發表文章

目前顯示的是 1月, 2022的文章

眼仔碌碌,金銀滿屋~Maruichi 限定套裝—明眸眼霜組合

圖片
面霜,我地會分日用同夜用~ 有冇諗過點解眼霜唔使? 其實眼霜最好都要分日用同夜用啦~ 日本產品永遠唔會令我地失望,永遠早一步幫我地諗好 日本 Maruichi 特別設計限定套裝——限量明眸眼霜組合 明眸眼霜組合主要包括 新產品GEL CREAM Nah (MRI DAY CREAM) 明眸水潤啫喱 新產品 NAH night cream: 明眸緊緻眼霜 Point Up Remover : 詳情可參考我之前的試用文呀 https://smonkichi.blogspot.com/2017/02/maruichi.html Maruichi 缷妝棉 Maruichi粉撲 今次我就主要介紹呢2枝新產品啦~ GEL CREAM Nah (MRI DAY CREAM) 明眸水潤啫喱  NAH night cream: 明眸緊緻眼霜 2者皆以由京都大學發明並與大阪市立大學共同研發 及後於2012年由產學合作創造而成的Nahlsgen作為核心成分 分子量極小,能輕鬆穿越角質層直達肌底 擁有強效抗氧化、調節細胞鎖水力、減低紫外線的傷害等作用 促進膠原蛋白生成2倍、彈性蛋白生成1.5倍、HSP47(熱休克蛋白)生成1.3倍,全面逆轉肌膚的衰老步伐。 GEL CREAM Nah (MRI DAY CREAM) 明眸水潤啫喱 功效: 美白, 舒緩, 抗敏抗炎, 促進膠原蛋白生成增加彈性, 抗氧化, 強力保濕 歐洲越桔葉萃取物(藍莓葉提取物) 有效抑制自由基之餘,更有護眼的作用,減少藍光造成的損害和色素沉澱問題; 水解歐洲李: 含有抗氧化劑,抗酸化物質. 除了美白之外,還可以期待滋潤和改善皮膚質地。 甘草酸二鉀: 有抗炎, 抗病毒, 抗敏, 舒緩受刺激皮膚 角鯊烷 : 不油膩和光滑的感覺,並有極保水能力。 朝早用的眼霜是GEL 狀,非常清爽之餘,仲有超級冰涼的感覺。 搽完後更有非常明顯的緊緻功效,好似幫我地拉緊番眼部四周的皮膚咁 朝早搽完,對眼即刻感覺SHARP 醒咁,成個人都醒哂,即刻醒目左~ 得左 NAH night cream: 明眸緊緻眼霜 極致發揮從根源激活肌膚再生,促進新陳代謝 至於主力把握晚間黃金修復期的明眸緊緻眼霜則糅合摩洛哥堅果幹細胞、蘋果果實幹細胞和玫瑰胎盤幹細胞,以稀少植物為主的植物幹細胞萃取物逐漸被開發出來,作為修護肌膚的主要成分。   摩洛哥堅果幹細胞還富含

牛大人 x 蠟筆小新新搞作~ 牛大人台灣火鍋吃到飽 (沙田)

圖片
  本黎諗住入沙田踩單車,點知落雨 不過因禍得福,俾我地發現左呢間有小新的牛大人 原來呢間牛大人依家同小新玩CROSSOVER  餐廳不論裏裏外外都貼滿了小新同其他角色的公仔 而且仲可以用優惠價換購小新的限量聯乘精品呀~  係門口,仲有一部即影即有的相機,有小新期間限定相框架~ 牛大人的午餐分為定量的 60分鐘同任食的90分鐘  其實定量的只係肉,無論邊一個餐,丸同飲品係任飲任食的~  牛大人最出名的當然係湯底囉 今次就試呢個台中蒜頭雞鍋 入面真係好多蒜頭架,但就唔會有蒜頭既辛辣味, 反而有少少蒜頭的甜味~ 之前仲擔心阿女食唔慣,但見佢食停,即係好好味囉~HAHA 我鐘意去食牛大人,其中一個原因就係佢D丸啦~ 我真係好鐘意食丸,仲要超多唔同種類既丸,次次見到都心心眼 雖然人地話任食要食多D肉,但我真係好愛食丸呀~ 而且呢度既丸係放係盒入面,D 冷氣仲要超勁,感覺好衛生同安心 仲要個溫度係剛剛好,唔會雪到成舊冰咁硬,但又唔會出哂水~ 我最愛食佢既包心麻辣丸,十級正~仲牛肉丸,貢丸 ,魚腐,豆卜,冰豆腐.... 其實隻隻都鐘意啦~ 粒雞肉丸真係有雞肉架~ HAHA  除左可以係出面攞丸,仲有D火鍋料係要用手機落ORDER 的 肉就係其中一種要落ORDER 叫的 D 肉每塊都切到好薄的,落水一灼即食,非常嫩滑 西班牙豬五花片都唔使淥太耐架~ 因為切到好薄,所以好快熟 D 肉唔單止薄,仲好新鮮,唔會瘀瘀黑黑,更唔會出哂水~ 不過唔知點解一盤只裝2塊, 變成D盆疊到好高,以為我好大食囉~HAHA 除左肉外, 墨魚滑,牛滑呢D都要落order 叫   我同女次次都叫呢款台灣腸。佢是熟的,上枱已食得, 2母女搶住食,秒速KO~ 本身已經好飽,但見到呢款王子麵又心思思想試下 佢係台灣牌既福麵,包裝又得意 好彩細細個,最終都食得哂~ 飲品都係任飲的,最正一定要飲牛大人自家製的茶類飲品 清新解渴,打邊爐飲一流  最後仲有每人一碗的台式甜品 每日都唔同架,今日呢個係燒仙草 超級多料,煙煙韌韌~ 雖然已經食到好飽,但學阿女話,甜品係另一個胃 KO 碗甜品,成餐飯先感覺完滿架嘛~HAHA  牛大人台灣火鍋吃到飽 沙田沙田正街11-17號偉華中心2樓9A-9B號舖 文章只屬個人意見,只供參考 如要聯絡本人,請電郵至:  smonkichi@hotmail.com Fanpge :  www.f