Sally Ngai's Private Heart

護膚呢，我最注重就係清潔。只要清潔做得好，搽護膚品都吸收多D~ 入手左呢部來自日本，全球最細的家用AQUA PEELING 機，終於可以在家做深層清潔啦~~ Hakuro Aqua Peeling 深層毛孔清潔機 呢部全球最細，最輕巧的家用AQUA PEELING 清潔機， 價錢只係幾百蚊，但做齊AQUA PEEL 的4種功能， 平時出街做一次AQUA PEELING 都唔止呢個價錢 咁究竟佢WORK 唔WORK 呢？ 一齊研究下先 首先睇睇佢既硬件 成部機真係非常輕巧細小，連埋配件都只係一盒餅咁大，放係屋企一D都唔阻地方 要讚下D後備配件都唔少，非常細心 採用 TYPE C  USB 叉電，拎去任何一個角落 都 用得 機身只有2個掣， 一個開關，一個檔位鍵，非常易用 (開關掣：長按電源鍵 1.5秒開/關機 ， 短按切換不同模式) (檔位 掣  ： 輕按選擇3個吸力強度 (柔和, 標準, 強烈) 每個檔位都有時間掣架，做完就會停，唔使自己計時  唔好睇 Hakuro Aqua Peeling機仔細細，佢有4個模式，做到不同功能架 熱水循環 - 軟化油脂黑頭 真空熱吸 - 快速清除污垢 水氧循環 - 補充水份氧份 冰療循環 - 收緊鎖水緊緻 每個步驟配合不同功效的精華水一齊使用 又吸力，又水箱，又精華水，究竟要點配合？ 等我整理番一個LIST 先 步驟 1 真空熱吸 吸力度：柔和        精華：AS1 清潔去角質精華水落      水箱： 分隔式水箱          使用時間: (3分鐘) 熱溫導出 (Warm)原理，利用紅光喚醒肌膚，通過熱水循環系統打開毛孔，軟化黑頭, 粉刺, 油脂, 化妝品殘留物等 。  部機既吸力有柔和, 標準, 強烈，3個不同強度 ，而STEP 1 主要係用紅光喚醒肌膚，建議用柔和吸力就夠啦~  使用時吸咀會發出暖暖的溫感，無太大刺激感，亦唔會有任何痛的感覺架 我建議大家初用時先開柔和的強度去感受同熟習一下，用熟左再加大強度 對我黎講，面頰位用"柔和"已經好夠吸力。額頭呢D位就可以用標準力度 使時用記得使用時盡量維持儀器90度呀 當儀器傾斜超過40度時，會自動暫停，同時紅色警示燈亮起並發出警告音效。 儀器傾斜超過40度的時間超過10秒, 會自動關機添 步驟 2 真空吸附 (Vacuum) 吸力度： 標準或

同阿女出街食飯，最好就係食台灣野 抵食夾大件，最重要係唔多辣野，小朋友好鐘意架 " 一直都唔知呢間觀塘有呢間台灣野，位置實在有D僻~ 要入商場行到尾再右轉到尾。差D 搵唔到~XD  不過佢既價錢真係超級抵  幾難搵，我都會搵到佢既~HAHA  呢度主打台灣夜市的街頭小食，特別係係滷水野 滷水野不嬲都唔平，估唔到呢度十幾蚊就可以點到一款台灣直送的滷水~ 麵食都係十幾蚊碗~~  滿30蚊仲可以用優惠價加野飲。 而我呢D有選擇困難又唔想煩既人，當然點個套餐算~HAHA （樣樣都好吸引，套餐都要諗一輪~)  阿女係肉燥飯控，每次食台灣野都要叫一碗 滷蛋肉燥飯  HKD 35 呢碗飯雖然唔貴，但佢SIZE 係大碗的..... 