高科技湊B法 ~~ D-LINK Wi-Fi Baby Camera
依家湊仔，可以話比以前辛苦，因為有太多負擔
但都可以話比以前輕鬆，因為有好多新科技幫手
烚奶樽機係第一樣我覺得超級方便的發明
第二樣就係呢個 BABY CAMERA
未做過父母，真係領略唔到成晚半夜起身個種苦況
尤其天寒地凍時。真係好難起身架~
有時起左身，BB只係叫兩聲又會瞓番，個一刻你真係會激死
絕對贊成各位爸爸媽媽要入手一部Baby Camera
以下介紹既一款BABY Camera 唔知又啱唔啱你心水~
D-LINK Wi-Fi Baby Camera
母嬰 專用無線旋轉式網路攝影機
成套BABY CAMERA 總共有五個零件
一個可以 上下90度同左右270度擺動的鏡頭
左邊係雙向式喇叭，可放音樂同收音
右邊可插 MISCO SD 咭~
仲有一條好可愛既尾巴，原來係用黎測溫度既~ (溫度對小朋友真係幾緊要架)
另外仲附有一個扭入式支架可安裝上牆
同埋一個可對焦的小環，放係鏡頭前幫助對焦~
當然，仲有粉紅色同藍色殼可以換，生仔生女都啱啦~
開始用之前, 首先要DOWNLOAD 一個叫 " mydlink Baby" 的Apps
之後跟住個Apps 既指示登記同連結就得架, 呢個步驟只須做一次，以後就咁登入去就OK架啦
(開APPS 登記時記得要開左屋企既WI-FI 喎，因為呢部機係靠WI-FI 連接架~)
下次再開，只要先開著部CAM, 再開個APPS 連線就OK架啦~
當你見到部機既2個燈著左，電話上出現 呢D BB 符號就表示你部CAMERA 已投入運作啦~
D-LINK WI-FI BABY CAMERA 有日夜模式。
而夜晚更有5米夜視距離的夜視鏡
所以無論有燈無燈都睇得咁清楚~
仲覺得未清楚？
鏡頭仲有4倍數位變焦功能，可以用手指拉大黎睇~ 睇清楚個衰女有冇焗親自己嘛~XD
右下角的BB喊樣代表佢喊左幾多次，爬爬樣就話你知佢郁左幾多次~
當然，仲有溫度顯示啦~
如果好擔心，可以按著" 感嘆號" 咁BB 既一郁，一叫都會有提示音話你知~
當然，你都可以將提示音完全關掉，只睇畫面。
如果睇都唔夠，仲可以即時錄影
檔案可以存於係機身的microSD Card(SDHC)
佢既第一次轉身，第一次行路都可以錄低啦~
當然，如果係工人姐姐湊，仲可以錄低姐姐點樣湊BB添~
無論拍片或錄影，仲有HD 解析度 1280x720 的高質素畫質~,
而且仲有清楚的日期，時間，令你唔會錯過小朋友珍貴的時刻。
除左畫質外，仲有唔少個人設定，配合你的需要~
專家話唔好俾BB慣左扭抱，所以佢喊都唔好即刻抱~
呢個CAMERA 就絕對幫到手去TRAIN UP 你個BABY
佢除左內置左5首搖籃曲可以穩定BB情緒外
仲可以自己錄定D說話放係SD咭度播番出黎~
BABY 聽到，以為媽媽係身邊，個心都會定D架~
至於我個囡咁大，仲可以利用部CAMERA既雙向音效，聽下佢講咩事~
有時，仲會唱歌仔俾我聽添~
(估歌仔時間喇~)
阿囡以前細個同工人姐姐一間房，我可以好安樂咁大覺瞓
家下佢一個人瞓，我反而要睇多兩眼
唔好以為大個左就唔使睇~
俾個連環圖你睇下~
一個華麗轉身，就轉左落地下
今次好D，無轉走張被
所以，我呢個阿媽耐唔耐要睇下CAM, 見到佢碌左落地就去執番佢上床啦~ XD
所以呢個BABY CAMERA, 都唔止係BABY, CHILDREN 都要用呀~
當然，呢部機都有少少瑕疪
就是畫面有一秒度既DELAY，同埋轉動鏡頭時有少少 CLICK~
始終要經過大氣電波嘛~
如要聯絡本人，請電郵至： smonkichi@hotmail.com
Fanpge : www.facebook.com/smonkich
Instagram : https://instagram.com/smonkichi/
留言
張貼留言