Sally Ngai's Private Heart

世界上的品牌何其多 想識哂真係絕無可能 就算係香港有得賣既品牌都未必識得啦~ 就好似 ADJUVANT 呢個來自日本的牌子，雖然座落係I SQUARE 5樓，但一直都只係知佢由伍故娘代言 直到親身去試完，先發覺好的品牌真係要去發掘架~ 呢間位於 I SQUARE 五樓的 ADJUVANT ，老實講，一D都唔就腳，仲有D僻添~ 不過佢接近2千呎既店面就一D都唔輸蝕，好大好舒服，其中係門口仲設有一個任試任用既SELF COUNTER  俾你親臼體驗下呢個品牌的產品~ ADJUVANT是成立於1992年抗敏護膚品牌，以「天然‧無毒‧安全‧高效」為宗旨，首創Inter Cell (IC) 活性理論，以人體細胞所需的主要營養 ─「糖分」及「電解質」，研發一系列無添加日本厚生省公佈『102種致敏成分』的護膚品，重建皮膚細胞，提高肌膚的自然治癒能力，發揮「保護」、「排毒」、「吸收」3大護膚功能，由內至外塑造健康膚質 。  產品由護膚，身體，美髮到彩妝都有，一應俱全，全面保護你的髮膚免受有毒產品的侵害。 今日，我就去試下佢既抗敏彩妝~ PRINSHELL彩妝系列 佢既抗敏彩妝其實已出到第二代~「PRIN」代表光澤，「SHELL」代表如貝殼一樣保護肌膚不受外來刺激。 PRINSHELL抗敏修護彩妝，注入美容液成分，化妝同時護膚，為敏感肌膚成就閃耀動人妝容。 化妝之前當然要做好補濕功夫~ 炭酸注氧活顏水 Fog Sui BA 為我噴上了呢隻 Fog Sui ，呢枝是一枝可以成為化妝水，定妝，以至身體，頭髮都適用的保濕水~ 噴上後皮膚馬上變得水潤有光澤，而且仲好軟棉棉添~ 保濕防曬底霜 SPF29 PA+++ P-Protect 除左保濕，BASE 對一個底妝黎講都係好緊要~ 呢枝不含紫外線吸收劑 ．無色的BASE，唔單止可增加皮膚的滋潤度，仲可以提升皮膚既光澤感~ 搽上面後亦無任何泛白，厚粉，偏色既情況出現，絕對唔會影響後繼粉底的色調。 搽左炭酸水及BASE後，皮膚的質感馬上好起來了 平滑了，水潤了，不但去除了光涸感，毛孔都收歛起來了~ 美肌精華調色粉底液 SPF11 PA

雖然過左青春期，不過痘痘耐唔耐都會出現下 唔夠瞓又或者生理期間，點都會出現一兩粒~ 加上呢排天氣又熱又焗，又易出油又汗，唔覺易塞左D毛孔又會爆幾粒出黎 所以我屋企都會長備一枝暗瘡膏 PAPULEX重點淨化精華 PAPULEX Spot Gel HKD 249 / 40ml 有關PAPULEX 來自法國的Papulex 百倍麗淨痘控油修護系列 – 採用3重抗痘機制，包括歐盟認可專利Active ABA科研技術、Nicotinamide維他命B3和Zinc PCA納米鋅，從「根源」改善痘痘問題，99％皮膚專科醫生證實有效。 3重抗痘機制是先以維他命B3消炎，減少暗瘡印形成及舒緩 暗瘡肌膚；再利用EU歐盟專利－抗黏著ABA科技隔離82%痤瘡桿菌(P.Acne)；最後以納米鋅高效控油，終極去除油光KEEP著全日清爽~ 而且產品無香料，無PARABEN, 敏感性肌膚亦適用~ 用後亦唔會出現好干甩皮的現象~ 產品透明GEL狀質地,清爽透薄,重點去痘,減少發炎。 