有別於平時食開既細細碗，呢個SIZE 係正常碟頭飯既份量呀~ (阿女最終都食唔哂) 開初見到肉燥上面有D紅色一絲絲的，以為辣椒 原來係好似豆乾咁，甜甜地，好好食 一條條啡色既，都係豆干黎，又係帶甜味，阿女話好好食 肉燥的味道唔太濃，適合送飯之餘又唔會食到好重味~ 滷蛋的味道亦濃淡得宜，唔會太重味~  我的B套餐  重口味組合 HKD 72  套餐包一個小食 ,  一個主食加一個飲品 呢個重口味套餐, 有冇初戀渣咋麵的感覺~HAHA （出賣年齡系列）  呢個麵分別有豬大腸 ／ 豬腩肉 ／ 豬皮 ／ 花干 ／ 白蘿蔔 我最鐘意就係豬大腸，非常入味又夠腍 豬腩肉入哂味，不過瘦肉方面有D硬  呢個豬皮超得意，係真．豬皮 食落肉有濃濃的膠原感覺呀~ 因為切到細細塊的關係，所以一D都唔覺漏  最唔鐘意就係呢個, 台灣叫花干，似我地既豆卜 感覺有D硬同唔太入味~   揀餐揀麵時真係考起左我~ 究竟....佢地係咩黎架.......................................... 見到姐姐問下佢啦，佢好好人咁入廚房 SHOW 俾我睇~HAHA 辛苦哂佢 烏龍麵就好以幼烏冬啦~  蒸煮麵同王子麵就類似公仔麵 (不經油炸)  而我唯一識既，就係呢隻關廟麵~HAHA  即係少少闊身既麵，所以揀左佢 呢個麵配埋D滷水食物，超夾呀~  沾到滷水汁但又唔會吸哂D汁，麵質仲好滑~~ 正正正~  呢個鹽酥雞 (單點) 加手工腸 (晚餐的小食) 就有D失望  我懷疑佢係出錯單啦。 36蚊既鹽酥雞得呢個份量，好似有D少呢。 鹽酥雞 不過不失，大舊既雞肉就尚算

近年成日話排毒，求其去便便就當係排左 其實排毒除左排走平日的食物殘渣外，仲有好多野要排，其中一樣就係重金屬。 重金屬攝入人體就很難排出。係體內積聚重屬會對消化系統、免疫系統、腦部、皮膚、骨骼、生育功能、心臟功能、腎和肝等都會造成嚴重傷害。對情緒、智力也會受到影响，也會引起敏感反應，引致各種皮膚問題。 更可引致不同頑疾等等。對懷孕的胎兒發育和智力發展帶來負面影響。 所以我地唔止要排毒，仲要深度排毒呀~ 可以點排？ 試下飲用蘋果果膠原飲呀~  台灣超流行的唷~ 德信健超凡蘋果果膠原飲 超凡蘋果果膠原飲由專業營養師研發獨特配方， 是一款天然、多功能的益生元健康食品。 內含USP醫療級高純度蘋果果膠及提純自天然菊苣根的菊糖低聚果糖，有助腸道健康、優化免疫系統、調理自體免疫系統、清除重金屬、排毒、便祕、瘦身、提升記憶力和舒緩情緒壓力 咩係蘋果果膠 Apple Pectin ?  蘋果果膠主要提取自蘋果皮和纖維，屬於一種水溶性膳食纖維，唔會被人體消化及吸收。 果膠帶有負離子能，可以將陽離子的重金屬帶走一同排出體外。 果膠的粘性會吸收膽汁，有助穩定膽固醇 如果唔係要連皮食6隻蘋果先等於一包德信健超凡蘋果果膠原飲嘅蘋果果膠   菊糖低聚果糖又係乜？ 菊糖提取自天然菊苣嘅一種水溶性膳食纖維，同果膠一樣都係可以令腸道益生菌不會餓死，同埋令益生菌活躍啲，所以對腸道和免疫系統都好有益！ 而菊糖富集低聚果糖意思係令部份菊糖轉換成低聚果糖，令分解速度耐啲，無論係腸道前中後段都可以發揮作用！ 