Sally Ngai's Private Heart

你知道嗎？ 氣味係一種令大腦可以保存最久的最初記憶。 你可能忘記他的樣子，忘記他的性情 但只要聞到熟悉的氣味，便會憶起有關他的回憶....... 而香水，便是一種令人有深刻印象的小手段~ 不同的香水氣味，能令人對你產生不同的第一感覺，嫵媚的，干練的，可愛的....  韓國的A'ddict 無酒精香水 除左了有液體淡香水. 還有固體香水 最特別地方是可以和其他香水叠加，從而創造出個人的專屬香味 A'ddict 的淡香水包裝盒上均寫上不同的號碼 代表著不同香料的氣味 A'ddict 共有 六種 不同配搭的香水 有花香，有果香，有甜香 我手上呢枝 PEEL THE BERGAMOT 前調 : 601 佛手柑 中調 : 416 含羞草 基調 : 203 雪松 PEEL THE BERGAMOT 是清新的，有活力的 , 靈動的 我覺得呢枝係一枝屬於日間的香水 早上噴一下，令人充滿活力，中午噴一下，可以令人精神一振，馬上充電 香水係分層的，上層是植物精油, 下層是水性基底 用之前記得要先搖勻呀~ 韓國的A'ddict 香水是無酒精成份，容易敏感嘅朋友都可以用呀  A'ddict 香水最特別的地方是可以叠加其他的香水/固體香水 從而創造出屬於自己的特別香味 而叠加固體香水更可以令香味更持久 A'ddict 的 固體香水 採用接近身體體香的原料，令香味更自然 同樣不含酒精，皮膚易敏感既朋友都可以用  固體香水是透明啫喱狀，推開後會很清爽 即刻重覆搽也唔會厚重，皮膚完全無負擔 固體香水有 5種香味 , 每個包裝盒上都有一個香氣編號 我呢枝係201 ， 熱戀檀香固體香水 SOLID PERFUME NAKED SANDALWOOD   白檀香加上琥珀香氣，是低調木質香氣，很有知性美 固體香水是枝裝，包裝輕巧，帶出街非常方便 想幾時補香都無問題~ 隨包裝仲送一個好別緻既PIN, 原來係用來刺開完全密封的包裝口架~ 固體香水可以單用，也可以叠加A'ddict 的香水 噴上香水後再叠加固體香水, 唔單止可以創出獨特的香味 而月仲可以令香味更持久 A'ddict 無酒精香水和固體香水 , 因為無加入酒精 唔單止可以用在身體上，更可以用在頭髮上 搖曳的頭髮，令人走起路來散發出陣陣香氣，增加回頭率呢 A'ddict 在香

一直想去行下活化後既上海街618號走走, 行街前先食個LUNCH吧  這間Lucky ristorante 位於上海街618號的 3樓 中午12點剛開門，我成為第一位顧客~XD  餐廳以藍白色為主題，配上漫天的乾花，很有歐陸小鎮的感覺~ 和餐廳主打歐陸菜相呼應 還有幾個室外位置可以選擇呢~ 星期六的中午， 每人點了一個BRUNCH SET  ~  BRUNCH SET 包一個主食連飲品 可以加 15蚊 配是日餐湯, 飲品也可以加錢轉特飲 食BRUNCH，當然要來一個ALL DAY BREAKFAST  $138  ALL DAY BREAKFAST都幾豐富，蛋可以揀煎蛋和炒蛋 份量也幾大, 一個人食會好飽  特別要讚下個大啡菇同薯餅，處理得特別出色 個薯餅非常脆口，我女話好食過麥XX 個個呀~ 大啡菇煎完後依然好JUICY, 一D都唔乾，很有菇香~ Scramble egg 都幾好, 幾滑溜  反而個煙肉同腸仔就煎得唔夠香，差少少火候 Lucky 特色漢堡包 + 薯格 + 雜菜沙律  $ 108 漢堡飽是厚厚的，內裏夾著煙肉，漢堡扒, 生菜, 蕃茄和芝士  漢堡扒是新鮮手打肉個種，唔係快餐成塊買番黎D硬塊~ 唔單止非常厚，而且煎到剛熟 唔會乾爭爭, 入口有牛味，幾有驚喜 薯格同沙律雖然係配菜，但份量都好多~ 薯格係大塊塊好完整，唔係碎濕濕個D ~ 加10蚊叫左個是日餐湯 洋蔥湯，比想像中好 我自己比較鐘意飲清清地既湯，呢個洋蔥湯好清澈 入面有洋蔥條同香草，味道帶甜 唔知係咪落左牛湯，面有一層薄薄的油，保溫好好~ 加了20蚊的 CAPPUCCINO , 泡沬打得綿密 加10元的蘋果汁，份量相當大杯呢~  Lucky Ristorante 的食物水準比一般的CAFE 高 價錢亦合理, 難怪很快就滿座了 不過用餐時間只有90分鐘，大家要注意了 Lucky Ristorante 旺角上海街618號3樓301B號舖  

