台灣夜市走一轉 ~ 頂好原味道
同阿女出街食飯，最好就係食台灣野
抵食夾大件，最重要係唔多辣野，小朋友好鐘意架
"一直都唔知呢間觀塘有呢間台灣野，位置實在有D僻~
要入商場行到尾再右轉到尾。差D 搵唔到~XD
不過佢既價錢真係超級抵 幾難搵，我都會搵到佢既~HAHA
呢度主打台灣夜市的街頭小食，特別係係滷水野
滷水野不嬲都唔平，估唔到呢度十幾蚊就可以點到一款台灣直送的滷水~
麵食都係十幾蚊碗~~ 滿30蚊仲可以用優惠價加野飲。
而我呢D有選擇困難又唔想煩既人，當然點個套餐算~HAHA
（樣樣都好吸引，套餐都要諗一輪~)
阿女係肉燥飯控，每次食台灣野都要叫一碗
滷蛋肉燥飯 HKD 35
呢碗飯雖然唔貴，但佢SIZE 係大碗的.....
有別於平時食開既細細碗，呢個SIZE 係正常碟頭飯既份量呀~ (阿女最終都食唔哂)
開初見到肉燥上面有D紅色一絲絲的，以為辣椒
原來係好似豆乾咁，甜甜地，好好食
一條條啡色既，都係豆干黎，又係帶甜味，阿女話好好食
肉燥的味道唔太濃，適合送飯之餘又唔會食到好重味~
滷蛋的味道亦濃淡得宜，唔會太重味~
我的B套餐
重口味組合 HKD 72
套餐包一個小食 , 一個主食加一個飲品
呢個重口味套餐, 有冇初戀渣咋麵的感覺~HAHA
（出賣年齡系列）
呢個麵分別有豬大腸 ／ 豬腩肉 ／ 豬皮 ／ 花干 ／ 白蘿蔔
我最鐘意就係豬大腸，非常入味又夠腍
豬腩肉入哂味，不過瘦肉方面有D硬
呢個豬皮超得意，係真．豬皮
食落肉有濃濃的膠原感覺呀~ 因為切到細細塊的關係，所以一D都唔覺漏
最唔鐘意就係呢個, 台灣叫花干，似我地既豆卜
感覺有D硬同唔太入味~
揀餐揀麵時真係考起左我~
究竟....佢地係咩黎架..........................................
見到姐姐問下佢啦，佢好好人咁入廚房 SHOW 俾我睇~HAHA 辛苦哂佢
烏龍麵就好以幼烏冬啦~
蒸煮麵同王子麵就類似公仔麵 (不經油炸)
而我唯一識既，就係呢隻關廟麵~HAHA 即係少少闊身既麵，所以揀左佢
呢個麵配埋D滷水食物，超夾呀~
沾到滷水汁但又唔會吸哂D汁，麵質仲好滑~~ 正正正~
呢個鹽酥雞 (單點) 加手工腸 (晚餐的小食) 就有D失望
我懷疑佢係出錯單啦。 36蚊既鹽酥雞得呢個份量，好似有D少呢。
鹽酥雞 不過不失，大舊既雞肉就尚算滑，無變柴
紅色的辣粉唔算好辣，那個 "鹽" 如果再多少少，或可以自加就更好了~
台式手工腸係超肥美的，好似我地食開既臘腸，製作得不錯，煎得幾香口~
飲品叫左2個杯裝
蜜香紅茶 (晚餐指定飲品, 唔使加錢，default 左係微甜)
珍珠鮮奶茶 (飯加 15蚊, 我揀咩都正常)
*****首先要讚下呢2杯飲品既冰粒*******
我無特別要求, 而佢既份量係控制得非常好。
既可以令到飲品KEEP到係凍飲，但又唔會多到成杯冰
我地一邊食一邊飲，到最後冰剛好溶到七七八八，KEEP到凍又唔會令到飲品變淡
要俾佢十級讚
珍珠鮮奶茶 ，呢杯真係超好飲呀，連阿女都識講飲到有茶味
茶同奶的份量好適，珍珠亦煮到軟硬適中，有咬口又唔韌 , 珍珠SIZE 都大小適中
第時經過都要入黎買杯珍奶飲呀~
蜜香紅茶既甜唔同一般飲品既甜，應該係蜜甜呢~
少少微甜 多多茶味，係另類清新的感覺。
呢度既午市套餐都抵食，觀塘我又多個食飯點了。
題外話：呢度既網絡收唔到，臨走先知原來有提供WIFI，PASSWORD 寫左係張電子單度，大家下次去，醒少少，唔好似我咁豬啦~ XD
頂好原味道1990 (中海日升中心)
觀塘駿業街56號中海日升中心地下L號舖
文章只屬個人意見，只供參考
Instagram : https://instagram.com/smonkichi/
Click below for my sharing platform :
* Blogspot * She.com * U Beauty * Beauty Exchange * Beautylife *
* We Share * Beauty Qooza * Baby Kingdom * Fanpiece * The Ztyle *
* ESD Life 生活易 *
留言
張貼留言