Sally Ngai's Private Heart

好多人話有左小朋友後夫妻關係無咁好  大家不自覺將時間放哂去小朋友度，忽略了夫妻間的經營 所以耐唔耐，我都會同老公出街食個FINE DINING, 重溫下拍拖的溫馨 天后的呢間 On the Spot，絕對是FINE DINING的好選擇 餐廳佔地全層. 落地玻璃非常開掦  最吸晴的當然是呢個彩色吧枱，非常有格調~ 特別欣賞餐廳好注重每個細節位 枱上的是鮮花，每日更換，水杯也很精緻呀~ 先來2個小食和飲品 Suckling Pig 脆皮乳豬  乳豬一D都唔肥唔膩，脆脆的皮下面就係瘦肉，而且唔嚡, 一咬就開 乳豬下面墊著春卷一齊食，幾新奇得意的食法 Mushroom Croquette   蘑菇薯仔球配香蒜羅勒奶油醬 脆脆的外表入面是混合著蘑菇的薯蓉~真正的外脆內軟 而且炸得很香脆，一D也不油膩 今天沒有飲酒, 點了 2個 MOCKTAIL  Fineapple Fizz  這個mocktail 很有夏日的熱情感覺 內容很豐富，有菠蘿汁，藍椰子，青檸，青瓜，海鹽等等 看成份就係甜甜酸酸帶咸香，但個人覺得整體味道偏淡，可以再SWEET 一點。 Morning After  有百香果，青瓜，薄荷....而成，看上去很消暑 薄荷味和青瓜味很突出，如果再冰凍少少，消暑的感覺更大呢~ 今天的主菜是這個 USA Hanger Steak 美國封門柳 (配薯條，阿根庭青醬和燒汁) 封門柳很有質感，廚師把這個切薄片，是非常聰明的做法 叫了Medium Rare，對我來說剛好，肉質還是粉嫩，也沒有生生的感覺] 特別喜愛那個阿根庭青醬汁，有很清香的羅勒味，減去了膩感 薯條也是滿滿的一大碟，很飽~  On The Spot Cafe Bar Restaurant 天后電氣道68號金輪天地8樓

觀塘駱駝漆大廈雖然係工廈，但呢度嘅消費其實都唔平 鳥棲暫時係我食過嘅食肆中最平最抵食的一間 呢度雖然食日本野，但裝修都幾西式 餐廳大部份都用上呢種梳化椅，坐得好舒服~ 胡麻汁牛肉 $78 呢個其實就係我慕名而來的菜式 鐵板仔細細個，好得意，好似玩具咁~XD  唔好以為佢細個就無咩力，佢燒起上同平時的韓燒爐一樣咁勁架~ 雖然只是 78蚊，但牛肉都有成十塊咁多~  牛肉望落有小小肥，但燒完之後就剛剛好啦~ 我最鐘意佢D牛肉處理得好好，可以成塊夾起，唔會雪到一夾就碎哂個種~ 燒牛肉加胡麻醬，又真係幾唔錯喎~食落無咁膩 唯一要留意係呢個菜燒嘅時候會有D油彈出黎 (最好交俾男人做~XD) 餐廳話佢地好快就會轉MENU, 遲D就會無左呢個ITEM 好可惜呀~ 想食嘅朋友就快D去試下啦~  黑胡椒煮蜆 $88 成個湯底都好濃郁，黑胡椒味好濃~   蜆好大隻，隻隻都有肉，D肉仲係漲卜卜架~ 我地2個人食，待應攞左3個碗俾我地 其中一個係裝殼的，又幾細心喎~ 大蔥雞肉稻庭烏冬 $78 呢個烏冬真係好傳統嘅做法，依家出面街已經好少見 佢用上傳統的粉紅色魚蛋， (依家已經用哂鳴門卷啦) 仲有我最愛的油揚和大蔥~ 雞肉是全瘦無皮雞肉，再配上清湯底，啱哂注重健康同怕肥的人仕~  叫了2杯特飲 ，菠蘿乳酸梳打 ($34) 和 摩卡 ($38)  菠蘿乳酸梳打我覺得不錯，唔會有藥水味 摩卡就略嫌咖啡味有D淡~  鳥棲日本料理 Tosu 觀塘開源道60號駱駝漆大廈第3座5樓S室  

