發表文章

目前顯示的是 6月, 2021的文章

精緻用心的越南菜~ Fuhn

圖片
以前提起 FOOD COURT, 感覺較低檔,而且食物質量都不敢抱太大期望 隨著近年大改革,好多 FOOD COURT 的質素大大提升 就好似佐敦逸東酒店地庫的FOOD COURT,  大裝修後,變得年輕化, 裝修好有格調,而且進駐的餐廳質素都好高,大大改變左FOOD COURT俾人的一貫印象 今次揀左我最愛的越南食物  Fuhn  呢間,係一間北美的越南菜,介紹寫係具有強烈加拿大味道的柬埔寨越南河粉 雖然無乜頭緒,不過可以試試~ 越南食物,抵食又好食,仲好飽肚 而且佢唔似泰式野咁多辣,好啱小朋友食~ 餐牌簡單易明,單點一個粉/飯 + 16蚊就會變成一個套餐 (飲品+小食+沙律)  另外仲有一個DIY 的MIX and MATCH,  自己揀湯底 & 粉/飯 (HKD 50) + 餸 (不同餸不同價錢)   我同女2個人,就叫左2個餐同1個小食,嘩嘩嘩,豐富到不得了~ 生牛肉湯粉 HKD 65 + 套餐 (HKD 16)  越式湯河,呢碟小配菜簡直係靈魂呀~  除左有芽菜,辣椒,仲有九層塔,青桔同好似幾種香草  食入口的香草味比以往的都濃郁~  將湯底的口味提升了一個層次 有見到那個湯底非常清澈嗎? 上網睇番先知原來 Fûhn 使用來自奧地利GRANDER®技術的水淨化系統,從製造肉湯到每一種飲料的每一滴水都通過4種不同的水淨化和過濾來處理。 透過GRANDER®獨一無二的技術,將飲用水轉化成軟水,從而提升食物的味道和質感。 呢個係Fuhn 的特色黎。 但對消費者黎講實在好有心思呀~  生牛肉因為我影相搞太耐,變左well done, 不過依然無改佢嫩滑的口感 雖然熟哂但一d都唔嚡。 而且片片都大大塊,份量仲少架~ 河粉底,我必揀金邊粉 (越式野嘛)  呢度既粉底份量非常多 ,如果細食的女生,真係可以一個粉2個人share 都夠 餐套的越式春卷,一D都唔馬虎,2條春卷都有條生菜墊底 個春卷好脆卜卜,又唔油膩~  跟餐仲有一個沙律架~ 阿女要食豬扒,而套餐又無得揀, 唯有叫一個MIX & MATCH 啦 老實講,價錢唔平的~ $50 的湯底 再加 $28蚊的香茅豬扒 ,加埋成 78蚊。 不過又咁諗,食個日式拉麵都 98蚊,咁食呢個又唔算貴啦~XD 呢個豬扒真係心抵食同好食 一黎份量夠多,二黎個豬扒非常鬆化。香茅味非常惹味 以28蚊呢個價錢,絕對超值 推

