發表文章

目前顯示的是 9月, 2021的文章

貓貓樣送餐機械人 Kawaii 呢~ 大將

圖片
今日同女女去將軍澳睇屁屁偵探展。當然要食飽飽先有氣有力行啦~ 一於食個放題先~ 位於Popcorn 內的「大將」, 係一樓一個角落位,如果唔係一早搵定地址,都幾難發現~ 呢度一邊既門口係排隊登記入座,門口另一邊竟然係迷你超市黎,估佢唔到~ 我一早Plan 定要黎呢度,因為有個好得意既貓貓樣送餐機械人會係個場地行走送餐的。雖然都係GIMMICK 野,不過見到佢出巡都好開心~ 待應會係門口登記客人食咩餐,咩湯底先俾入座,所以大家排隊時不妨諗定~ 呢度既餐主要分 60分鐘 同90分題放題~ 當中分別就係肉的質素越高價錢就越貴~ 其他的打邊爐配料同甜品,飲品都係一樣的~ 呢度係日式火鍋,室內的設計都以日式的木系為主 樓底好高,通道好寬敞,環境好乾淨整潔,成個感覺好舒服 每人既枱上都有呢種木架,上面的透明兜俾大家出去拎野食的。 湯底係一人一兜,每人都可以揀自己的湯底 呢度有成九款湯底可以揀,有D好特別的芫茜湯底, 生蠔湯底同埋係日式火鍋少見既花生沙嗲湯底 女女揀左佢最愛,又係呢度NO 1 的黃金壽喜燒湯底,味道幾清,同牛肉超夾的~ 我就點左德州大將王豚骨湯底,有好大舊肉骨係入面架~ 呢個用黎淥豚肉同雞肉就最PREFECT~ 呢度既醬汁都算係餐廳特色,放正係中間,仲有好多不同選擇 愛辣人仕記得加麻辣紅油,非常香同好味 有隻椰子芫茜汁,開頭覺得好奇怪,但用黎配雞肉超正,一定要試~ 擺放丸同菜的地方都好整齊,每樣都有蓋蓋住 菜,菇同瓜都好新鮮,處理得幾好 不過生菜太受歡迎,好快無哂,建議生菜放多D~~ 前菜同熟食方面唔算特別多,但都幾有特色 前菜的有辣味豬耳(勁好味) ,有酸蘿蔔,蛋卷 仲有炸雞添~ 今次我食豪D,食左最貴個款 澳洲和牛肩肉 一坐底,就會先送上一盤牛同一盤豚肉加雞肉。因為任食,可以再RE ORDER的~ 牛肩肉花紋好靚,肥瘦均勻,切得超薄,一淥即食得,非常地嫩滑 因為切薄既關係,拎起黎既時候就要小心D啦~ 處女座既我表示成塊牛感覺會完滿D~HAHA  豚肉入口幾爽,不過略膩肥肉太多,有少少膩~  大家食到尾仲可以用個湯底加飯同蛋自製坎飯架~ 仲有日式咖喱汁可以整日本咖喱飯添 而我當然要留番個肚食甜品啦~ 呢度既甜品唔算多,但最吸引的,當然係呢個自製窩夫機啦~  有4部機咁多,唔使排長龍~ 有個牌俾你跟住整,仲有個沙漏俾你計時架,好細心又好好玩 阿女玩得不亦樂乎,