薄薄地搽上一層係暗瘡面，就算搽左係暗瘡周圍的皮膚都唔會乾~ 搽上後會有少少涼涼地感覺，但反應不太大，並無引起任何紅腫灼熱感。 平時只要早晚洗面後搽上暗瘡位~ 如早上要上妝，只要薄薄塗一層待其稍干便能上妝。 遇上頑固痘痘,晚上睡前厚敷在痘痘上 最近遇上生理期，下巴生左一粒小瘡仔 唔好睇少呢D瘡仔，有時處理得唔好，發哂炎，會越變越大~ 搽上 PAPULEX重點淨化精華 後四週皮膚都無任何異變或不適。 搽左2日後，暗瘡已干及結焦。當然，中間要忍住唔好噴，唔好搣 以前試過搽一D暗瘡膏，搽完第二日會發哂炎，出哂白頭。雖然話唧左D白頭會快D好 不過咁樣發炎法，好易會越搞越大粒，最後仲留底D暗瘡印添 所以想佢無印無痕，最好就係快D等佢收干水等佢自然剝落~  暗瘡膏就好似D藥油咁，屋企點都要長備一枝係度以防不時之需。 如果正值春青期或暗瘡肌，可以配合埋 PAPULEX深層潔膚啫喱 及 清爽控油修護霜 一同使用，效用更持久顯著 如果心口及背部有痘痘，PAPULEX仲有 清爽身體去痘舒緩液 添

最近咩都講緊殺菌，抑菌 洗手要殺菌，沖涼要殺菌 洗衫當然要殺埋一份啦~ 除左洗衣液，依家連柔順劑都出左除菌啦~ COMFORT 金紡 ANTI-BAC  金紡抑菌防 護精華柔順劑 家下天氣越來越熱，郁一郁就成身汗 小朋友更加係好似水造咁，唔郁都出哂汗~ 汗水係衣服上會好易滋生細菌，要抵禦細菌和病菌，就需要為衣服作抑菌防護 新上市金紡抑菌防護柔順劑，特含抗菌天然茶樹油因子，可深入衣物纖維， 形成一層強效保護層，24小時抑菌防護 更有效除菌99.9% 包括 金黃葡萄球菌 ,  大腸桿菌 ,  克雷伯氏菌等 ，守護全家人的健康！ 當然，除左殺菌外，佢仲有其他7種的功效架~ 例如令衣服不易變形，防止靜電同埋中和鹼性洗衣殘留等等~ 而且更係環保配方， 經專業皮膚測試驗證，配方 温和不刺激，小朋友都用得 成家人都啱用啦~ 用法其實好簡單，將柔順劑加入洗衣機或 手洗時於最後過水時加入就可以 不過，有冇留意佢既蓋比我地平時用開既柔順劑蓋細呢~ 原來呢隻柔順劑是超濃縮，一滴就等於4滴平時用既普通柔順劑~ 所以一機衫只須用 3/4 蓋就夠，的確夠慳~ 洗咁多衫都只係用3/4蓋，一枝有成880ML, 仲要只係 HKD 24.9 真係襟用又抵用~ 好多柔順劑有一個弊病，就係好杰逹逹， 就算加水都唔係即刻溶解到，搞到洗衣機個柔順劑出水位成日塞。 呢隻柔順劑質地偏水狀，加水後更馬上溶於水~ 絕對無塞出水位之憂。 呢隻柔順劑是低敏，但想低敏得更徹底 當然要配合埋低敏既洗衣液啦~ 建議可配合呢款 Persil 寶絲低敏 濃縮洗衣液 呢款洗衣液我之前都介紹過 真係好好用~ 我都不停向我身邊有小朋友既朋友介紹~ 介紹文： http://smonkichi.blogspot.hk/2015/02/persil-comfort.html 低敏洗衣液加上低敏殺菌柔順劑雙劍合壁，絕對安全又安心 保護家人，保護孩子 要識得揀最好的~ 如要聯絡本人，請電郵至：  smonkichi@hotm

