價錢相宜的米芝蓮台式牛肉麵~

變型金剛第4集令到熱潮又係香港興起

德福廣場第2期就係唔同既地方都放左變型金剛4 既宣傳

呢個大型展版夠哂壯觀啦~
加埋細細粒既阿阿囡係前面,更加有氣勢呀~ 

就算係走廊既通道頂都唔放過~


有狂派同博派~


阿囡見到呢個話好驚 ,唔敢睇呀, 可想而知而迫真~XD

到啦, 到啦~,終於入到去見到大黃蜂啦~

真係好大隻呀, 隻眼仲識發光架, 阿囡開初有D驚
之後同佢講係好人黎, 專打壞人, 佢先笑番~


平時行商場, 都只係見到D女仔係度舉機影相, 
不過因為呢隻大黃蜂, 好多男仕都爭住拍~~場面都幾搞笑~

行完就緊係要醫肚啦
咁啱見到呢間新開無耐既 <<小王牛肉麵>>
咁啱又係台灣野既~XD
雖然上次先食完無耐, 不過, 台灣野我係唔會厭的~XD 
一於再食~


係攞飛後先睇到原來又一間米芝蓮推介~
香港真係多美食到咁~XD 

裝修新潮中又帶D傳統既味道~


有濶落既四人卡座~


同埋靠邊既枱~


牆上既圖案, 應該係一碗麵架一對筷子黎~幾得意~



睇番點菜紙,有2款限量麵, 仲要唔平添, 168蚊一碗牛肉麵, 真係唔知係邊呢~(又無相睇~><)
我都係食番最普通既牛肉麵先~

呢個係半根半肉麵, 識食既, 當然要食粗麵啦, 即係好似手切麵咁

份量都可以, 根同腩就每款大約2舊度~
根同腩都好入味同好腍
湯底都好濃郁, 有D似肉骨茶既味道~有少少中藥味~
配合粗麵一切食, 非常配合~
另外亦叫左一個牛肉麵, 但原汁牛肉麵
估唔到呢款牛肉又有D唔同~
同半根腩既牛肉應該是2個唔同部份, 一個係骨腩位, 個係肉腩位~
而呢款既牛肉比半根腩更腍同更滑~口感完全唔同~ 
有咬口要揀半根腩, 而想腍滑就要揀呢種~



兩碗麵既精髓都係呢D跟麵上既配菜, 酸菜~ 酸酸辣辣,雖然佢個樣唔似辣,但真係辣架~
如果怕辣人仕就要分開, 唔好混埋一齊食~不過我就超鐘意, 令到成碗麵既味道都提升哂~

台式野,當然要食滷肉飯~
呢個滷肉飯分量都幾大,好多飯~
味道就中規中舉, 不過個米就應該係台灣米, 短短圓圓, 類似日本米~
好香, 好有飯味~仲好有咬口~


小食方面有呢個生煎包 (唔記得影入面~)
類似我之前食刈包~有D 咸肉係入面, 幾濃味~
包很軟,但包皮亦煎得好香~  


呢個係我個囡揀既白切牛肉~
(佢好明顯係亂來,但我阿媽又聽佢話點呢個~@@呢2婆孫)

牛肉厚切,白灼 加埋特製醬油一齊上  


呢種食法可以食到牛肉既鮮味,不過牛肉因為厚切, 偏硬~
我自己就麻麻鐘意, 不過阿媽話牛肉味好濃, 幾好~

再來就是滷水牛肚加豆腐粒~
呢種係台式滷水, 同我地平時食開既廣東滷水唔同~
無左花椒八角既香味, 我個人就鐘意食番平時食開既滷水牛肚多D~ (呢個純粹個人口味)
不過佢煮得好淋同好入味, 如果鐘意台式滷水, 呢個係一個好選擇~


呢個位於德福商場內的食肆,地方整潔, 價錢相宜~
每個小食都係30蚊度, 而麵都係五十幾蚊碗~
比起個D日本麵動輒成百蚊,我更愛呢種台式牛肉麵~

幾十蚊就可以食到米芝蓮,值得一試~
(建議多D人一齊, 可以試多D唔同款既野) 

地址:九龍灣偉業街33號德福廣場2期4樓410舖

 
如要聯絡本人,請電郵至: smonkichi@hotmail.com


留言

這個網誌中的熱門文章

藍天碧水~我願意~

修靚身型 ,1 次瘦3CM ~ MIMA SKIN Legend Pro + 三極刀

灰甲小知識 ~ Emtrix®安甲適®