Sally Ngai's Private Heart

同事轉職到上環返工，所以久唔久都唔會相約上環食飯 好的同事，即使離職了，還是會見面的~haha  呢間位於轉角位的頂好原味道台灣食店 光猛潔淨，空間開揚，就揀左佢 行去正面先發現原來鋪頭都幾大間的~XD  劃分左2邊，一邊食台灣野，一邊食日本野 今日先專攻台灣野 (唔知可唔可以台日混合叫呢？下次問下姐姐先)  因為中間有個廚房，所以D 椅都係單排圍住個窗 咁即係，每一個位都可以望到街景~HAHA 尤其中間呢個轉角位，直頭係打咭位，係咪好有 FEEL 先~ HAHA 餐廳以台式滷味為主打  因為款式實在太多，所以餐廳都好貼心SET 左幾個套餐俾大家 乜都有D, 咁就可以乜都試下~  叫了一飯一麵套餐再另加小食~ 糯米腸 ( 十星推介)  其實記憶中我唔記得有冇食過糯米腸, 但呢款糯米腸真係一試愛上 烤得薰香的外皮包裏住煙煙韌韌的糯米 加上少少辣粉，非常野味~ 簡直係點睛之作~ 麻辣豬耳和麻辣涼拌海帶 個麻辣汁非常正，麻得黎又香, 辣度剛剛好~  無論配咩餸都會成為一度好食的前菜呀~ 酥炸雞綜合拼盤 $ 48 成盤即炸即上枱，熱辣辣，夠哂香口 入面有鹽酥雞，手工香腸，百頁豆腐，甜不辣 呢盤炸物最正就係  一D唔油膩呀~ 而且唔會炸到乾爭爭 我自己最鐘意百頁豆腐，外面脆而入面軟軟地又彈彈地，好得意呀~ 手工腸都好好食呀~   反而個炸雞比較遜色，外皮有D厚，雞肉唔夠JUICY~  滷肉拼盤飯 上網睇過下呢度既既滷水資料 始于1990年，獨門秘方中藥加熱滷味~ 台灣直送，兩週由台北飛機直送到港 辣椒油及滷水汁都來自台北30年老店 好正宗，夠哂原汁原味 呀~ 呢度既滷水同廣東式有少少分別 無咁咸口，但食物全部都好少味 有味道之餘又唔怕太重味~ 雞翼同蛋都處埋得唔錯，雞翼d肉幾滑。反而腩肉既瘦肉有少少硬 個滷肉碎都幾好，唔會好重味，但又食到滷水的香 食呢個飯 唔使不停飲水，食完都唔會好口渴~  而麵方面我就揀左個較淡口的  增肌減脂組合 有豆包，雞絲，青花椰菜，雞腿菇同滷雞蛋 呢個配搭比較輕盈，好適合女生或愛素食人仕 味道偏淡口，唔會食到溜 加少少台灣直送辣掓油落去，好夾呀~ 麵底有好多選擇，有烏龍麵 (類似烏冬) 王子都 (類似公仔麵) 關廟麵,...

朋友轉新工，由新界每天到港島上班，真係諗起都覺得攰  遷就一下佢，到上環食一個美味晚餐呀~ 第一時間就想起「我愛慢煮」，係值得再光顧的一間餐廳呀~  唔好以為餐廳未開呀，因為疫情關係，餐廳只開了一邊門，其實係側面可以入的 以前係要自己落樓order, 依家可以係MENU 揀，有職員幫你落單 重用的MENU 好環保，我鐘意 雖然加有點餐服務，但餐廳依然堅持不收加一，非常有HEART呀 ( 剩係佢地不停上上落落咁上菜，都值得收加一) 呢度既菜式係好抵食~ 98蚊起已經可以食到一個慢煮既扒 SIDE DISHES 講緊幾十蚊 飲品就一般街外價錢，但酒類反而奇抵~ $158-208 已經有一枝~  聽到隔離枱有人同侍應講枝酒好好飲呀~ (可惜我酒量不佳，唔敢試)  秘制保濕豬鞍架 (8oz)  $ 138  加配煎鵝肝片 $38  ( 揀扒可以有唔少ADD-ON 可以揀架)  落單時我對8oz 無咩概念，但見到成塊扒個時就知原來8oz都唔野少架 成件豬鞍係超厚身的，好有份量~ 不得不讚下，就連伴碟的青瓜都有處理過，調過味而又係好味的~  反而鵝肝就失色左，除左薄之外 (佢有寫明係30g) ，煎得唔夠香口 慢煮係用低溫烹煮食物數小時，特色係令到D肉就得好靚同好嫩 睇見呢舊豬鞍咁粉紅幼嫩就知幾正啦~ 入口係完全唔使用力咬，雖然豬鞍有少少質感，但肉質係嫩滑~ 辣汁煙烤豬腩 $98  Add on 牛油燒帶子 (3pcs) $38  唔好以為平野就唔得，呢個豬腩同樣有8oz, 但一百蚊都唔使~ 好抵食 雖然話係辣汁，但對於食得辣既我，感覺辣度好輕微~ 煎帶子煎得幾香口~ 而且每隻既SIZE 都幾大~ 豬腩比之前的豬鞍更滑 雖然豬腩帶有肥肉，但入口一D都唔肥， 唔膩。 仲令到成舊肉特別滑添~ 海鮮芝士忌廉菠菜苗 $ 68 呢個係即焗的，上盤時D芝士仲好似溶岩咁仲滾熱辣~ 芝士是超厚，非常CREAMY, 如果係愛芝士人仕一定非常鐘意~ 話明係海鮮，真係大隻隻蝦架~  不過個忌廉汁好多，而菠菜唔算多，所以浪費左好多汁呀~ 如果下面加個意粉就好正啦~ 飯後又點可以無甜品？ 加13蚊就有一個雪糕，抵到爆，一定要記得換呀 (仲有好多隻口味揀添呀)  飲品方面，我揀左熱...

