Sally Ngai's Private Heart

天氣明顯轉冷，開始乾，平日用既清爽日霜已經feel到唔夠力，又係轉護膚品既時侯啦 最近轉用的面霜 Amore Puro  抗衰老修護平衡日霜 $440 呢款係一款以Toscana 橄欖油為基底的面霜 Toscana係意大利一個城市，盛產葡萄酒同橄欖油。 橄欖油是一種同人體皮膚最接近的油，被譽為液體黃金。好多牌子都加入了橄欖油黎護膚。 但要留意，只有冷榨初級的橄欖油先係最天然同最純正架。 對於 Amore Puro 而言，比起抗皺，佢地認為抗衰老才是永遠的主題。  而橄欖油是抗氧化的超級明星。經科學研究證明，它的抗氧化功效是綠茶的15倍， 是輔酶Q10的3倍。 Amore Puro 使用的冷榨初級橄欖油就獲得意大利 Toscana extravergine Igp 認證。 證明由來源到生產都是最天然純正。 橄欖油對於皮膚的功效真係多不勝數： Anti-Aging 💗抗衰老 Moisturizing 💗保濕  Whitening 💗美白 Anti-Oxidant 💗抗氧化 Repair 💗修復 Regeneration 💗再生 Smoothing 💗舒緩 雖然係橄欖油既基底，但amore Puro的面霜一d都唔會油淋淋， 搽上面會感到滋潤度極高，而且皮膚會好快吸收， 保濕效果超長。而橄欖油當中的維他命E仲可以抗氧化同紫外光，有極強的防衰老功效。 搽左面霜，皮膚成日都KEEP住好水潤，唔會有乾爭爭的感覺 因為橄欖油的潤滋，家下連面油的出少左呀 如果大家都想試試呢款來自意大利的神級橄欖油護膚品 填妥以下的報名表， 就會寄俾你架啦 🥰 索取Amore Puro試用包裝link: https://docs.google.com/forms/d/e/1FAIpQLSc2--4B0jtUfr_eyltgmZHT0yFmnr8qT4aOUdFz2NDh33Uawg/viewform?usp=pp_url 更多Amore Puro 資料 Facebook : https://www.facebook.com/amorepuroasia Instagram :  Ig:http://Instagram.com/amore_puro_asia/ 產品及資料由品牌提供 如對產品有任何疑問，可直接聯絡品牌查詢 文章只屬個人意見，效果因人而異，只供參考  如要聯絡本人，請電郵至：

黎到灣仔的 Jo Jo Indian Cuisine ，你會一改對印度餐廳的印象 電梯門一開，已經別有洞天 墨綠色牆配上幽雅水晶燈，完全就係西式FINE DINING的場地 一入內就見到好有氣勢的一排酒吧枱 靠窗的一整排落地玻璃，開揚光猛。同平時的印度餐廳黑黑暗暗的感覺不同 最濃厚印度色彩的，就只係牆上的印度掛畫同印度電視，成個感覺係好高級~ 呢度既星期日中午會有印度式BUFFET, 由12點可以坐到3點~ 第一次見識全印度食物的BUFFET呀~ 印度人食最多就係CURRY, 而BUFFET 上就有不同顏色不同口味的CURRY 作為門外漢，實在搞不清邊款打邊款呢~  不過每一款顏色都好靚，陣陣香味撲鼻而來~ Curry 當然要配飯，呢度既飯係大大的一煲，係幼幼長長的正宗印度米  另一邊，有一個廚司主理的位置，同樣放了唔少咖啡同配菜，由廚司即制 印度食物其實都好健康，好多蔬菜配料~ 除左Curry, Buffet 吧仲有印式沙律添~  紅紅綠綠的，非常吸晴~ 食過印度餐的朋友一定會記得呢個印度薄脆 每位人客一坐底就會放低一碟 而呢度既Buffet 就可任食，仲有超多款不同醬選擇~ 綠色的，非常清近，紅色的，似甜酸醬，無辣的，小朋友都食到 除左BUFFET ，呢度仲可以單點 點左呢個MANGO LASSI, 芒果味非常濃郁，仲有粒粒芒果係入面添~ 因為得大小2人，叫左個咖喱雞同印度NAAN ，開始仲諗住要追加，點知後尾都食唔哂~ 呢款Butter Chicken 係印度咖喱入面最少辣的一款，唔好睇佢咁濃色，其實以香味為主。 初初入口真係唔覺好辣，不過食得多先會發現有好輕微的辣味 佢既咖喱汁濃稠度適中，唔係一PAT PAT 好杰個隻，用黎混飯食或沾NAAN 都好適合 (我個人就比較鐘意呢款汁)  雞肉都幾多舊，而且肉好嫩滑 NAAN 係食咖喱一定要有的 剛烤起的NAAN 邊脆內軟，伴咖喱食簡直係最佳伴侶 呢個印式甜品，我第一次食 佢入面係咖喱薯仔，用皮包住，食時可沾白色的椰汁 皮同薯仔都係淋淋的，感覺有D黏口，我自己就麻麻~ 呢度既餐單點都幾十蚊至百幾蚊不等 所以Brunch Buffet HKD 168 真係超級抵呀~ Jo Jo Indian Cuisine  灣仔駱克道37-39號得利樓2樓 2/F, David House, 37-39 Lockhart Road