終於食到「牛大人」啦 ~

圖片
終於食到「牛大人」啦 ~ 放大假, 可以同女女去食早段火鍋放題(平日收工堅係爆多人 ) 餐廳佔地成層,入面的卡位很闊落。  牛大人係台灣特色火鍋放題。 食120分, 肉類,海鮮用QR 任點, 仲有唔少台灣直送火鍋料可以係自助區任取, 當然包埋任飲啦。 牛大人最特別係佢有多個好有台灣特色既湯底。 我點既金鑽鳳梨雞鍋,聽個名已知係台野,湯底有成大舊雞, 仲有醃製過既鳳梨,椰菜, 魚仔, 比平時既雞湯味道更濃郁同豐富。 肉類的質素都幾高, 最愛薄切,一燙即熟。 我今日食$258 個個餐,牛肉有澳洲A5和牛,仲有多款安格斯,封門柳,美國prime 肩里肌。除左牛外, 豬同羊都好食呀。 個澳洲羊卷肉超有羊味 海鮮方面唔算特別多,但質素都OK,隻蝦好大隻呀~   呢個餐仲每人送2粒和牛丸, 超爆油, 勁濃牛味 任食區有好多台灣直送既丸,全部盒都有蓋,好衛生~ D丸全部都解左雪架啦,唔會硬崩崩啦~ 好多特色醬汁, 我最鐘意個洋蔥牛肉醬,酸酸甜甜架,用黎食肉可以減去油膩感,再食多幾塊肉 飲品方面有個飲品櫃, 除左有大路野, 仲有唔少樽仔茶 用QR code 點仲有台灣特色飲品, 好似金桔椰果(阿女投訴太少椰果 XD), 酸梅湯, 尤其烏梅汁超正 ~ 呢度上菜既速度超快,無漏單。 而收碟既速度都超快,一清左個碟就有人收。 一舉手又好快有人黎。不過佢2粒丸又一個碟, 洗死人個女~  其實我唔介意group 埋一齊既。XD 食到最後30分鐘就會截單唔俾再落order ( 但可以繼續食)。 同埋有一張甜品紙 可以點雪糕同台式甜品仙草凍架 。 我傻下傻下, 即刻走去點雪糕, 搞到都唔知繼續打邊爐好定食左雪糕先好 呢度既食物質素高, 價錢抵, 服務人手都好足, 唔會叫十年都無人,而且服務態度都好好。 呢餐飯好滿足 牛大人台灣火鍋吃到飽 (瓊華中心) 旺角彌敦道628號瓊華中心9樓 文章只屬個人意見, 只供參考 如要聯絡本人,請電郵至:  smonkichi@hotmail.com   Fanpge :  www.facebook.com/smonkichi   Instagram :  https://instagram.com/smonkichi/ Click below for my sharing platform : *  Blogspot  *  She.com  *  U Beau

滿滿日本風味~阿久根和牛拉麵屋

圖片
去左日本? 唔係呀,呢度係旺角黎架~HAHA 雖然間鋪細細,但裝修勁有心思~ 除左門面咁有特色,估唔到餐廳入面仲癲 係全店不足20個位既鋪竟然可以整呢D 飛簷設計,不得不寫個「服」字~  搞到我有換番件「和服」的衝動~HAHA  除左大裝修外,連DETAIL 位都極之日本,連調味料都好足呀! 同日本的拉麵鋪一樣,呢度專心做拉麵,以4款湯底為主,分別係濃蝦湯,雞白湯,醬油湯同魚介湯,仲有沾麵可以揀添~ 拉麵價錢由 $75 ~ 最貴的$148 都有,視乎你要咩料啦~ 佢既小食都好吸引,而且唔貴~  落左ORDER, 店員會送上呢個牌,方便送餐,大家記得將個牌放係當眼位置呀~ 點餐時諗左好耐,究竟咩餸配咩湯底呢? 我自己又唔係好接受到濃蝦湯配牛~ (好似大家都唔係朋友呀~HAHA)  最後揀左呢個 (都係店主推介)   燒牛肩胛拉麵 $ 98 (湯底可自選,我揀左醬油)  極之吸引的賣相呀~ 上枱時既牛肩胛係剛熟,我建議大家好快D食左佢,因為呢個時候係最嫩滑架~  放耐左,就會俾D湯浸到OVERCOOKED, 牛肩胛本身加上了黑椒調味,入口味道都幾濃~ 我自己幾鐘意呢度既拉麵,軟硬適中,唔糊口,好掛湯,而且份量仲好多~  愛辣人仕可以試下呢3款辣粉呀~ 真係超級正  原味本身已經辣 (比七味粉辣)  我尤其鐘意食蒜香同洋蔥味,真係有勁香的蒜香同洋蔥味架~ 好想買返枝食薯條/薯片,一定勁夾~ 濃蝦湯係店中大熱,當然要試試 我揀左虎蝦去襯佢~ 香煎虎蝦拉麵  $ 98  虎蝦超大隻,煎得好香口,而且個蝦殼已係背部切開,食都好方便 濃蝦湯係超濃味架,只係夾起D麵已經陣陣蝦味湧埋黎,完全係用蝦頭熬幾個鐘出黎個種感覺,最surprise 係湯底仲有好多櫻花蝦仔呀~ 主菜精彩,小食一樣唔輸蝕 叫左2個特色食品 鹿兒島流心芝士薯餅 $28  聽個名都覺得好吸引,係咪? 而佢個樣又真係好鬼吸引,新鮮熱辣炸起,唔太多油 外皮鬆化,咬落啖啖芝士,配埋調過味的薯蓉。好CREAMY又脆口,雙重享重呀 溫馨提示:小心燙咀呀~  沖繩苦瓜餃子 $48 好開心同行的朋友肯一齊食苦............瓜呀~HAHA  餃子煎得OK啦,賣相擺出黎唔算十分靚,不過煎得黃金,無穿無難~  (強迫症既我成日望住個舊突左出黎既餃子) ~~ 望落隻餃子皮有D 綠綠地色,以為佢會有苦瓜味。原來,係無既~~HAH