發表文章

目前顯示的是 6月, 2018的文章

抵食,好食,舒服食~ 鳳城酒家

圖片
話說,我係尖東做左咁耐野,都唔知呢度有間鳯城酒樓 某日同事講起,先知 因為係地庫,所以要行一條長長的樓梯落去 其實呢度係2間店定一間店,定一間店2個名,我都搞唔清~XD  ANYWAY 兩間都係老字號品牌,都係好野黎啦~ 雖然係老字號,但入面既裝修一D都唔老喎 唔知係咪新裝修過呢。 開初一直以為呢D老字號,又係尖東呢D遊客地方 仲要時值LUNCH 時間,價錢應該都唔平架啦~ 點知........ 係估唔到咁抵 一個麵餐都只係40蚊~  仲有特價點心$16.8 $18.8 ,官塘區既酒樓都無咁平呀~ 另一個更抵既係HKD 168 套餐 2款小食 / 一款炒粉麵 / 4款點心 竟然咁抵,就要試一試佢啦~ 點心叫左蜜汁叉燒同菜 (是日其實得2條友)  雖然係小食,但估唔到咁大碟 同平時既例牌一樣咁多呀~ 蜜汁顏色有光澤,好吸引,望到都覺好食~ 叉燒用左全瘦,雖然有少少嚡,但唔韌架~ 蜜汁真係好好味喎~  菜都好食,呢樣真係無呃你 菜灼得好爽口,又翠綠,加少少豉油,非常新甜~ 豉椒涼瓜炒麵,呢味餸真係好懷舊 因為係老人先LIKE 食 (XD)  但我呢幾年真係愛上左食涼瓜呀 尤其係呢種炒到剛熟,仲好爽口的涼瓜,基本上我自己可以食哂成條碟既涼瓜 不論涼瓜同排骨都鋪得滿滿的,絕對無近年"物價貴,樣樣得細細"的壞習慣 麵底係炒到香脆,夠鑊氣。雖然淋上了汁,但上到枱仲有脆脆的口感 呢種軟中又帶脆的麵條絕對係食炒麵的精髓~ 當然,仲要讚一讚那個豉汁,份量剛好,唔會淋泡個麵條 亦唔係成PAT 漿的麵粉水~ 點心共有四款  上湯炸粉果 真係超級懷舊點心,唔係好多地方有得食,有得食都唔平~  粉果炸到好靚,堅係金黃色~ 個皮仲好鬆化 入面爆多蝦肉~ 似蝦餃多D~ 食個時仲有個上湯過下冷河架~  炸春卷 同樣炸得好靚,外皮金黃,入面甘甜 春卷其實都有好多種 有三鮮, 有鮮蝦 而呢隻春卷就係傳統兒時的味道

升級版令免疫力再升級 ~ULTIMUNE Power Infusing Concentrate 2018

圖片
翻查紀錄,原來我由2015年已經開始用 Shiseido 的 ULTIMUNE Power Infusing Concentrate 啦 2015年回顧 2017 年回顧 唔經唔覺,黎到今年第4年啦~ 2015年時用完整枝ULTIMUNE Power Infusing Concentrate,個排既皮膚都好多 2017年 ULTIMUNE Power Infusing Concentrate出左 75ml,更大枝更抵用 黎到2018年,ULTIMUNE Power Infusing Concentrate 更推出了升級版 早前,我就到了位於尖沙咀的 Shiseido Beauty Centre 做了一次皮膚免疫力測試結果 之前去開銅鑼灣既CENTRE,今次係第一次黎尖沙咀 地方好大,仲有超多Shiseido的產品可以慢慢睇~ 其實今次黎做呢個測試,我都已經打定輸數 最近皮膚敏感,雖然已在改善中,但仍須努力 加上最近阿女考試,我既壓力更大 皮膚的質素真係有幾差得幾差 皮膚免疫力測試會根據以下的幾方面黎測試 水份 / 彈力 / 色素 / 多重防禦力 將部測試機放係眼對下同鼻翼位的中間點 雖然,我都知狀態不太好,但估唔到係差到咁囉~@@  水分多重防禦力只得中下,尤其水份,更跌至新低點~ 稍有安慰係我彈力指數算良好 (可能同我呢排成日用部彩光美顏儀有關~XD) 黑色素部份就中間啦,有好多黑色素,不過未浮上黎咁解~XD  美容師仲幫我測埋眼周的防禦力,都係 NO EYE SEE 啦~ 成績差到咁,真係枉為美容逹人 回家即刻開呢枝升級版既ULTIMUNE Power Infusing Concentrate黎即用啦~ 新升級版最易認係個蓋多左條銀色邊~ 唧唧咀由白色改做紅色~ 新升級的ULTIMUNE Power Infusing Concentrate  顏色都係奶白的乳液精華狀 但比舊版更幼滑,感覺更易吸收~ 期待我努力一個月後既成果啦~ Shiseido Ho

花園中的魔膳~

圖片
呢間位於APM 旁的工廠廈食肆 好耐以前曾經光顧過一次 但家下好似轉左名,連裝修都改埋,一於再去試試 門口加了呢D好有童真的裝飾,覺得好得意 整體感覺UPGRADE 了! 沿住一條掛滿畫的樓梯上到黎,門口好有進入森林之意~\ 魔膳廚房 MS KITCHEN 裝修過係唔同D,畫左好多得意既畫,成個感覺好有藝術感~ 成個場有情調得多了~ 加埋D花花草草,好似在花園中進餐 另一邊感覺有少少唔同,好有歐洲FEEL~  總括而言~ 呢度都幾大,幾好坐 餐牌選擇都唔少,是夜DINNER SET 加38蚊可以食埋任食沙律吧~  有個好特別既神秘晚餐,玩意度十足~  是夜一家3口,叫左呢個二人餐和一個兒童餐 每人加18蚊就有任食沙律吧~  沙律吧選擇唔算多,但望落乾淨企理 蔬菜賣相不俗 另一邊係混合的沙律,仲有小朋友至愛的啫喱糖~ 仲有呢D日式的前菜 沙律有蘋果醋可以加,醋味唔錯,甜甜酸酸,入面真係有好多蘋果粒 沙律菜未啤夠水,有少少苦味~~  湯叫了一紅一白 紅湯普通,茄膏味太重,反而蘑菇湯反而有驚喜 有粒粒磨菇蓉係入面,食落好香磨菇味~  忘了拍照的送湯餐包,超級鬆軟好食,一定要試~ 前菜的法國焗釀田螺 個汁幾惹味,配田螺和薯蓉食都好夾~ 田螺沒有了殼,黑黑的一團,賣相麻麻,也不能叫"釀田螺" 不過我都明有殼既成本好高~  或者考慮下將田螺放埋入薯蓉度~ 田螺其實都幾大隻,都有D咬口,唔係霉霉入口即散個D~ 兒童餐,阿女好開心 小朋友就是鐘意有自己專屬既野~ 仲有一大盒啫喱食添~ 意粉幾重蕃茄味,酸酸的,很開胃~ 腸仔用上了德國腸,成本高呀 (要知道這個兒童餐先48蚊)  扒大虎蝦龍蝦汁扁意粉 2隻大大虎蝦幾乎霸左成面盤面~ 燒得香香,肉唔乾~ 中間割開,方便食~  但那個龍蝦汁味道唔太濃,但質感膩口,建議用橄欖油加蒜片炒 仲啱呢個悶熱的夏天~