花園中的魔膳~
呢間位於APM 旁的工廠廈食肆
好耐以前曾經光顧過一次
但家下好似轉左名，連裝修都改埋，一於再去試試
門口加了呢D好有童真的裝飾，覺得好得意
整體感覺UPGRADE 了!
沿住一條掛滿畫的樓梯上到黎，門口好有進入森林之意~\
魔膳廚房
MS KITCHEN
裝修過係唔同D，畫左好多得意既畫，成個感覺好有藝術感~
成個場有情調得多了~
加埋D花花草草，好似在花園中進餐
另一邊感覺有少少唔同，好有歐洲FEEL~
總括而言~ 呢度都幾大，幾好坐
餐牌選擇都唔少，是夜DINNER SET 加38蚊可以食埋任食沙律吧~
有個好特別既神秘晚餐，玩意度十足~
是夜一家3口，叫左呢個二人餐和一個兒童餐
每人加18蚊就有任食沙律吧~
沙律吧選擇唔算多，但望落乾淨企理
蔬菜賣相不俗
另一邊係混合的沙律，仲有小朋友至愛的啫喱糖~
仲有呢D日式的前菜
沙律有蘋果醋可以加，醋味唔錯，甜甜酸酸，入面真係有好多蘋果粒
沙律菜未啤夠水，有少少苦味~~
湯叫了一紅一白
紅湯普通，茄膏味太重，反而蘑菇湯反而有驚喜
有粒粒磨菇蓉係入面，食落好香磨菇味~
忘了拍照的送湯餐包，超級鬆軟好食，一定要試~
前菜的法國焗釀田螺
個汁幾惹味，配田螺和薯蓉食都好夾~
田螺沒有了殼，黑黑的一團，賣相麻麻，也不能叫"釀田螺"
不過我都明有殼既成本好高~
或者考慮下將田螺放埋入薯蓉度~
田螺其實都幾大隻，都有D咬口，唔係霉霉入口即散個D~
兒童餐，阿女好開心
小朋友就是鐘意有自己專屬既野~
仲有一大盒啫喱食添~
意粉幾重蕃茄味，酸酸的，很開胃~
腸仔用上了德國腸，成本高呀 (要知道這個兒童餐先48蚊)
扒大虎蝦龍蝦汁扁意粉
2隻大大虎蝦幾乎霸左成面盤面~
燒得香香，肉唔乾~ 中間割開，方便食~
但那個龍蝦汁味道唔太濃，但質感膩口，建議用橄欖油加蒜片炒
仲啱呢個悶熱的夏天~
值得一讚是意粉裏的小露筍，很嫩很鮮~
極上和牛漢堡配薯角
以懷舊報紙墊底，很有美國風味，心思一讚
更跟隨傳統送上了沙律和汁
但那個沙律，其實不太吸引，我自己覺得可以唔使上
跟番個茄汁仲好~ (食薯角點可以無茄汁呀)
整個餐份量都幾大~
薯角炸得香脆~
漢堡飽片和底烤過香脆鬆軟~
可惜和牛扒煮得過煮，有D嚡，也沒有JUICY 的感覺，浪費了~
跟餐的2個甜品
賣相也很精緻，而且份量也大，不是迷你SIZE
士多啤梨CAKE ，還可以，不太甜~
另一個則不論賣相和味道也好多了~
這個咖啡慕斯咖啡味很突出，而且也不太膩~
整體感覺其實不差，但每個地方都好似差那一點點，
期待下次光顧會變得更好
魔膳廚房
MS KITCHEN
觀塘開源道77號業發大廈一期2樓D室
文章只屬個人意見，只供參考
如要聯絡本人，請電郵至： smonkichi@hotmail.com
Fanpge : www.facebook.com/smonkich
Instagram : https://instagram.com/smonkichi/
留言
張貼留言