發表文章

目前顯示的是 6月, 2014的文章

價錢相宜的米芝蓮台式牛肉麵~

圖片
變型金剛第4集令到熱潮又係香港興起 德福廣場第2期就係唔同既地方都放左變型金剛4 既宣傳 呢個大型展版夠哂壯觀啦~ 加埋細細粒既阿阿囡係前面,更加有氣勢呀~  就算係走廊既通道頂都唔放過~ 有狂派同博派~ 阿囡見到呢個話好驚 ,唔敢睇呀, 可想而知而迫真~XD 到啦, 到啦~,終於入到去見到大黃蜂啦~ 真係好大隻呀, 隻眼仲識發光架, 阿囡開初有D驚 之後同佢講係好人黎, 專打壞人, 佢先笑番~ 平時行商場, 都只係見到D女仔係度舉機影相,  不過因為呢隻大黃蜂, 好多男仕都爭住拍~~場面都幾搞笑~ 行完就緊係要醫肚啦 咁啱見到呢間新開無耐既 <<小王牛肉麵>> 咁啱又係台灣野既~XD 雖然上次先食完無耐, 不過, 台灣野我係唔會厭的~XD  一於再食~ 係攞飛後先睇到原來又一間米芝蓮推介~ 香港真係多美食到咁~XD  裝修新潮中又帶D傳統既味道~ 有濶落既四人卡座~ 同埋靠邊既枱~ 牆上既圖案, 應該係一碗麵架一對筷子黎~幾得意~ 睇番點菜紙,有2款限量麵, 仲要唔平添, 168蚊一碗牛肉麵, 真係唔知係邊呢~(又無相睇~><) 我都係食番最普通既牛肉麵先~ 呢個係半根半肉麵, 識食既, 當然要食粗麵啦, 即係好似手切麵咁 份量都可以, 根同腩就每款大約2舊度~ 根同腩都好入味同好腍 湯底都好濃郁, 有D似肉骨茶既味道~有少少中藥味~ 配合粗麵一切食, 非常配合~ 另外亦叫左一個牛肉麵, 但原汁牛肉麵 估唔到呢款牛肉又有D唔同~ 同半根腩既牛肉應該是2個唔同部份, 一個係骨腩位, 個係肉腩位~ 而呢款既牛肉比半根腩更腍同更滑~口感完全唔同~  有咬口要揀半根腩, 而想腍滑就要揀呢種~ 兩碗麵既精髓都係呢D跟麵上既配菜, 酸菜~ 酸酸辣辣,雖然佢個樣唔似辣,但真係辣架~ 如果怕辣人仕就要分開, 唔好混埋一齊食~不過我就超鐘意, 令到成碗麵既味道都提升哂~ 台式野,當然要食滷肉飯~ 呢個滷肉飯分量都幾大,好多飯~

神呀, 請給我一分鐘~ SAMPAR瞬間修飾除紋啫喱

圖片
不久前有一隻品牌突然大熱~ SAMPAR 可惜, 一直都有機會試 要吧就不試, 就吧, 就試佢既皇牌吧~ SAMPAR Glamour shot  瞬間修飾除紋啫喱 $480/30ml 一直以黎都有個美麗的誤會, 以為呢個係韓國既品牌 但原來SAMPAR2003年在巴黎創立的年輕品牌, 但於近年突然迅速冒起攀上全巴黎Sephora最佳銷售美容品牌第十二位。 創辦人Patrick Sounigo本是執業醫生,致力鑽研另類療法,將研究成果與醫學美容結合。品牌現時在全球有超過1,000個銷售點,去年更成功進軍韓國,創下一億韓圜驚人銷售額。 只需 1 分鐘: - 瞬間撫平細紋 - 瞬間收細粗大毛孔 - 瞬間淨化不均膚色 - 瞬間呈現啞緻美肌 功效: - 即時提升鬆弛肌膚,同時撫平細紋 - 收細粗大毛孔,能使肌膚更顯完美細緻 - 改善暗啞膚色及泛油現象,啞緻無瑕肌膚即時呈現 - 只需 1 分鐘便可將肌齡凝止, 令肌膚回復無瑕完美質感 由於產品成分天然、不含防腐劑,所以花很多時間改良包裝以保持新鮮。 用真空方法注入材料、按壓式設計令精華素不會沾到空氣等,使用方便 不過可能真係好天然, 味道有D刺鼻, 都有D難頂~XD 產品有一個叫URBAN ADANCE COMPLEX 的專利技術 利用天然既植物精華去抵抗現今社會的有毒物質~ 防止外界對皮膚造成既污染~ 以下既資料由網上搵到~  係咪可以阻隔到就真係好難去證實 不過搽上面後的確好似變成一層保護膜咁係皮膚上面 相信對於隔離有害物質係有幫助~ 名叫除紋啫喱,但唧出黎既質地則介乎乳霜狀同啫喱~ 仲有少少珠光色添~ 推開後感覺似豬油膏~( 唔使驚, 似者~)  因為佢既展延力好強,少少已經可以推開好大範圍~ 同埋, 只要搽薄薄一層就可以, 所以, 基本上每次用既份量真係好少~ 左面未搽 VS 右面搽左~ 成隻身背即刻平滑哂~