放假去大本營行下街，路過呢間外賣海南雞飯 一於打包回家, 可以懶一日唔使煮~XD  呢度全店食物, 飲品都係 「冇味精」添加 雞亦用無激素，無抗生素雞 可以單獨買雞或套餐跟飯  第一次黎買，唔熟架步、本身打算買飯，但原來有一人餐  叫左個一人餐，原來只包湯或飲品， 我又叫少左飲品，下次再黎我會識叫啦~XD (我聽到D熟客落單，D雞仲可以加錢轉其他部位架)  除左海南雞，仲有豬手, 豬頸肉, 魚餅, 肉骨茶 本黎都想試埋肉骨茶，但太夜, 已賣哂, 唯有留番下次啦~ 栢檔既食物全部分店現場鮮製，COUNTER 後面就係佢地既廚房~ 餐廳只做外賣，不過都有一個小小的立食區 外賣包裝都幾整齊嚴實，飯同餸有分格分開 湯就好大兜，所以回家有少少漏，不過都可以接受的。 就連個甜品雪米滋都有紙杯裝住  一人套餐 $ 74 套餐包括 無味精靚湯或飲品 一個餸加飯 (飯可揀白飯或雞油香飯)  時菜/迷你雪米滋  呢個湯叫無味精靚湯，真係超級濃郁，起哂沙架~ 有好多南瓜蓉溶哂係湯度 湯仲有另一個選擇，可以轉肉骨茶湯 + 10 蚊  第一次黎，唔識轉，下次可以試下 ~ 海南雞幾香，聞落有少少鹽焗雞味~ 但食就無鹽焗味既 雞皮幾爽脆，又無肥膏，雞肉都夠嫩夠滑，又唔會出哂血水個隻~  海南雞仲會跟埋醬料，有海南雞黑豉油，蔥蓉同酸辣醬 呢個「黑豉油」，曾經攞過意大利米蘭EXPO世博展覽會的世博大獎！World Premium Good Memorial 大獎！唔怪咁好味, 用黎沾雞同撈飯都一流  另外叫了一個豬頸肉飯 $56蚊 份量都幾大 ，豬頸肉有10塊以上，飯都好多 豬頸肉用滷水醃製，入味而不會死咸，烤得唔算燶，但肉質幾鬆化。 不過個飯就無乜汁，我當然用番海南雞既黑豉油啦~XD  原來呢度既飯有輕型份量 38蚊，啱哂細食人仕喎~ 跟餐雪米滋幾有驚喜，綠茶皮加朱古力雪糕，幾好味~XD  呢度既小食唔算多，只有辣鳳爪和麻辣豬耳仔 (各26蚊)   麻辣豬耳仔 份量都幾多，成兜滿滿的，算係抵食 不過我麻麻鐘意呢種乾乾地既口感。 栢檔極品海南雞飯 油塘 高超道38號大本型地下M08號舖  地鐵站出口直行，不要上大本營扶手電梯呀  