紅磚場，曾經係少女時影沙龍的指定背景 個種歐洲貴族式的貴氣，係現代建築搵唔到的 而同樣是紅磚場的西港城，係香港法定古蹟，已經有百多年歷史 係西港城坐扶手電梯直上到2樓就會見到好靚的花花拱門 穿過拱門，就踏入左2樓全層的 CLUB ONE大舞臺婚宴場地 穿過拱門位置，就會見到迎賓的前台 一上到黎，就見到呢個咁有懷舊色彩的STAGE  呢個SETTING 就係俾人證婚用的 一對新人隨音樂步進，在浪漫的燈光和熣燦的水晶燈下，受到親友們的祝福 係何等開心又感動的時刻~ 呢個臺最特別的地方就係夠哂深 入面可以擺放鋼琴，仲可以放埋證婚枱/蛋糕等等 最好就係成大班親戚朋友企哂上台影相，排3/4排都無問題 唔使一字排開，遠到WIDE 鏡都影唔得哂嘛~ 至於成個場當然夠哂廣闊壯麗 全場最多可以擺41席 請哂全部街坊都無問題呀~ 樓高2層，無柱無阻，樓底超高，感覺極有氣派~ 無論坐邊一個位都會見到臺上的一對新人 而係另一角，有個中式佈置的龍鳳大禮堂 紅絲絨配上紅磚，真係好有以前拜天地的感覺 呢個場景，方便有長輩黎可以即時斟茶， 櫈都仲話搬到，背景真係一時三刻轉唔到架 有左呢個龍鳳大禮堂，隨時中西合壁，想影咩效果都得啦~ 2樓座位, 開席前可以做埋麻雀耍樂 可以一邊留意婚禮影相進行，一邊打住麻雀 唔會錯過左影大合照嘛~ 新娘房夠哂舒適方便，仲有獨立冷氣 唔使熱到溶妝，又唔怕凍到傻 大家或者會覺得新娘房都無人見，無咩所謂 其實錯哂 新娘成晚留得最多既地方就係新娘房 而且晚禮服通常都好大件，又要人幫手著 仲要人幫手戴首飾，除首飾 唔夠人手，搞到遲遲出唔到場就唔好啦~  所以新娘房係成個婚宴入面真係好緊要架~ CLUB ONE 既OPEN DAY 除左可以親身參觀場地外， 仲有好多婚禮資訊同即場優惠 就好似呢部即影即有相機 可以預設新人背景，加有大量道具，俾在場賓客影相留念 即時攞得走，唔使再等睇相啦~ 小禮物係依家結婚必備的 唔想再送蜜糖/朱古力，特別D，...

在西港城的後面 原來有一片夢幻的天地 DK Cuppa Tea  這間茶室，就是看到大門，已經伕擄了我的心 相信每一個經過的少女，都會有走進店的衝動 (其實，我是在不停話自己係少女啦~XD)  這間茶室，除了喝茶，其實也是一間精油的店鋪 除左售賣琳琅滿目的純精油外， 仲有精油製作班及精油按摩添~ 總之有關精油的野都可以係度搵到~  但今日，我並不是為精油而黎 而是為那個新出的甜品下午茶SET ~  店鋪分前後，我地今日直入後面，是一間打地鋪的茶室 唔知點解，一除左鞋，加埋呢度既環境，成個人即刻就好RELAX  好似回左家咁隨意，率性而坐~ 呢度既環境真係會令你影唔停 而且求其搵個地方，都可以影到輯STUDIO 既相~  「不朽純真」下午茶  Pure Eternity Afternoon Tea 呢個是以獨角獸為主題的下午茶 獨角獸一直代表純真，潔淨，而生活已經將我們的純真沾污， 忙碌令我們失去方向，店主希望在這個夢幻的茶室裏放空心情，放鬆自己 重新尋回失落的純潔寧靜和方向 枱上一早已預備左魔法咭(五張)~  只要抽出一張，就可以占卜到你的煩惱 從而為你挑選最適合的精油，作為今日陪你食TEA 的香味 我今日揀中了張SAFETY 的牌 占卜師話我對身邊的人缺乏安全感 今日就會為我用玫瑰天竺葵 (Rose Geranium) ，平衡情緒、壓力 (個人感覺，占卜好準)  聞著徐徐的幽香 來一杯花茶吧 花茶可加入這個來自日本的花藥 花藥由鮮花提煉，浸在落磯山脈泉水內，可以令你散發出不一樣的神彩 粉紅色：提升女性魅力 藍色：散發青春氣息 首先在瓶底拍四下，將四滴花藥滴入茶中 花藥無色無味~ 不會影響茶的香氣和味道 有機棉花糖 SOOTHING LOVE 薰衣草朱古力有機茶  茶的熱力將一團雲似的棉花糖慢慢溶解 棉花糖溶入茶中，去除茶味的苦澀 兩者是多麼的相依相生~...