果膠係粉狀的， 能溶於水後服用，簡單方便， 更可避免吞藥丸的煩惱， 兒童也更容易服用 無論凍水熱水沖都一樣無問題~ 沖既時候要一邊落粉，一邊攪拌，令到果膠的粉末可以完全溶化 因為不添加人造香料和糖，所以飲落其實無咩味道 (我仲以為會有蘋果味添~XD) 官方建議用半杯水沖一包。會有少少質感~ 我會加多少少水稀釋，會較易飲。 加水後反而會有少少蘋果的酸味添~ 果膠對小朋友 (3歲以上) 和 老人家都特別適合，因為佢可以幫助增強記憶力和邏輯力 蘋果果膠轉化的丁酸鹽可以抑制HDAC酵素，增加神經營養因子, ( BDNF和GDNF ) 從而增強記憶力和集中力，也能增強邏輯思考，對於幼童和學生學習、老人腦退化都相當合適架 。 增加神經營養因子仲可以改善情緒同舒緩壓力架，對於過度活躍的小朋友都有幫助呀~ 日常保健呢，

土瓜灣開左地鐵站， 去食飯方便左好多。唔使再下下油尖旺同人迫啦  今日就去左呢間非常可愛的pizza 店試下，裝修有d工業風， 幾開揚，唔焗促。  6點幾去到，都好full, 原來呢度下午茶去到6點， 我過左，唯有點正價menu。 不過正價Menu 價錢都好街坊價 怪獸多寶 $68  PIZZA 分類以醬底為主，有蕃茄醬底/千島醬底/特色醬底 仲有分大中小SIZE (6" - $ 68/9"- $118/ 12"-$148) ，餅底每日新鮮手製。仲有一個限量供應的心型造型 (好彩我早到，仲點到~) 心型造型好有諗頭， 讓pizza 多了一個賣點。 怪獸多寶即係雜錦， 咩都有，材料非常豐富，口感多樣 厚底批，好飽肚。最欣賞佢既餅底非常脆卜卜 招牌肉醬焗意粉 $62  呢個肉醬意粉，好HOME MADE 既感覺 肉醬非常多， 味道唔味精， 份量都好多 不過意粉有d煮得過熟，淋左少少，同無左焗個種香口感。扣左少少分 秘製燒豬排骨 $137 (餐牌寫必食，點都要試試)   燒排骨十級讚,   好耐無食過咁好味既燒排骨了， 家下好多餐廳都用肉排煮熟再煎，一d都唔香口， d肉又嚡。 呢度既燒豬排骨真係骨排， 仲係真·燒出黎。d肉痴住骨，特別滑。 加上烤得好到位。 非常推介 所有意粉，焗飯有得送餐湯或熱飲一杯 凍飲加5蚊 雖然跟餐，但一D都唔欺場，超大一杯，而且有造型，味道都有水準架~ 餐廳有一自助角落可以自己斟水，攞餐具調味料。不過員工都好HELPFUL，呢頭聽到我地話想攞芝士粉，個頭佢已經拎左俾我~ really tks (我自己幾鐘意呢D自助角落，唔使下下等人服待，自己想攞乜就攞乜，好FREE) 牆上的MONSTER 燈牌好搞鬼，我等人地走哂先影到架~燈牌令成個餐廳增添了不少玩味~ 呢邊的卡位共有３個，位置好闊落，好好坐。 多口問句店員，先知原來呢度有LUNCH 同下午茶 ＳＥＴ ，價錢真係好實惠呀，唔怪得咁多人黎食下午茶。 下次黎土瓜灣，認住呢隻怪獸啦~ 薄餅怪獸 Pizza Monster 土瓜灣馬頭圍道418號樂意居地下2號舖 文章只屬個人意見，只供參考 如要聯絡本人，請電郵至：  smonkichi@hotmail.com   Fanpge :  www.facebook.com/smonkichi   Instagram :