朋友約去食飯，地點：尖沙咀"樂園"~ 吓？茶記嗎？ 此樂園不同彼樂園~ 呢個樂園叫 HAPPYLAND，所以入面所有佈置都好色彩繽紛，仲有好多GAME俾大家玩 務求令黎到既客人好似去左樂園咁好開心~ 就連個MENU 同食物都色彩繽紛，令你好似置身遊樂場咁開心~ 睇前菜既沙律就好睇到一間餐廳既心思 有D只係兩塊菜，仲要成塊上，加兩PAT 醬就叫沙律 松子仁有機蕃茄豆腐沙律 HKD 88 豆腐好滑，蕃茄好甜，呢個菜由頭食到尾，食主菜時又可食少少清下個口腔~  再黎三個小食，分別係 炸魚手指，芝士豬肉釀雞翼同日式豬軟骨豬肉捧餃子 HKD 68 /款 唔同既炸物配合唔同既醬汁~ 想讚一下師傳的炸物功力，香脆得黎又唔會成口油，食落只有炸物的香脆，一D油膩感都無~讚讚讚呀~ 3款之中我最鐘意魚手指，雖然魚肉並唔係好滑個隻, 不過配合個喼汁食，好好味呀~ 朋友就好鐘意食個雞翼，有好香既芝士味~ 日式豬軟骨豬肉捧餃子的餡就感覺麻麻，不過個皮都炸得好好 再黎呢個又係好好味的~ 芝士焗有機大傘菇 HKD 68 焗完後D菇味出哂黎，又好滑，配合芝士一齊食，一D都唔溜~仲好清甜添~ 香草牛油焗特大帆立貝 HKD 78 海鮮中我最鐘意就係食貝殼類 呢個帆立貝焗得啱啱好，肉質嫩滑之餘又唔會過熟好韌 而且香草味亦調得好好，唔會太過濃蓋過左帆立貝本身的鮮甜味~ 2個女仔，食D咁多小食，其實已經飽左八成~ 不過呢個咁吸引, 又點可以唔點黎食下~ 黑松露香煎鵝肝意大利飯 HKD 168 鵝肝煎到兩面香脆，內裏香淋 (即係外脆內軟啦~HAHA) 意大利飯混合了大量芝士汁，超香，不過唔知係咪開始飽，覺得有少少滯~  美滿的晚餐又點會少得甜品呢~ 怪獸雪糕 黎啦~ 呢個咁大杯既雪糕 有好多隻唔同味既雪糕，仲有香蕉，朱古力脆片，威化餅~ 絕對好啱成班朋友爭下，搶下~ 生日食蛋糕食到悶，不妨點呢個怪獸雪糕 樂園仲會送上即影即有同心意咭俾大家寫上祝褔字句送俾壽星，等大家留下一個美好的回憶~ 呢度除左西餐，其實仲有

好耐無出席過iTrial 的event, 今次就有機會接觸Collagen 新出的妝品，仲有Will Or 的即場示範同講解 Collagen 的新妝品由eye shadow 到唇膏樣樣都齊，而且全部都係由韓國出品架。每款妝物都含有Collagen, 化妝同時護膚。 骨膠原超萌眼雙效滋養睫毛膏 是其一款我印象最深刻的妝物，睫毛膏蘊含珍貴深海魚膠原蛋白，加強睫毛健康強韌 一邊係滋潤的睫毛精華液，而另一邊就是黑色睫毛膏。 睫毛精華液係透明的。用作強壯眼睫毛，仲可用作打底，先搽一層保護睫毛再搽上睫毛液。  不過如果用作打底用時，千萬不可搽太多，太多會令睫毛變軟，夾唔起。同埋要等佢干透先再搽眼睫毛。 睫毛液的掃頭係粗大型，本以為佢既濃密度幾高，但我估錯左，佢既纖長功能比濃密度高出好多倍。 搽完睫毛液後，睫毛比平時長左一倍呢~ 而且睫毛根根分明，無結成一舊舊。不過濃密效果就欠奉了。 到左中午，睫毛依然纖長翹起，無塌下，亦無化開。