程班長台灣美食

圖片
本來諗住到荔枝角新開的食肆大廈試一試,誰知入內冷清清地, 馬上走人~ 上OPENRICE 搜尋附近的食肆,發現左呢間~ 程班長台灣料理 開在舊式工廈大廈,  個度咁多工廠大廈,好彩朋友識路者, 唔係都唔知點搵~ 門面嘛, 那個金色字體實在有點兒老~ 我想係要跟著台灣老鋪的設計罷 這樣反而更好, 實實在在, 唔使食裝修~ 下單是寫在一塊過膠的紙在上面, 之後自己去俾錢 攞個牌號返黎等佢送餐~ 過膠既紙可以抹去再用, 非常環保, 好欣賞~ 餐前小食方面有傳統食開既滷水( 我叫左蛋, 豬耳, 豆腐) 都好入味,而且味道好好 台灣泡菜, 唔知係咩, 其實係酸既黃牙白,幾開胃,  薄餅都好香口同脆 反而紅油抄手既皮好厚, 拿埋一舊,無左"金魚尾" 不過醬汁OK 個荀絲滷就最遜色, 可能為遷就香港人,荀絲洗得太過,味道淡口了很多 而且煮得太軟了, 爛爛地, 我們每人只試過便收手了~  牛肉麵都有分兩隻 清燉牛肉麵 : 味道真係幾清,肉都偏瘦, 至於D 人話既油膩我覺得可以接受, D麵加上D油特別滑~ 紅燒半筋半肉麵 : 味道濃郁好多,有少辣,我鐘意呢個湯底多~XD, 特意揀左半筋半肉, D筋軟腍適中,咬就開了,又唔會太過腍PAT PAT~ 兩者都用左我最愛的寬條麵, 煙靭彈牙 不過如果鐘意食淋D既下單時就要講定~ 滷肉飯味道好好, 唔會太濃,肉都唔會嚡口 便當因太飽食唔落了, 不過朋友話舊面筋好咸~重手了~ 刈 (讀者 艾) 包, 又叫虎咬豬 之前係台灣都無食過 估唔到反而係香港食到XD 一食入口有好香既芫茜味~(如果唔食個D人就好憎囉~XD) 之後就有D 好似酸菜既物, 同埋一PAT 好似紅糖既野~ 加埋滷香左既豬排, 咸咸地, 酸酸地, 而個PAT紅糖仲將滷豬扒既香味提升添~ 加埋個唔知點解咁軟熟既包~ 其實,我好鐘意食佢喎~ (不過尼個包,真係人夾人,因為係D好古老菜既味道,我D朋友就覺得有D怪~) 同場加映既係冬瓜茶,感覺普通,賣相麻麻,不過因為同埋D野一齊食, 又OK,  同埋,跟餐有得加錢換嘛~XD 叫左2轉,叫到成枱都係 但四個人每人都係一舊水,

