，可以深入清潔到後面既臼齒。 3. 雖然牙擦頭震動力強，但握住電動牙刷的手唔會好震 4. 機器聲好細，唔會刺耳及嘈到頭暈 5. 電池續航力超好，我用左2個星期都未使再叉電 (官方寫24小時充滿電，在正常使用下續航力可達180天以上) 6. 最LIKE 有每30秒提示同2分鐘停止，方便掌握擦牙時間 7. 好少有的電動舌頭護理，跟埋個舌頭刷，清潔口腔更全面~   Brusheva 專業聲波電動牙刷非常專業好用，但價錢只係 3 位數 比起好多大牌電動牙擦更抵用 大家可以去 LOG ON 睇下 Brusheva 官網： https://brusheva.hk/ Facebook :  https://www.facebook.com/brusheva.oralcarehk Instagram :  https://www.instagram.com/brusheva.oralcarehk/ 產品由品牌提供 文章只屬個人意見，效果因人而異，只供參考 聯絡本人：  smonkichi@hotmail.com Fanpage : 

 我好鐘意食燒肉，但太食唔到太多肉。呢間一人燒肉訂食對於我呢D食量細既人真係幾好，唔使下下俾幾百蚊去食幾舊肉~XD  餐廳好乾淨企理，唔似一般燒肉店咁黑媽媽蒙左層油咁~  牆上面的黑白漫畫好得意，又同餐廳主題吻合，用黎打卡都唔錯架~ 燒肉定食係一份肉加湯/飯/沙律或泡菜  仲有好多追加 (例如菜可以追加紫菜同蛋)，肉可以再追加)  肉都有分100g 同 200g 2種不同SIZE 添 最重要係價錢真係好實惠 最平48蚊就有一SET  (仲要免加一添)  300G 的 YAKINIKU JUJU 定食  ($188)  呢個餐差唔多係最貴個個啦~ 我個飯仲追加左紫菜 同生蛋 (+$18) ，飯既份量比普通套餐多d架 每人一份餐一個爐，自己慢慢燒,一慢慢食, 幾爽的  (我好怕將成堆肉放哂落去燒, 食唔切會凍左，再燒又會嚡)  燒爐用即棄網，唔會痴底，又乾淨衛生 張枱有哂餐具櫃桶同火力控制 咩都可以自己搞掂, 自己控制. 唔使下下等人黎搞架~   YAKINIKU JUJU 定食包括牛小排，封門柳，牛五花 整體肉都偏瘦~ 唔太多肥膏, 但油份都好夠架~ 肉無落醃料，因為呢度有多醬汁任加, 仲有2款獨家秘製的醬油添 塊塊燒肉唔同味都無難度呀~XD  除左最貴，我都叫左個最平的套餐黎比較下 激安套餐 100G  ($48)  套餐包裝單骨雞翼2枝  五花腩 4塊  湯 / 泡菜 / 白飯  48蚊，去茶記食個午市定食都未必得 依家講緊食燒肉喎，48蚊. 仲要唔使加一，真係抵到無朋友~ 仲要質素都OK 雞翼係單骨的，好易燒 姐姐教燒雞翼開到5度，燒肉開4度 太多肉，追加左呢個金菇 $12蚊 有哂蒜蓉, 牛油, 鍚紙兜, 自己買都差唔多錢~ 成個鍚紙兜放落去燒，一陣就食得，好食抵食，推介 仲要另一個優惠價 飲品第2件 半價 (老闆實在太良心了)  第一見的菠蘿波子汽水 ($15)，唔錯噃，無藥水味~ 另一枝係樽裝茶 有半價 只係6蚊，超級抵飲~XD    除左價錢平，免加一 埋單見到滿250蚊有9折.... 真係... 已經唔知再講咩好~ 好, 下次再黎試新MENU 先~ 燒肉 JuJu 旺角洗衣街113號地下 文章只屬個人意見，效果因人而異，只供參考 聯絡本人：  smonkichi@hotmail.com Fanpage :  www.facebook.com/smonki