Sally Ngai's Private Heart

凱匯的3樓平台好靚，中間有個大花園俾人行下坐下。 圍住花園開左唔少餐廳。最近更進駐了呢間主打手工意粉 Pentola 餐廳以全落地玻璃組成一間玻璃屋 坐係入面，彷似置身於園林境內。 餐廳中間有個圓圓的大吧枱，將用餐區分成2邊，自成一閣。 加上幽暗的燈光，都幾適合聊天~  甫坐下就送上一袋「禮物」 其實是餐包。非常得意有心思~ 是夜叫了2人餐 $368 包括2個餐湯+2個前菜+2個主食+2個飲品 仲可以加配甜品，都幾豐富 是日餐湯是粟米湯 由新鮮粟米打成蓉，非常濃香的粟米味 前菜2份 白鯷魚茄子蓉多士 意大利風乾火腿拼盤  第一個次見前菜咁高質，絕唔係求其應付 大大條的鯷魚鋪滿整塊多士面 茄子食落唔覺係茄子, 超淋的 。 火腿拼盤估唔到連粒提子都咁好食，超爽脆 是日主菜叫了一紅一白 手工意式薯團配煙肉蕃茄醬 蒜香白酒蜆肉意粉  手工意式薯團配煙肉蕃茄醬 非常好味又特別，必試 以為薯團是薯仔球？咁就錯了 佢是加入了麵粉的薯仔球，咬落煙煙韌韌好鬼得意 個煙肉蕃茄醬非常香濃，好好食 蒜香白酒蜆肉意粉 呢個意粉味道就偏清淡，有白酒香 蜆肉是新鮮的，煮得剛熟，肉質好鮮嫩。 2人餐跟餐飲 點了加 18蚊的柚子烏龍茶，以為係一壺，原來只係一杯 反而跟餐免費的檸檬茶茶味香濃，值得一試。 加配了2款甜品  奶凍配百香果醬  +38  提拉米蘇   +38  2個甜品都好高質，好好味 奶凍震下震下，好得意 加上百香果醬又幾有新意 提拉米蘇成杯上，份量超級多。 而且入面層次分明，CREAM, 蛋糕一層層，又唔會好甜好膩 絕對推介 呢度環境舒服，食物水準好好 每一款出品都見有花過心思的 人均2百幾蚊有咁嘅質素，我覺得好值得~ Pentola (裕民坊YM²) 觀塘協和街33號裕民坊YM²3樓305號舖  

生日同老公去左九龍城食飯 以前去九龍城都有D麻煩，不過家下開左屯馬線 尖東過去4個站就到，超級方便~  老公揀左呢間有切身，燒肉，串燒嘅餐廳 餐廳做緊周年幸運轉轉盤，一定中，永不落空 我中左6杯啤酒呀~XDDDDDDDDD  我叫左呢個白飯魚乾黎送啤酒 佢俾雞泡魚乾脆鬆化好多，唔使咬到牙軟 用黎送酒一流呀~    以前一直覺得九龍城嘅餐廳都幾貴~  係D有車嘅中產鐘意去~      但估唔到牛石嘅價錢又幾貼地喎~   呢個100蚊4隻嘅燒刀貝，Size 俾想像中大好多呀(有手心咁大隻) 而且隻隻超飽滿，燒得剛熟，唔會燒乾 唔使落任何調味料，就係要食到個種鮮味~ 刺身件件厚切， 價錢仲要勁抵 北寄貝 48蚊6片 ，大型連鎖店都食唔到呀~ 呢D係活北寄貝 (第一次見呀)， 78蚊一隻 (手掌咁大)  用黎做刺身，一隻可以開到4-5塊，好抵食~ 左邊係活北寄貝，右邊係熟北寄貝 第一次食識郁嘅北寄貝刺身，果然超鮮味 我已經深深愛上左佢 除左有刺身，仲有日本高質燒肉套餐 $688 呢個set 除左A5和牛肉眼 A4 和牛肉眼背峰，A4 和牛肉西冷 仲有頂級牛小排，牛舌心，日本黑豚西冷，日本華味島雞腿肉，日本黑豚腩 款款個樣都好靚仔高質，食到停唔到口 要讚下呢度雖然唔係主打燒烤，但個爐非常夠力，燒出黎嘅肉好靚 又唔會食到成頭煙，而且個秘製燒汁仲好正，唔會死咸，配燒肉一流~ 最後來個雪糕作為是日總結 呢個OSAKA 雪糕有幾隻味 我叫左豆腐雪糕同伯爵茶雪糕，2種味道我就鐘意豆腐多D，豆香濃D~ 牛石料理 Gyuseki Japanese Restaurant 九龍城福佬村道51&53號地舖