一踏進Ninety's 的感覺，我係咪去左外國？ Ninety's 的整體設設非常外國優閒風  長長的BAR頭，由入口到伸延至整個餐廳，11 點幾已經坐滿人 另一邊靠窗位置係一整塊的落地玻璃，暖暖的陽光灑進來，非常假日閒適 客人咩國藉都有，大家都好RELAX 地享受呢度的食物，睇報紙，傾計 每張枱一早已放了一瓶放有日本備長炭的水供客人飲用，免費架~  見微知著，呢間餐廳的老闆係一個好有要求的人 做人，要有要求，才會進步，才會越做越好~ 呢度既餐牌簡潔大方，條理分明 分白天和黑夜2款餐牌，再細分為CASUAL 同FINE 及不同食材 對於我呢D選擇困難的人非常好，好易就揀到自己想食乜野~ 老老實實，呢度既食物價錢唔算特別親民, 要百元起跳 但當食物上枱後，你會發覺又真係值呢個價 點俾阿女的Piggy Piggy HKD 168  嘩，靚到唔捨得食呀~ 兩層的全麥漢堡, 中間夾住慢煮豬面肉叉燒，加埋泰式木瓜及芒果沙律， 最後以蜂蜜芥末畫出一筆 一幅精緻又美麗的花草畫就完成了 直頭成件藝術品咁，真係不知從何入手 360度無死角的擺盤絕對係打咭的最佳幫手 每一個角度都係 Igable~ 當然，除左咁靚既外表，入口一樣有保證 微烤的全麥漢堡，一上枱已聞到陣陣的麥香 慢煮豬面肉的叉燒非常嫩滑，夠哂入味，比起食開的叉燒更有特色 雖然是全瘦肉但一D都唔韌，邊個話食叉燒一定要半肥瘦，全瘦都可以嫩滑又香口架~ Holy Crab Benedict HKD 168  又係一道美麗的風景 配合埋餐廳本身的設計牆，真係手殘都影到靚相呀~  呢道風景係由蟹肉餅，全麥多土，2隻水煮蛋再加上芝士，沙律菜而成 蟹肉餅係滿滿的蟹肉，非常鮮甜 估唔到配合Egg Benedict 一齊食又好夾喎 餐廳沒有在枱預放調味料，因為成個餐的調味已經好夾同咸淡適中 無需再加上任何的額外調味了~  除左靚外，每個餐都細心配合了五穀 (全麥)，肉同菜的比例 而且完全無油膩感，非常清新又健康 呢度既咖啡價錢反而較親民，都係HKD 32 / HKD 42蚊杯 但咖啡的水準卻非常專業 每一樣COFFEE 除左揀黑 (齋啡) 同白 (加奶) 外 仲可以揀CHOCO BLEND 和FRUITY BLEND  我揀左CHOCO 的FLAT WHITE  隨咖啡一同上的是藍莓乾，飲咖啡前食一粒，可以增加咖啡的風味 C