燒燒燒,連甜品都有得燒既串燒店

圖片
作為官塘既街坊,住係同一條街,點都要去試下呢間串燒屋,支持下街坊生意嘛 睇格局,佢有別於一般既街坊鋪。門面大,地方大,尤其樓底高, 成晚都無出現煙霧彌漫既情況枱面放左多款不同調味料,可見店主係幾咁用心經營。除左燒肉汁,仲有自家秘制串燒醬。我最愛的,當然係可以無限添加的孜然粉 餐廳無煙濛濛,多得呢個抽氣扇同爐,非常給力。串燒爐夠哂火力,食物好快熟之餘又唔會燒到出哂煙 放題除左有串燒,仲有網燒同熟食 不論串燒,網燒同熟食既水準都不俗 以前去食放題,對於一早整好既熟食通常都無乜興趣,但呢度既燒雞軟骨, 蝦餅,魚餅都係新鮮整好,熱辣辣, 同平時餐廳單點既質素一樣咁好 串燒以串黎order, 每串都有4舊肉以上,而且仲係大大舊, 唔係碎濕濕, 所以我同女每樣點一串share食都已經飽哂 網燒既食物亦非常出色, 除左靚靚牛肩肉, 個漢堡扒都好juicy好味呀, 有驚喜 爐既火力好好, 無痴網但又好易造到燒既效果。阿女話見到一格格呀 小店仲好貼心咁將雞翼既底部剪開,方便快熟 註: 扇貝係每人送1隻,無得任食,而4人黎的話仲會送甲羅燒架 呢度既串燒係放係爐度自轉架, 一路轉一路燒,火力均勻又唔使理佢。 係咪燒得好靚? 讚下自己先~XD 串燒既肉大大舊, 仲會每款肉都醃不同味道, 口味多變。 串燒黎講,我最愛腎片, 台灣腸。仲有一串看似肥豬肉但入口超夾超正既豬頸肉。 仲有厚切牛舌加孜然粉,無得輸熟食除左餐紙點既, 仲有是日精選。 呢個茄子推推推, 一定要點呀。 茄子肥美,小店將茄子細心地切開, 燒到咁上下時將蒜蓉推入茄子入面, 入哂味, 超正除左燒物, 日式前菜同沙律,獨立包裝,乾淨整齊 估唔到仲有好多種醬汁係雪櫃。 阿女攞左蜜糖沾串燒食。好似去左BBQ。 串燒太多肉,即刻食番兜沙律消下膩。 但臨走先發現原來雪櫃好多菜架, 仲有蒜蓉包,蕃薯仔。 Oh No,蝕左, 早知用生菜包串燒, 我可以食多2串嘛 雪櫃仲有好多正野 飲品除左大路既罐裝飲品,仲有自家製飲品, 薏米檸檬水酸酸甜甜好開胃, 菊花蜜好清香。 甜度仲減低左, 有益又健康,飲多2杯都無罪惡感呀。 食串燒,甜品當然都要燒下 有燒棉花糖同菠蘿,加埋杯雪糕,即刻變左芭菲呀 要讚下個菠蘿,超甜又juicy,好似金鑽鳳梨咁正呀。 最開心係可以食2.5小時,上菜又快。138cm高既阿女,仲係收小童價 賺哂~XD 特別多謝店員好熱心

從山裏走到商場的麵~ 山城小麵

圖片
山城小麵,以重慶野食為主,網上介紹佢既辣油都係自制的 價錢幾大眾化, 49蚊一個麵, 仲有多款我最愛的重慶小食揀,都係28蚊起 今次試左一個2人餐 正宗酸辣粉套 +愉港擔擔麵 + 2客小食  麵底可以揀粗麵/幼麵/薯粉/米線/刀削麵 辣度都有大中小,微辣同走辣揀 因為第一次食,所以揀左個微辣 正宗酸辣粉賣相紅卜卜,偏酸,有麻香,食落又唔算太辣既 個底係薯粉黎,好得意,煙煙韌韌,粉條唔似機器製咁滑面 阿女話有D似魚麵,問我係咪用人手整架~ 好鐘意食佢上面的配菜,有炸菜,花生,肉粒,炸蒜,蔥花,芫茜,非常豐富多樣~ 愉港擔擔麵 同平時食的四川擔擔麵有D唔同,湯底係清湯加肉醬  因為叫左微辣,真係好微,下次可以叫小或中辣 麵條有D似上海麵,無薯粉咁煙韌,但就比較掛湯 可能同想像中有D出入,都係上海擔擔麵好食D ~ 呢個皮蛋好吸晴,個樣超紅超辣咁 但原來食落口,只係小小麻,唔太辣, 後尾同朋友講起,先知紅油係唔辣的 雖然唔太辣,但味道都調得好好 (我估可以叫佢加辣)  蒜泥白肉,同樣的紅卜卜底,不過加埋D蒜蓉,辣度提升左少少 我覺得好好味~  個白肉肥瘦均勻,入口一D都唔膩,配埋個麻辣底,送飯送麵都一流 而且呢個小食散賣只係28蚊,我覺得好超值呀~ 呢度係FOOD COURT, 採自助形式,不過因為整個FOOD COURT 佔地好大 所以都唔難搵位 就連落單仲可以自助呀~ 山城小麵 (德福廣場) 九龍灣偉業街33號德福廣場二期5樓Foodeli S10號舖 文章只屬個人意見,效果因人而異,只供參考 如要聯絡本人,請電郵至:  smonkichi@hotmail.com   Fanpge :  www.facebook.com/smonkichi   Instagram :  https://instagram.com/smonkichi/ Click below for my sharing platform : *  Blogspot  *  She.com  *  U Beauty  *  Beauty Exchange  *  Beautylife  * *  We Share  *  Beauty Qooza  *  Baby Kingdom  *  Fanpiece  *  The Ztyle  * *  ESD Life 生活易  *  

