Sally Ngai's Private Heart

近年流行礦物粉 因為感覺天然，無咁傷皮膚，可減少敏感的情況 而且化妝之餘仲可以護膚~ 今次就試用左呢 Jane iredale  Amazing Matt 控油定妝蜜粉  ($390/10g) 唔講唔知 Jane Iredale 係全球首個礦物彩妝品牌 所出產的礦物粉更屬天然醫療級, 控油定妝蜜粉共有三色~ Forever Pink/Peach/Red/Amazing Matt 而我自己就鐘意自然D，所以就揀左 AMAZING MATT 控油定妝蜜粉內含米粉有效吸收油脂, 輕輕鬆鬆掃除油光及定妝, 亦含紅石榴及松樹皮精華等， 令你有平滑乾爽的感覺, 而唔會令皮膚變得缺水乾燥 加上有高抗氧化物, 控油同時抵抗紫外光傷害, 定妝後有柔焦效果 (Soft Focus) 打開蓋後發現有兩層膠紙封口的 其實想控制粉量，可以刺穿第二層膠紙，減少倒出黎份量 不過我個人比較心急，所以會2張撕走啦~, 一次過倒多D出黎~XD 不過撕既時候要小心呀，唔係好易變左我咁，倒瀉好多XD 將D粉搽上手既第一個感覺係 好滑呀~ 粉感好幼細，絲滑~ 雖然咁滑，但放心，品牌絕無加入任何滑石粉之類的~ 推混後見到個粉係好薄，好貼，但又明顯FEEL到滑左好多，就好似加左SOFT LENS咁 而且我最鐘意佢色澤係MATT 色，無加入任何的閃粉  唔會令到塊面唔知係光定油~ 建議搽蜜粉時最好先倒D出黎係紙巾度，再加大掃沾上勻上面 咁個粉就更透薄，更均勻 平時我都會薄薄搽一層BB CUSHION, 搽完後塊面會有少少痴立立 再加上呢個定妝蜜粉就PERFECT MATCH 啦~  佢唔單止唔會加厚粉底，而且令到塊面望落去更加滑~ 當然，亦都更加清爽啦~  搽上定妝蜜粉後的皮膚變得滑滑的 遠睇更加有效果 就好似幫皮膚加左柔焦鏡咁~ (美圖獸獸都唔使用啦)   以前試過某牌子的礦物粉，雖然都話係控油，但搽上後感覺成塊面既水份好似被抽干咁~ 但Jane Iredale 呢款礦物粉絕對無呢個問題，只係感覺成個妝都完,整了~

係天文台圍見到呢個招牌 但其實要行到差唔到上頂~唔識路真係有D難搵~  呢間野其實係酒店隔離，要上二樓  上次黎係朋友帶，坐房，好有VIP的感覺。 今次坐大廳，感覺又有D唔同。感覺似番中菜食飯。地方都幾寬落 話明海鮮，當然要有番D排場，  有游水的，有冰鮮的~ 好鐘意食呢度既小菜 酥炸墨魚頭  HKD 98  墨魚頭炸得金黃，面上灑左D味粉吊味 入面的墨魚頭爽口彈身~最鐘意係唔係成粉頭咁~ 避風塘炸茄子 HKD 48 脆脆的脆漿包住炸得熟透的茄子，唔會成口粉皮 而且茄子一D都唔油膩，唔會食到成口油~  招牌拔絲咕嚕肉 HKD 128  一層好脆的皮包裏住咕嚕肉，外脆內軟~同坊間沾炸粉的咕嚕肉好唔同 呢個更係得奬菜黎，我覺得好實至名歸~ 黎呢度一定要試~ 講得係海鮮飯店，當然要食番海鮮啦~ 蒸海鮮，料係最緊要，呢度既食材絶對無欺場~ 花竹蝦 260蚊半斤 淨係個賣相已經好聲奪人，我朋友話D蝦好似爬緊上黎咁~XD  蒸熟既蝦隻隻鮮紅有光澤，雖然話係斷斤計，但隻隻都係咁大隻架~ 因為好新鮮，蒸熟既蝦隻隻肉都好飽滿，爽口彈牙~ 黑松露蒸水蛋 真係要讚一讚阿姐的功力，D蛋蒸到滑一滑，個面成塊鏡咁~ 雖然係用深碗蒸，但蒸到個熟哂又唔嚡，好勁呀~ 配合埋黑松露醬一齊食，蛋味令黑松露更香~蛋既滑配合黑松露既香，無論口感同味覺都絕佳~~ 第一次食呢隻沙包蜆 HKD128/ 斤 雖然無蝴蝶蜆咁爽，但內質飽滿鮮甜 南非鮑魚 HKD 80/隻 以蟲草花配合鮑魚黎蒸，好似已變成指定動作 開始有D悶悶地 鮑魚已經洗淨剖開，仲界埋花添，所以好快就熟 而且熟得黎一D都唔嚡同韌~ 紐西蘭蟶子王 HKD 78/隻 蟶子王佈滿了金銀蒜一齊蒸，好夠味道 雖然咁大隻，但依然鮮甜嫩滑~而且最緊要，無沙的~XD  冬菜馬友 HKD 198  話說馬友做咸魚就食得多 但咁樣蒸法都係第一次食 原來馬友的質感本身已係實的的個