去廁所都要有要求~ Andrex 皇冠濕廁紙

圖片
有個同事既女兒, 小小年紀患上了尿道炎, 要食一段很長時間的抗生素~ 所以, 事後的清潔步驟真的很重要~ 一直以來, 我們都習慣只用乾廁紙, 其實大家都知廁紙的清潔度有限~ (公廁既廁紙仲好多菌添~ ><)  日本,韓國都出了很多沖PAT PAT 的廁所 但這個在香港還未流行 於是, 我們要自己諗方法~ 好彩皇冠幫我地諗多一步  Andrex 皇冠濕廁紙 Moist Bath Tissue 產品全部由韓國製造~ 即刻好韓風添~XD 產品有40片的膠盒裝同補充裝~ 呢個膠盒設計真係一流 唔單止單手一按即彈開, 而且單手拉扯紙巾出黎都好干淨俐落~ 原來盒蓋有個軟膠狗牙既開口 唔掛得咁好拎啦~ 隨盒仲隨送埋一個勾可以將個盒掛牆添, 真係好細心~ 登登登,主角出場啦~ 就係呢塊半透明既印花濕紙巾~ 薄得黎亦好有彈性, 唔會好易穿~ 呢塊濕廁紙並唔是想像中咁濕, 唔會水滴滴~ (當然, 其實太濕只會將污糟野由一邊帶去另一邊,係抺唔到走架)  SIZE 比平時用既紙巾細三分一 其實呢個SIZE 已經好夠, 啱啱好~唔會太大塊造成浪費~ 濕廁紙由淨化純水製造, PH 5,5 最重要係不含酒精, 唔會有刺激性~! 當中仲加入左唔少天然成份,可以保護皮膚 最特別是加入左蓮花香氛,可以有助中和臭味架~ 不如睇下佢既潔淨力~! 等我用一D 化妝品黎試下先~(唔係你覺得會用咩呀~HAHA)  手上有粉底, 防水眼線, 眼GEL, EYE CREAM etc  用紙巾一抹,粉底個D都抹走哂, 係防水眼線呢D仲未清到 (當然啦, 佢都唔係卸妝紙, 話卸得哂都呃你啦~XD)  只係用黎俾我地事後用其實已經好夠啦~ 呢隻濕廁紙最特別是可以丟入廁所一齊沖走~ 等我地做個測試 一濕水, 其實紙巾已經開始溶化 再濕水, 已經溶左一大半~ 所以, 絕對唔怕會塞廁所~ 掉落廁所, 一沖就走左啦~ 絕對干淨俐落~ 唔怕瘀塞~

畫出自我態度~ shu umeura 全新眼妝產品系列

圖片
shu uemura 每一次的新產品永遠都咁令人有驚喜~ 平時我地化妝都好注重眼部 今次shu uemura 就出左一系列以眼部彩妝為主的化妝品~ 不過, 係化妝前, 先要為眼部皮膚打好底~ 全新TSUYA 光感新肌眼部精華 HKD  HK$380 TSUYA 光感 係植村秀科硏中心精心硏發TSUYA光感新肌眼部精華, 對改善眼周肌膚平滑、光澤、柔軟、彈性、緊緻、黑眼圈及皺紋等問題具卓愈功效 尤其亞洲人的年歲漸長令眼瞼的肌膚彈力漸失,導致鬆弛,而睫毛向下彎曲更令眼睛顯得疲乏,眼形更覺細小,神采不再 TSUYA 的光感新肌眼部精華就可以幫助眼部肌膚, 有助根除眼型變小的成因,帶來顯著的護膚功效,同時提升眼妝效果 眼部精華的質地較質滋潤,而且質地亦較厚~ 而且更帶有珍珠的光澤~ 搽上皮膚後有即時既打亮效果~ 而且質感幼滑, 亦好好推~ 搽眼霜時亦可以用作按摩膏之用~同時按摩眼部~ 搽上眼霜後眼部皮膚即時被打亮, 瘀黑位亦減淡了~ 除左護膚,眼霜仲可以幫助之後搽上的眼部化妝品 令化妝品更貼服, 更出色~ 持久啫喱眼線筆lasting soft gel pencil 2 色調, HK$200 ( 黑,啡2色) 呢枝啫喱眼線筆其實在之前都已在用~ 出色很好好, 顯色度高~ 鉛筆般輕鬆描畫,啫喱般柔滑持久 輕易畫出精確持久分明的眼線,是初學者的必備妝物 防水度亦很高~ 不過防油度一般,解決方法就係係眼部皮膚搽上干粉, 保持眼部皮膚干爽 全新豐盈捲曲睫毛液 petal lash mascara  $240/4.5g 一開蓋就有淡淡愉悅的櫻花花香 令搽睫毛都變成一種享受~ 粉紅色花瓣弧形睫毛掃,  亞洲人的眼睛而設計 掃頭由細到大, 配合由眼頭既細少睫毛到眼尾既長睫毛~ 嶄新刷毛不但薄身,而且不同部份分別呈方形及圓形,弧度獨特,輕易操控 流暢地掃出豐盈大眼效果。 只須輕輕掃幾下,睫毛馬上長一倍。 猶如花瓣般輕盈的配方,極致捲翹效果,長效防水,24小時持久不脫色,整齊分明的美