天文臺道呢間 8Five2 Restobar 成日都經過 戶外 OUTSIDE 位好CHILL. 今日終於行入去食個LUNCH 先 一入去就見到個超靚嘅打咭酒吧位~  唔入去都唔知，原來入面係咁大的~ 餐廳有LUNCH SET,  湯或飲品 加一個MAIN COURSE MAIN COURSE 選揀都好多, 仲可以加20蚊追加小食/甜品~  Buffalo chicken Nachos 超大的一份前菜，好少見有咁鮮紅色的NACHOS , 增添了不少色彩 雞絲撕得好幼呀~ 食落一D都無嚡口的感覺 如果下午唔使返工，好想叫杯啤酒啤一啤佢~XD 雖然雞絲已經有調味，但還有我最愛的牛油果醬同 SOUR CREAM  Main Course 揀左 Mexican Roast Chicken - Half  Lamb Mince, Mint & Cheese Quesadilla Mexican Roast Chicken - Half  墨西哥式燒春雞 春雞醃過再燒，好夠味。D辣味係雞肉度滲出黎~ 好正 不過雞胸位部份就有少少嚡 除左燒雞外，配菜都燒得好吸引呀~  我朋友話D薯條好好味呀~ XD    Lamb Mince, Mint & Cheese Quesadilla 芝士羊肉墨西哥酥餅 墨西哥酥餅內夾住羊肉，青椒同滿滿的芝士 食到羊肉的味道，沒有很重羶味，滿滿的芝士很滿足~ 隨酥餅有3款醬, 除了牛油果醬和酸忌廉, 仲有中間微酸帶小辣的蕃茄醬，很清新 我食完酥餅，再食呢個蕃茄醬, 味蕾馬上甦醒了。 LUNCN SET 套餐可揀湯或飲品 我地揀左飲品, 朋友的LEMON TEA 和 我的 LEMONADE LEMONADE少酸微甜，又冰凍，非常消暑 尤其食完墨西哥辣野再飲，絕配呀～ 8Five2 Restobar 尖沙咀天文臺道8號地下2號舖

位於山林道的FENNEL  ，是得獎的泰西菜 傳統中加上新意，菜式精緻又美味 加上無敵靚景，好啱同班姊妹黎個THAI FINE DINNING~ FENNEL位於17樓全層，一開LIFT 門，已經有2 個勁靚的打咭位~   除左室內用餐區，仲有呢個無敵靚景嘅戶外用餐區 早，晚景色都各有美態~ 餐廳中間有個沙律吧, 簡直是酒店級數~ 有長蟹腳，煙三文魚多士，糖心蛋等等~~ 擺盤真係酒店水準架~ 另一邊仲有泰式鳳爪和藜麥沙律。 淨係呢個沙律吧，已經值回票價~ 食泰國野，點可以無生蝦刺身 泰西生蝦共有2款不同的生蝦，除左平時的泰式草蝦，仲有大大隻的牡丹蝦 體積更大，膠質更重，感覺更高級~ 配埋餐廳的獨家製生蝦汁，超級清新~ 非常醒胃 FENNEL 特色片皮鴨薄餅~ 將片皮鴫絲和醬塗在薄餅上烤，聞起來真係有濃濃的片皮鴨風味~ 更特配有青瓜和大蒽一齊食，完美還完片皮鴨的味道，但又有另一種體驗~ 招牌阿根廷紅蝦扁意粉配青檸紅蝦他他 一次過試哂紅蝦的生和熟口感 蝦肉爽口彈牙，醬汁非常濃郁掛麵，有點像龍蝦汁的味道 加入了辣味，令味覺更醒神~ 能喝的Tiramisu cocktail  超可愛的菇菇造型，白色的自家製奶泡超CREAMY ， 下面是香濃的黑咖啡 不止能打咭，也實在好好味~ 解開少女心事 cocktail  這杯是另一個STYLE，可愛風馬上變成了貴婦風 感覺要穿著晚禮服來喝這杯飲品呢~ 聞著是滿滿的玫瑰香味，入口是荔枝的甜味 以上2杯是COCKTAIL, 但我要求變了成COCKTAIL. 依然非常美味 最期待的甜品時間，也是最開有玩味的甜品時間 迷你的芒果下面墊著糯米飯和芒果片，加上2片葉裝飾　非常討好的外型~ 但好戲在後面  將蛋敲碎，流心芒果汁一瀉而下~ 進食時再倒上椰汁。 非常好玩，也 igable ~ 一定要叫個黎打卡呀~  甜品改良了。不會死甜，很適合香港人的口味 那個蛋殼入口有陣涼涼的感覺，很新奇呀~  這個不一樣的流心芒果糯米飯成為是夜的總結 FENNEL 環境靚，舒服好坐，工作人員亦非常有禮貌 上菜換碟斟水跟得好足  而且食物精緻又美味 好啱約閨蜜黎食飯打卡CHILL 下~