 童話入面既公主，永遠都係樣靚身材正 所以王子都係一見鐘情  外貌呢，雖然化下妝就已經好大改變啦~ 不過要真係執靚就真係有D難度 身型雖然唔係話變就變~不過比起樣，反而可以靠後天喎~  其實好多香港女仔都唔係叫肥，不過可能因為成日坐OFFICE，就出現左OFFICE 身型囉~ 即係手臂鬆，腰粗，肚腩大，腳腳腫，啤梨身型~ 呢D OFFICE 身型，冬天著衫或者可以遮到下 但一到夏天就無所遁形 到時有男神約你去 BOAT TRIP ，唔通打哂底先去咩？ 想改善呢D OFFICE 身型，除左做下輕量運動外，仲可以加入一D精華去幫助你~  COLLISTAR 就推出左呢款夜間減肥精華 升級版晚間纖體精華 ANTICELLULITE SLIMMING SUPERCONCENTRATE NIGHT WITH CELL-NOCTURNE® SYSTEM AND SEA SALT $530/200ml 特別針對頑固脂肪，水腫問題及橙皮紋 精華配方中的革命性成份Cell-Nocturne System®充分利用生物節奏特點，發揮消脂和纖體的雙效功能， 促進排水、分解脂肪及抑制脂肪積聚，讓女士輕鬆塑造完美的身體線條 Cell-Nocturne System® 含有四大成份，逐一擊退頑固脂肪 ： Sea Salt 海鹽 : 離子滲透效應，促進排水 Caffeine : 促進脂肪分解及排水 Nocturneshape® : 減少脂肪堆積，促進膠原蛋白合成 Coral Alga 珊瑚藻萃取物 : 抑制脂肪累積，促進膠原蛋白合成 成枝精華有成200ML，其實都幾多 泵裝設計，方便控制份量~ 精華同樽身一樣，都係淡淡的海藍色， 配合淡淡的清新香味，好舒服，好寫意，好浪漫~  雖然佢係精華，不過質地並唔係想像中咁輕薄 而係有少少質感的，不過感覺很絲滑易推 搽完後其實亦都無想像中咁清爽，有少少立立地，因為方便配合按摩 每晚只須泵幾滴，係有需要的地方推開，打圈按摩~ 如果係肚的話，建議要向同一個方向打圈按摩，咁樣唔單止可幫

最近去左一個短TRIP, 一個長TRIP, 攰到個人死左~  最煩係去旅行時遇著姨媽到~  行成日，又熱又出汗又谷住 好彩我帶埋 BETADINE ® 去旅行~XD  講緊既係BETADINE® 全新女性潔膚液 擁有45年歷史的BETADINE®，致力與現代女性並肩同行，以科研為本，專注為女士們研製有效的女性衛生潔膚系列。 BETADINE®的全新女性潔膚液全部都係德國製造 而且含有多種天然及專利成份，幫助女性解決說不出口的煩惱 專利的 Tri-Care™ 3重極致呵護配方，專注解決現代女性的3大困擾，包括細菌滋生、痕癢及異味，經醫學證明可去除引致女性不適的有害細菌及真菌，讓女士們時刻保持自信清新 蠟菊 - 法國品牌Loccitane 有一系列的premium line系列都含有蠟菊，蠟菊有「永恆之花」的美譽，是一種來自地中海的草本花卉。它不但有著不凋謝的奇妙特質，更具有天然治療及防菌效用 Deoplex® - 萃取自有機植物，有效中和異味。  Syricalm® - 有助舒緩肌膚發紅、減低肌膚受刺激的機會，平衡皮膚的天然保護層。 BETADINE®的全新女性潔膚液有2種不同的質感 第一隻就係平時用開的液體狀 樽裝女性潔膚液就連個樽既造型都好FIT手位， 沖涼時就唔怕滑落地啦~ 潔膚液呈透明的質感，有少少近乎GEL狀，滑滑的~  不過加水後並唔會起很多泡泡 因為BETADINE®的女性潔膚液不含肥皂、唔會刺激皮膚 當然，亦都不含對肌膚有害的化學物Parabens及色素~ 用在手上會感覺滑滑的，感覺很滋潤~ 以前有用過唔同牌子的女性護理液，有D就洗完干爭爭， 有D洗極都好似唔干淨咁~ BETADINE®就極易清洗，而且洗完後亦唔會有乾燥感， 而係感到有一層薄薄的保護膜咁~ 因為潔膚液配方中含有Prebiotics (益生元) ，能滋養和增長敏感部位的原生保護，成分天然溫和， 適合日常使用，包括月經期間都用得~  除左上面介紹的透明液體裝 BETADINE®更首創泡沫泵裝女性潔膚液，省卻乳化過程