天氣轉變，令到最近上呼吸道感染病例大增，小學更開始停止面授。 除左可以打流感針減低感染的機會呀，我覺得增強自身的免疫力更有效 要提升免疫力，除左平日的作息要正常，飲食要均衡 當然食番D補充劑幫助下, 而靈芝孢子就係近年大家熟悉的 :  經現代科學驗證，靈芝孢子含有人體必須的多種有效保益成份，有助身體機能，強化抵抗力，染病機會自然減低。 所以近日我就開始俾阿女食自然良坊出的靈芝孢子 對於小朋友，我覺得食靈芝孢子最適合~ 靈芝孢子係靈芝孢子是靈芝的種子，植物對小朋友黎講係比較溫和的食物 二黎，靈芝孢子粉的味道比較易接受，放落湯度一齊飲小朋友都唔抗拒 大家成日都聽到破壁，咁其實破唔破又差幾遠？ 其實又唔使諗得太複雜 簡單D，幻想下靈芝孢子好似一粒硬殼果，要打開先食到入面既果仁，而打開粒硬殼果就好似破壁咁囉。再者，打開硬殼果都有技巧，有D開到一半，有D開到個殼同D肉爛哂，混成一團 有D開左少少又開唔到。 情況同靈芝破壁技術一樣，要有完善的技術同機器先可以做到完全破壁之餘又可以完整保留入面既成份 早前消委會的測試到市面破壁率半數不足90% 但自然良坊就俾消委會評為100% 全破壁的靈芝呀~ 自然良坊將優質原木生赤靈芝孢子進行「專研激活破壁」處理，使其成份更有效被人體吸收，同時保護孢子內的活性精華。 亦因此自然良坊的靈芝孢子含量至高，每粒280mg，每日食1粒就好足夠 靈芝內含的養份對人體有著大大的益處 :  靈芝多醣體 : 增強抵抗力 / 提升體力及耐力 / 保護細胞健康  三萜類  : 對抗「四高」 /  保護肝臟及心血管健康   內脂及有機鍺  : 保肝排毒、抗氧化  β-葡聚醣  : 平衡五臟六腑  / 活化細胞  對於都市人的長期疲倦、精神差、失眠，唔夠集中力，壓力緊張都有非常顯著的功效 並且可以保持血脂及膽固醇健康，保護肝臟健康， 調理身體機能添 有D朋友大病初癒，或做完手術後，都可以服食溫和的霝芝孢子黎調理番架~ 普通保健的話，每朝飽肚後食一粒就夠  體弱的話可以食2次，每次1粒，記得都要飽肚食  (建議早上/中午服用)  接受化療前後人士就要每日3次，每次3至4粒，飽肚服 1-12歳小朋友就用量減半，飽肚服 未識吞藥丸的小朋友，就可以拆開膠囊，將精華加入湯、兒童食物或蜜糖水沖服 要遠離疾病，自己就要先打好個底， 增強免疫力 細菌就無咁易埋身架啦  「自然良坊」專

秋涼，最啱搵到露天地方，吹下風吃個飯， 我發現原來身處官塘呢D咁人煙稠密既地方，都依然可以有呢種秋風送爽的享受 係APM 鄰接的港貿中心既2樓，我搵到一間超有FEEL, 好食又抵食既泰式串燒  餐廳分別有室內和室外 不過基本上室內的枱櫈都已經移哂出室外啦~XD  一行出室外，已經有種超級開心的感覺，好似去左旅行咁 平台的範圍都幾大，放左成十張枱不止，仲要每張都隔得開開的 無帳篷呢邊更加清涼舒服  我仲好幸運地見到剛新置既搖搖椅呀，又係必影打咭位啦  呢一邊加強風味的，竟然有部生啤車，即刻添加唔少氣氛 仲有買一送一既優惠都異常吸晴呀 咁的確，啤酒同串燒又真係好朋友，HAPPY HOUR係嘆番杯，食2串串燒，真係好爽 呢度既環境超級正，估唔到價錢都超級貼地 串燒十幾廿蚊一串， 串燒比想像中，而且一次過就上哂枱了 串燒整體黎黎講個味調得唔幾錯。唔會超級咸 而每一款串燒都食到食物本身的味道或者不同醃製的味道 唔會食到款款一樣味~  雞腎好大塊，唔係碎濕濕個種 ~ 而且火喉拿捏得幾好 有燒烤味而又唔會燶~ 推介  呢個牛舌堅厚燒，咬落口成個牛腩咁 雖然厚牛舌唔同薄牛舌咁爽口，但又另一種肉肉的質感 愛食肉的朋友會好滿足~ 我好鐘意食台式香腸，但係屋企好難整到，因為台式香腸真係要燒先好食架~ 香腸剪開幾個，燒到燙口，未入口已經聞到陣香味~ 雖然都知係來貨，但燒得好食又係另一回事 好推介呀~ 呢個雞脾菇非常厚切，調味仲非常好，可惜燒得未夠熱，扣左小小分 希望店鋪留意下，令呢個菇菇可以攞到滿分~  另一個我好鐘意食既串燒就係韮菜~ (其實所有韮菜既食物我都超LIKE)  呢碟韮菜係我已經食左成半後先記得影~XD  份量好多，而且韮菜夠嫩，唔會食到成日渣 調味都要讚下，非常合我口味~  隨串燒上的還有呢個泰式醬，我都係食到中後期先發現遺漏左佢 但估唔到呢個泰醬超級好味，佢好似新鮮調製咁，有好清香的香草味，非常醒味蕾 可惜每串串燒都有自己的調味，所以我都無點太多。感覺好浪費呢個醬呀~  或者下次黎食生蝦就可以大派用場了~  除左串燒，呢度仲有唔少食野~ 泰式香辣雜菇炒蜆 蜆唔算係超大隻，亦有大小不一，不過全部都好新鮮飽滿，而且無沙 香辣汁係清新的泰式辣，開始食唔算好辣，不過食食下香辣味就會係口腔縈繞 食泰菜，泰式特色飲品一定要 因為可以止辣~XD 叫左呢個咸檸七~ 上枱時唔見平時的青檸既