AHAVA PRETINOL™~國寶級的淡紋嫩膚系列

圖片
AHAVA 呢個牌子你有用過嗎? AHAVA是以色列的國寶級品牌,是死海護膚的專家,專注於探索死海中元素對皮膚的影響,研發多年,專利配方 Dead Sea Osmoter™為肌膚重回青春狀態。 產品好全面,由面部皮膚, 同身體都照顧到 而呢套 pRetinol™淡紋嫩膚系列就係我最近的最愛,作為中女的我,呢方面實在好需要呀 pRetinol™ 系列使用獨家專利pRetinol™專利複合物,配製為“天然至皮膚”的安全視黃醇,可減少皺紋和增強皮膚表面的光滑度。 AHAVA PRETINOL淡紋嫩膚亮肌精華 30ML 創新專利,提供安全之"類視黃醇" 放鬆繃緊肌膚,有效減淡面部明顯的表情紋  促進微循環,提亮膚色 視黃醇是什麼? 視黃醇(retinol)是維生素A的一種,對刺激皮膚細胞更新及膠原蛋白增生非常有效,可以改善細紋、修復紫外線對皮膚的傷害、淡化黑斑等。它不只可以逆轉皮膚的衰老跡象,更能預防皮膚提早老化。但視黃醇係處方成份,使用時會出現角質層被刺激更新及變薄,初期可能會出現敏感及脫皮的情況 。 因此必須由注冊醫生處方,控制濃度。 pRetinol ™ 複合物利用死海獨特藻類 #杜氏鹽藻 ,以豐富既 B-胡蘿蔔素轉化成安全天然既視黃醇,有助促進新膠原蛋白形成,撫平皺紋和淡化色素! 精華係唧唧泵裝,而個泵既設計手位幾好按 唔知關唔關類視黃醇事,成個系列的產品都係金黃色的~ 係護膚品入面比較少見~ 精華的質感非常絲滑,搽上面的感覺好重,超滑。保濕得黎又帶有滋潤感覺。延展性很高,而且皮膚吸收得好快呀~  AHAVA PRETINOL淡紋嫩膚柔滑面霜 50ML 搽完精華後,我會為皮膚搽上同款的CREAM ,令精華得以保存在皮膚 CREAM 和精華一樣,含有獨家專利pRetinol™專利複合物和類視黃醇 同樣係橙黃色系架  CREAM 的質感好似雪糕咁滑滑的~     搽上面勁舒服 小小的份量已經可以推勻成塊面,而且滋潤得不油不膩,感覺會面部加上了一層保護膜 面霜有助修復皮膚屏障和增強保濕度 ,而且可以柔滑膚質,減少皺紋 搽完的皮膚軟軟QQ 的~ 眼晴係最易出皺紋顯老的 所以眼晴的抗皺工程千萬不可馬虎呀 AHAVA PRETINOL淡紋嫩膚緊緻眼霜 15ML 同樣加入了安全視黃醇, 重塑緊實眼部輪廓,減淡皺紋 特別設計的按摩型瓶口,緊貼眼部,搽EYE CREAM 時可以幫眼