效果很持久呀~ 就算到夜晚睫毛既形狀同返工都一模一樣，KEEP得勁好 咁持久的睫毛膏有一個壞處，就是比較難卸，用卸妝油後，會將睫毛膏變成一粒粒，而且抺2次都去唔到一半。 反而用卸妝水仲容易將睫毛膏溶解。 唔知Collagen 有冇出自家的eye make up remover 呢？ ~ Collagen by Watsons 的護膚品其實一直口碑都不錯，其推出的全新品牌Collagen Beauty系列均注入「護膚」元素， 全部妝物都加入膠原蛋白，達致「化妝同時護膚」的效果。 Collagen 的妝物比想像中出色好多。唇膏絲滑易上色，胭脂出色，而睫毛膏更係有驚喜。唔單止快干，根根分明，而且持久度更係喜出望外，由返工到放工都KEEP得住。仲唔會化開變熊貓眼。唔單止有美妝，仲有護膚功能。 實在是一枝內外兼備的睫毛液呀~ 如要聯絡本人，請電郵至：  smonkichi@hotmail.com Fanpge :  www.facebook.com/smonkich Instagram :  https://instagram.com/smonkichi/

最近西環線開左，高街個邊都開左好多食肆 甚至去到般咸道一帶，都有唔少新開鋪頭 而係英皇書院對面，就開左一間新的西印式餐廳 Tulsi & Wine  呢間西式裝潢的餐廳，睇門面同西式餐廳一樣 點都估唔到入面仲有泰國野同印度野食~ 佢係米芝蓮印度3星羅勒印度餐館既分店黎~ 佢既印度野，點都有保證掛~ 至於西式野，晚市套餐就有成12款，好多選擇喎~ 每個套餐都跟一個湯，兩塊NAAN同飲品。仲可以加錢跟即日鮮制甜品添 至於每個套既價錢，都係由88蚊起，真係好超值~ 呢間餐廳既名叫 WINE, 所以佢既酒都唔少，紅酒，白酒由二百幾到五百幾一枝 朋友相聚，開枝飲下都幾開心。 不過我仲要湊女，所以放棄了~ T.T~ 先黎係一個鐵板既印度烤雞。  因為有個鐵板，一出枱時香氣四溢，已經流哂口水~ 雞係啖啖肉，香味入哂味。而且D肉仲唔會好霉好爛 沾上了印度薄荷醬，味道反而無濃烈，多左份清新感。 呢度既印度薄荷醬 好FRESH, 辣得黎又唔會太嗆口， 再黎就是 特色NAAN , 呢隻加左黑松露，好香，又軟熟，真係想食多幾塊 如果有咖哩一齊食，應該超正~ 湯係每日都唔同，今日我地有蝦湯。好濃烈的蝦味，初飲時覺得好香，好滑 不過飲到一半時就覺得味有D濃，要食番D NAAN 先~ 酒炸魚扒配薯條配他他醬 薯條成包上，好似SHAKE SHAKE 薯條咁，望落以為味道好濃，但食落反而覺得比想像中淡口 而且亦無好油膩既炸物感，實在係送啤酒的良伴。 魚扒，可能因為炸既原因，魚肉比軟實，不過亦無炸到干一干。 呢個菜絕對是跟酒菜式。飲啤酒一定要叫。 香煎鱸魚配紅蘿蔔蓉青豆 個紅蘿蔔蓉超有驚喜，無一般紅蘿蔔的腥味，好香好滑。 而鱸魚上比起炸魚扒更係嫩滑多了。 上面紅色個PAT 係有少少辣既辣醬，好特別的味道~ 三個女仔，Sharing左上面既菜已經有D飽，搞到呢個意大利飯涼左未食 蕃茄燒大蝦意大利飯 待應好好人咁同我地翻熱返D飯。 可能D飯再煮，變得淋左，無左意大利飯