飲食都有潮流，曾經香港很流行上海菜, 不論街邊的豆漿粢飯小食，還是上海菜館都充斥著大街小巷。但隨著日本文化興起，韓國飲食文化的入侵，甚至近年的川菜熱潮。上海菜好像變得邊緣化了。 上海菜以濃油赤醬出名，對於今時今日講求健康的飲食文化的確有點反其道 但我就是愛上海菜的那種濃濃風味 小籠包一直都算係上海菜的其中一個代表菜 但樂天皇朝創新將小籠包加入了不同的味道 唔止食得得，仲可以打咭 八款味道分別為原味，青瓜(新)，鵝肝, 黑松露, 芝士, 蟹粉,蒜香, 麻辣 而不同的味道更加上不同顏色的外皮，非常奪目 小籠包依然做到皮薄爆汁，每款味道也很有特色, 一試就知咩味 反而新出的青瓜味我麻麻, 因為我不愛食青瓜~XD  不過整體感覺無第一次食咁驚艷, 餡既肉有進步既空間呢~   醬鴨是江浙一帶的名菜, 也算是上海菜, 有少少類似我地既臘鴨 用醬油將鴨變成醬紅色，風乾，故為 醬 鴨，實實在在的濃油赤醬 醬鴨製作繁複，樂天皇朝 65蚊有咁大份，實在有點驚喜 而且見到鴨皮依然完整好靚，賣相不錯 京醬肉絲配薄餅 呢個係我每次都必點的，京醬肉絲超惹味，就咁用黎送飯一流 將肉絲包進薄餅食，又係另一個體驗~ 炒年糕的味道同京醬其實是一樣味的 不過我鐘意食呢隻甜甜地既味 炒年糕內有肉絲，配上軟硬適中的年糕和大量蔬菜，都幾豐富飽肚 上海生煎包都好正 外皮軟軟，個底又煎到脆，入面的肉汁爆哂出黎 又熱又想食，因為凍左會無咁好食~XD  樂天皇朝以食上海菜為主，在香港經營了都有一段時間 餐廳以富有特色的中國設計加上特色上海菜為賣點 這裏的上海菜唔算係平價抵食 但環境舒適，坐得舒服。也是三五知己共聚好地方  

官塘人對於呢間係官塘廣場的校長燒肉放題應該非常熟悉 我自己都係常客~HAHA 呢度主打地方大/食物選擇多/價錢優惠 不論半日或假日都唔少人黎幫襯~   餐廳佔左15樓成大半層，有2邊勁大的用餐區 中間就係一個勁大的自助食物區  呢度既座位都好闊落，行人路仲勁闊，拎野食唔怕撞親人 雖然個名叫校長燒肉 但佢係有燒肉加火鍋，一次過滿足哂2個願望~ 任飲任食只係百幾蚊起，唔同時段仲有不同優惠 我係平日夜間7點去，只係228一位，食足2小時 依家仲有長者優惠，98蚊咋，下次要帶埋媽媽黎先~  香港人食放題，最愛就係刺身 校長燒肉的刺身比平時的放題質素高好多喎 雖然佢每次只可以攞3款，但每款都有幾塊，當日亦唔使大排長龍 前菜同小食方面，除左有SALAD 吧，仲有中式點心，炸物 中式西式都有 因為地方大，每一個食物區都有一個霓虹燈牌，等大家一眼就睇到 值得一讚呀~  呢度既燒肉選擇真係好多 豬牛雞羊魚... 咩都有  D肉醃得幾入味，仲有好多不同味道，唔會食黎食去都一種味~ 我個人特別推介金沙骨，豬頸肉同孜然雞翼~ 對比起D燒肉，打邊爐的丸反而無咁吸引~  溫馨提示：打邊爐的火鍋底都係自己拎架  如果燒烤爐上張紙黑左，可以叫人幫你換 仲有一個自助餐具區，攞咩餐具都有 起動啦~ 呢度既枱面好大，拎哂野食返黎都唔會太迫~ 個燒烤爐同火鍋爐都幾夠力，好快就食得~ 調味料選擇都唔少~  推介柚子汁同蜜糖，用黎燒烤好好味呀~  當然唔少得既熟食區，雖然望落個樣都唔差 不過食放題我好少食熟食啦～XD 飲品方便，呢度都有好多款揀~ 汽水，啤酒, 清酒都係任飲架~ 美顏養生花茶區有好多種不同花茶, 係真係一朵朵花，唔係茶包黎架，有個壺俾你沖茶 平時去CAFE 飲一壺花茶都幾十蚊，依家可以無限暢飲呀~ 仲可以DIY 一壺自己鐘意的花茶味添呀~ 甜品方便都非常多選擇, 有泡芙，布丁，雪糕, 雪條 估唔到竟然有 DREYERS. 當然唔會放過佢啦~XD 校長燒肉放題以選擇多，價錢平取勝 以二百幾蚊放題有咁既質素同咁多樣野，我自己就覺得幾OK  呢度星期六日夜晚好FULL架 建議大家最好預早訂位，以免黎到有排等~ 校長燒肉日韓料理 (觀塘廣場)