Sally Ngai's Private Heart

估唔到係銅鑼灣可以搵到間二百幾蚊既放題，有日式，有泰式野，質素又好 老公都話可以再ENCORE 想食好D，仲可以加多一百蚊 任飲啤酒，任食蠔同海膽帶子 ~ 開頭都係抱住試下既心態，一百蚊任食蠔都唔敢有咩要求 但估唔到隻隻蠔都勁大隻，仲處理得好好，酒店級數都不為過 食10隻, 成餐已經回左本~ 好有特色的帶子釀海膽，成件事好名貴~ 燉湯好足料同好好味，估唔到連中式野都掂~  任食刺身質量都極高，除左有多款魚生，仲有多款貝款 ( 我最LIKE) 魚生厚切，貝類都切得好大件，唔係碎濕濕 刺身處理得好好，唔會成舊冰，亦唔會好腥 赤蝦勁大隻呀~    除左日式料理，呢度既泰國料理都好正 平時食泰式生蝦都唔平架，呢度竟然有得任食 個泰式生蝦, 一食就知係正宗泰式野，個酸辣汁真係無得輸 飛天盏炒通菜都好夠鑊氣， 超好味~ 第一次放題食咁多菜~HAHA  辣椒膏炒蜆即炒架，好香，勁有大排檔風味~  蒜蓉焗帶子好香口  特別想讚下呢度既飲品，除左有好多款揀。仲有一D平時少見既，而且唔係CHEAP 雞野，連道地 MR JUICY 呢D都有，絕對係有落本架~   特別推介下個 Watson's 椰子梳打, 其實PINA COLADA 黎，好少酒精，但幾好味，第一見呀~ 甜品方面都係任攞，但食得太飽，已經食唔落 試左個豆腐雪糕 ，幾香豆腐味 (呢個BRAND 都係好野黎)  呢度食物質量非常好，不論熱食, 凍食, 日式泰式都好有水準 而且仲有好多野揀。MENU 仲有炸物，手卷, 泰式炒野等等但都已經食唔落 招呼都好好，收碟勁快手，唔怕食到成枱碟無人收 加上價錢真係好抵。2字頭既放題而有呢個質素既，真係搵唔到第2間 唯一係挑剔既就係裝修唔夠靚囉~ 所以上黎好多都係成班男仔同一家大細 好少女仔 (因為無位打卡~HAHA)  如果加埋靚裝，呢度既食物水準絕對可以過400蚊/位。  瀛豐放題料理專門店 銅鑼灣駱克道491-499號京都廣場10樓 

新年入元朗，朋友帶我黎呢度食燒肉 個門口真係好細，B-MIX 的牌又唔顯眼 開頭以為去錯地方，仲問朋友，我地唔去食燒肉咩？點解變左打邊爐？ 經過一條長長的樓梯，終於見到燒肉2個字 原來呢度2樓全層都係食肆，一邊燒肉，一邊打邊爐 上到黎，真係可以用别有洞天黎形容 原來上面係咁大同咁靚~ 全部卡位，椅背全部高過頭，私隱度非常高 每張枱都勁大，坐得好舒服~  除左大廳，呢度仲有VIP 房 可以BOOK黎唱K食野，好過去PARTY ROOM ~ 今次叫左個2人餐 原價 $588 估唔到新年期間都有7折，抵到無朋友呀~  成個2人餐非常豐富 包括  2款日式前菜 / 沙律 / 刺身 / 海鮮 / 野菜盤  / 丼飯 雞肉 + 牛肉拼盤或豚肉拼盤  日式前菜 & 沙律 湯碗咁大份沙律，用配燒肉食一流 刺身  唔係求其幾片薄片架 而係成隻大蝦 / 帶子 / 八爪魚 ，非常有誠意的  另一個就係要燒既海鮮 有2隻新鮮鮑魚, 帶子 蒜蓉生蠔 (鍚紙兜上)  個鮑魚一路燒仲識一路郁架，極之新鮮 我揀左牛肉拼盤 + 薩摩赤雞腿肉/ 雞件 (仲有燒汁 / 原味 / 鹽味 揀添)  雖然係2人份量, 但每種肉有4件以上，成盤肉都唔少野 牛肉雪花紋理好靚，入口非常幼嫩 牛舌好嫩又爽，牛柳粒油脂豐富，雞肉都嫩滑 整體質素都非常高  野菜盤都好靚，有哂擺盤架 有女女最愛的甜薯仔~  2人餐仲跟埋呢個丼飯 (又係一個湯碗上)  紫菜+流心蛋+魚子 +味素 混埋一齊，淨係食呢個飯都勁飽呀~~ 2人餐無跟飲品 加左呢個日本生果梳打，仲跟冰杯上， 顏色好靚，味道好清甜, 推介~  B - Mix 呢個2人餐非常抵食 唔單止質素高，而且份量多，即使食量大的朋友都夠食 價錢超值，計番都係4百幾蚊，實在非常抵  唯一唔好係地點有D混亂 Google Map 要搵 『麻極手工火鍋料理 』先搵到個地址呀~ 餐 廳: B-Mix 燒肉餐酒館 地 址: 元朗鳳攸南街9號好順利大廈2座商場1樓2-3號舖 文章只屬個人意見，效果因人而異，只供參考 聯絡本人：  smonkichi@hotmail.com Fanpage :  www.facebook.com/smonkichi Instagram :  https://instagram.com/smonkichi/ 本人其他分享網站連結 : *  Blogspo

