新潮流新食法~龍點心

 飲茶一d都唔會老土啦

好似呢間龍點心，傳統中國特色但加入左好多新式元素。係咪好IN呢~ 

除左餐廳的裝潢後，呢度既點心都係比較新式

賣相比平時的點心更精緻，而且味道亦有D創新。

先來這個點心拼盤 -- 一龍大滿足

賣相同擺位，望落已經似高級野 

筍尖蝦餃皇，酸菜魚鳳眼餃，松露野菌晶瑩餃，蟹粉菠菜香蝦餃，咸蛋黃墨魚燒賣，豌豆桃子

酸菜魚鳳眼餃 : 估唔到酸菜魚可以做點心，酸酸辣辣超惹味

魚子菠菜香蝦餃 : 中式餃子加入魚子，係咪第一次見, 但估唔到效果又出奇地夾

松露野菌晶瑩餃 : 好靚的藍色餃，原來係加入了藍蝶豆花 入面係菇菌黎，又靚又健康呀~ 

燒賣除左拼盤外，我自己又多一籠

因為佢並唔係一粒普通既燒賣~haha 

咸蛋黃墨魚燒賣

d肉改用左墨魚滑，無豬肉咁漏

入面係咸蛋黃流心架~ 係咪好得意~  仲好好食~

呢度既流心真係不錯，奶黃流沙飽的流沙真的會噴出來

大家食的小心要小心燙口呀~ 

外貌早己改變，你還認得他嗎？

這個是飲茶必點的腸粉

脆脆富貴紅米腸粉

不過外皮改用了紅米，好有新年氣氛，好有意頭

入面除左有爽口蝦仁，仲係脆卜卜，就好以炸兩的精緻版咁~

炸物叫了2個 

一口咸水角

雖然個名叫角，但外型就似煎堆仔咁~

細細粒，真係一口一個~

而且一d都唔油膩

芝士鮮蝦腐皮卷

點既時候只睇到腐皮卷，睇唔到有芝心

原來個腐皮卷入面係包住好多芝心，直頭係一款中西fusion 菜

不過芝士有點兒漏，腐皮凍左有d油。所以食一舊已足夠。 

已經極飽，但點都要試下個甜品

豆腐布丁

呢個又係一個中西既既crossover 

樣都好高貴，上面加左少少脆脆的士多啤梨乾, 為甜品加添了色彩和味道。

將豆腐做成布丁咁滑，但又有豆腐的清香。

點心係廣東的傳統黎，我地由細食到大

依家既酒樓越黎越少，希望呢d咁潮的酒樓可以令大家繼續食點心

令點心的傳統繼續承傳落去。