「瞓覺」對我黎講都幾困擾 唔止難入睡，個腦成晚都好似轉緊無休息過。 第朝起身單止唔夠精神，記憶力都差左好多 但係食安眠藥有藥性, 仲會產生依賴性，所以我堅持唔食    最近係萬寧見到呢 ICHIKI - 忘憂睡眠草 佢係全天然，選用了日本沖繩的睡眠草，羅布麻和大麥乳酸酵 GABA   佢嘅原理係利用沖繩睡眠草促進體內血液循環，調節人體溫度，令 人容易入睡    而羅布麻就可以 改善多夢淺睡情況 提高深層睡眠質素   大麥乳酸酵 GABA 就可以鬆弛神經, 舒緩壓力 做過臨床實證, 服用後體溫真係上升左 0.9°C, 而且更可以進入深層睡眠狀態 服用後, 個人真係快瞓左，唔再下下碌手機碌到半夜三更仲眼光光 而且第朝起身真係有『甦醒』的感覺, 唔再係迷下迷下咁… 最緊要係服用後無咩副作用，又無頭暈，又唔會周身唔舒服。 產品係細細粒的藥，好易食 每日 1 次，每次 2 粒 我習慣係臨瞓前30分鐘食, 上床後好快就瞓得著啦 (當然唔好再碌手機啦~XD) 主要功效： 促進血液循環,通過調節身體溫度，以獲得自然的睡眠效果 二十分鐘快速入眠 提高睡眠質素 調整睡眠規律 放鬆繃緊情緒 增加深層睡眠時間 改善睡眠中途醒覺情況 產品資料 https://www.konwayshop.com/index.php?route=product/category&path=194 銷售點：各大萬寧有售 及 官方網店： https://www.konwayshop.com/ 產品由 康衛 Konway 提供 文章只屬個人意見，效果因人而異，只供參考 聯絡本人： smonkichi@hotmail.com Fanpage :  www.facebook.com/smonkichi Instagram :  https://instagram.com/smonkichi/ 本人其他分享網站連結 : *  Blogspot  *  She.com  *  U Blog   *  Beautylife  *  Girlab  *  Girlssss.com  * *  ESD Life  生活  *  Beauty Qooza  *  Baby Kingdom  *  Fanpiece  *  #konway  #ICHIKI  #

雙魚座是十二星座中最溫柔、感性、浪漫和善良的星座之一 係旺角呢間雙魚座咖啡館就係一間好溫柔的CAFE 全店以白/木色，配上歐洲宮庭風的設計，很配合雙魚座溫柔浪漫的性格~ 2邊臨窗的設計，看著遊人如鯽的旺角街頭, 呷一口精品咖啡，感覺很有趣~ 就連刀叉用具都配成同一宮庭風格，好有心思呢~  呢度叫咖啡館，咖啡當然有番咁上下 平時少見的 Long black, Espresso Tonic,  Whiskey Latte 等等呢度都有 Combo Set ( Single Espresso + Piccolo )  非常有儀式感的一個咖啡套餐  Single Espresso 用一個雕花的高腳杯盛著, 遠遠已飄來咖啡的香氣 Piccolo 算是mini 版的 Latte, 係香港好像不多餐廳有提供 Single Espresso 再加上 Piccolo 的份量，剛好就是一杯完整的咖啡 更能同時享有不同咖啡感受 雖然是咖啡館，當然也有提供熱食的~ 班尼迪蛋，牛油果醬及煙三文魚配牛角包窩夫及田園沙律 $98 將各種食材叠成一個多層漢堡飽似的，班尼迪蛋的蛋醬混和牛油果又OK喎 底層的牛角包窩夫配上咸味的煙三文魚很諧和 四重芝士薄餅配蜜糖 (8吋 $108)  薄餅上有厚厚的芝士 但最驚喜反而是配上蜜糖後薄餅出奇地好味 尤其係薄餅的脆脆邊沾上蜜糖食，好像在食零食，吃不停口~ 玫瑰味單骨雞翼 唔單止有玫瑰花瓣伴碟，仲真係食到玫瑰味~  單骨雞翼方便食，好啱要保持儀的女孩子~XD 略嫌粉漿有點兒厚同乾~ 甜品也要來個COFFEE 的  - Affogato  和之前的COMBO SET 一樣非常有儀式感地上枱 意大利雪糕配上意大利咖啡， 將熱熱的咖啡淋在冰凍的雪糕上 雪糕的甜中和的咖啡的苦澀 咖啡的香也也滲進了雪糕，變了成一個貨真價實的咖啡味雪糕了 特別要讚一個雪糕溶化速度很慢的 即使倒進了咖啡不會馬上溶化，讓人有足夠的時間品嚐。 雙魚座咖啡館 PISCES COFFEE 旺角通菜街123號地下A 及 B號舖