約朋友出黎食飯，尖沙咀地方就最腳 但D餐廳一係好貴，,一係好多人，限時限刻 位於中港中心頂樓的「泓」日式居酒屋，佔地全層 價錢OK，而且環境舒服, 寧靜好坐。好啱約朋友去CHIT CHAT  餐廳位於最高層，落地大玻璃。可惜夜晚，未能欣賞到窗外的風景 餐廳以西日式設簡約設計，吧枱後的大電視好吸晴 不過放心，當晚電視只是播一d循環的日本特色片段，好細聲的， 更唔會播電視劇~嘈住大家傾計haha   呢度仲有3間房可以訂的，私隱度更高~ 既然係居酒屋，又點可以無酒 呢度既枝裝酒價錢好實惠，非常抵飲~~ 先來2客免費的前菜 ，器皿精緻，口感清新 不過2客都一樣有d 悶，如果2款不同就開心d~ 居酒屋，當然串燒係主角 先來3客  牛舌心 $58  / 荔枝豚肉 $48 / (大家估下 ? $38 )  牛舌心夠嫩，呢個厚度我覺得幾好，唔會太難咬 荔枝豚肉，以豚肉包裏荔枝肉，入口有清新，口感香甜 呢個一條條的，其實係鹽燒雞胸軟骨　好特別，第一次見，入口脆脆的，好似雞軟骨的朋友~  再來3串分別是大蒽牛肉 $68   雞肉 / 雞皮 $ 48 雞皮真係燒到脆卜卜的 雞肉和雞皮有加汁/七味粉, 味道會濃d  牛肉突出牛味，無加太多佐料~ 松島魚餅 $68 烤香的魚餅有淡淡的魚香味，軟軟的口感幾Q彈 唔覺唔覺就好快食哂了~ 魷魚糯米飯 $88 小小的魷魚很精緻，入面釀滿了糯米 糯米充滿了魷魚味還未夠，特製醬汁 (用魷魚內臟製成) 將海鮮味再提昇 魷魚因為細條，很嫩嫩的口感，完全唔使出力咬 今天的糯米感覺有點兒過淋了，口感很粘。 檸檬梳打和白桃燒酌梳打 簡單的金邊玻璃杯，很配合這裏的環境 2杯梳打沒有很多冰但夠凍，味道不會太甜，配串燒很適合 想約朋友傾計飯聚，十分推薦呢間 高級大氣唔失禮，環境寧靜，舒服好坐，價錢適中 泓居酒屋 Fuchi Izakaya 尖沙咀廣東道122-126號中港中心17樓 電話號碼 : 35683266

屋企樓下開左呢間新燒味餐室，感覺幾高檔 今日終於有時間去試試 透明玻璃窗好乾淨，掛滿燒味，靚唔靚一眼俾你睇哂  平時見好多街坊都燒味外賣加餸 叫左個2人餐 188  有乳豬例牌 (今日賣哂乳豬, 改左燒鵝)  燒味雙併 可以自己揀 (我揀左叉油雞)  油菜 例湯 2個飯/麵/粉  2杯飲品  師傳好鍚我，俾左半隻燒鵝脾 ~HAHA 正呀~  呢度既燒鵝係薰香燒鵝，食入口真係有D香味  皮好薄，而且無肥膏~ 肉好嫩，唔係嚡習習個隻 味道屬於淡口，唔會好濃，仲食到鵝味  叉燒拼油雞  今日問番，先知我女唔知咩係油雞  咪即係豉油雞囉~HAHA   即刻點個俾佢食。雞肉幾滑，唔嚡， 豉油雞的雞皮好重要，呢度既雞皮無乜肥膏, 夠爽。不錯 不過個姜蓉有D過咸 叉燒係柚子蜜叉燒黎, 幾有GIMMICK  不過唔記得要半肥瘦，成舊瘦叉有少少嚡~  唔知點解食燒味就好想拼瀨粉 (原來阿女又未食過瀨粉~@@ )  瀨粉是廣東省著名傳統小吃，用稻米打磨之後的粘米粉整成 我估同燒味一樣出自廣東，所以成為朋友 而且瀨粉唔會索油，唔怕索哂燒味既油，所以佢地會成日一齊出現 （以上只係個人諗法～HAHA） 呢度既瀨粉比較粗身，幾彈牙，唔會淋PAT PAT 。仲好大碗~@@  阿女點的公仔麵 ~ @@  完全唔明點解食燒味會併公仔麵, 小朋友真係可愛 跟餐凍飲加3蚊, 特飲加8蚊 特飲好似好抵~HAHA 即刻叫番個咸檸七先~ 阿女仲醒，凍利賓納加3蚊咋~HAHA