Sally Ngai's Private Heart

終於食到「牛大人」啦 ～ 放大假， 可以同女女去食早段火鍋放題（平日收工堅係爆多人 ） 餐廳佔地成層，入面的卡位很闊落。  牛大人係台灣特色火鍋放題。 食120分， 肉類，海鮮用QR 任點， 仲有唔少台灣直送火鍋料可以係自助區任取， 當然包埋任飲啦。 牛大人最特別係佢有多個好有台灣特色既湯底。 我點既金鑽鳳梨雞鍋，聽個名已知係台野，湯底有成大舊雞， 仲有醃製過既鳳梨，椰菜， 魚仔， 比平時既雞湯味道更濃郁同豐富。 肉類的質素都幾高， 最愛薄切，一燙即熟。 我今日食$258 個個餐，牛肉有澳洲A5和牛，仲有多款安格斯，封門柳，美國prime 肩里肌。除左牛外， 豬同羊都好食呀。 個澳洲羊卷肉超有羊味 海鮮方面唔算特別多，但質素都OK，隻蝦好大隻呀~   呢個餐仲每人送2粒和牛丸， 超爆油， 勁濃牛味 任食區有好多台灣直送既丸，全部盒都有蓋，好衛生~ D丸全部都解左雪架啦，唔會硬崩崩啦~ 好多特色醬汁， 我最鐘意個洋蔥牛肉醬，酸酸甜甜架，用黎食肉可以減去油膩感，再食多幾塊肉 飲品方面有個飲品櫃， 除左有大路野， 仲有唔少樽仔茶 用QR code 點仲有台灣特色飲品， 好似金桔椰果（阿女投訴太少椰果 XD）， 酸梅湯， 尤其烏梅汁超正 ~ 呢度上菜既速度超快，無漏單。 而收碟既速度都超快，一清左個碟就有人收。 一舉手又好快有人黎。不過佢2粒丸又一個碟， 洗死人個女~  其實我唔介意group 埋一齊既。XD 食到最後30分鐘就會截單唔俾再落order ( 但可以繼續食）。 同埋有一張甜品紙 可以點雪糕同台式甜品仙草凍架 。 我傻下傻下， 即刻走去點雪糕， 搞到都唔知繼續打邊爐好定食左雪糕先好 呢度既食物質素高， 價錢抵， 服務人手都好足， 唔會叫十年都無人，而且服務態度都好好。 呢餐飯好滿足 牛大人台灣火鍋吃到飽 (瓊華中心) 旺角彌敦道628號瓊華中心9樓 文章只屬個人意見, 只供參考 如要聯絡本人，請電郵至：  smonkichi@hotmail.com   Fanpge :  www.facebook.com/smonkichi   Instagram :  https://instagram.com/smonkichi/ Click be...

阿女最愛就係韓燒同打邊爐 (放題個隻) 既然佢今日咁乖除左我去做treatment, 我就請佢食打邊爐啦~  是日4:30 就去食，差唔多包場咁濟~XD  因為佢唔同時段都唔同價錢，4點半前就最抵 食2個鐘，食到6點半，剛剛好~ 呢間位於Food court 最入面，好易錯過，不過地方有夠大的 而且裝修都幾別緻，好有日式感覺，兩邊仲有唔少幾寬落既卡位 枱同枱之間都好闊，唔會椅背貼椅背個D，行出行入攞野都唔怕撞到人 呢度仲有一個好處，就係通風非常好，四周都無圍住，唔怕食到好煙 每枱都有呢套野，好夠細心呢~ 呢度採用半自助式點餐  有D係用Apps 點餐 (肉，海鮮 ，魚生刺身，炸物)  有D就自己出去拎 丸呀，菇類，麵食都可以係呢個櫃自己攞 每款都擺放好整齊，D丸溫度控制得幾好，唔會一粒粒冰咁但又唔會出哂水 ~ 菇，瓜菜類都好多選擇，啱哂女仔~   食自助餐唔怕無野食，最怕係D野污糟 睇下呢度既野咁乾淨整齊，食都食得開心D~ 至於調味料方面，當然乾淨衛生最重要 選擇就正常野~  應有既佢都有~ 呢度既湯底都有得自助~是日唔太多人，姐姐都一直有幫我加水~ 唔使自己拎 飲品方面除左有可樂個D，仲有一系列既康師傳既新口味比較特別~ 是日我揀左特選美國牛肉個個餐，可以點呢款特選牛肉 牛肉偏瘦，雪花唔算好多，但亦很均勻~~ 因為瘦底既關係，拖幾下就好食，太熟就會嚡~ 湯底叫左壽喜燒，食牛肉最正，呢個濃底味道都幾濃，唔使再沾醬都夠哂味~ 另外叫左APPS內的2款牛 質素都幾好，望落幾新鮮，薄切，快熟，唔韌，唔會成舊雪 海鮮叫左少少試下，打算諗住好既再叫第二轉 (可惜太飽唔落了)  望落都好大隻，幾靚仔~ 最驚喜係D蜆仔，幾厚肉，漲卜卜~ 刺身賣相不過不失，都幾厚切，而且唔會成舊雪~ 放題黎講，算幾好，我自己一個KO哂成盤，好滿足呀~ 壽司就點...

新年舉家去完韓國，對韓食念念不忘呢 經過渣甸街呢間新派韓食餐廳，去試了一個 餐廳係樓上鋪，打開電梯門，便看到呢個咁靚既打咭位 韓國最鐘意就係連心鎖，去到邊都見到 打咭位2就係呢個連心鎖位啦~ 大家可以買把咁靚既心心鎖，將願望鎖在餐廳的網架下 下次黎仲可以睇番添呀~ 至於餐廳的裝潢則以夢幻可愛少女心為主 地方寬敞，而且仲有單邊大窗，環境實在舒適，開揚 呢度的韓食種類不少，有傳統韓食，也要新派菜式 太多了，也不知食甚麼好？不如就來個放題吧 星期一至五 238 蚊，六，日，假期多加20蚊，就可以任飲任食2小時 韓食放題可以選擇的食物，由沙律到韓式年糕，烤肉，甚至人蔘雞湯都有 落ORDER 時只要用筆係呢塊MENU 度剔，落完單抺去筆漬又可再用，好環保，我鐘意~ 韓國餐廳，一坐低就有呢D小食 雖然係任食, 但呢兩款小食的質素都唔差呀 泡菜唔會醃太霉太淋，芽菜好香麻油味~ 味道偏淡，但用黎中和食物的濃味最好~ 大蝦沙律 點的時候寫左 一份，諗住係細細兜個種，估唔到咁大份 蝦的確係大蝦，而且係原隻上，無開邊架~  平時都係食呢D沙律，但今日呢個覺得特別好食 經老公提點，原來係沙律菜夠凍，所以食落口特別清爽~ 柚子雞翼 看到柚子2字已不加思索的下單了 上枱時係有點兒失望，其實只係普通炸雞翼加柚子醬 幸好炸雞翼炸得夠香脆和嫩滑，雖然雞翼本身無醃過，但沾上柚子醬食是不俗的~ 記得去韓國弘大，企係街邊檔食炒年糕真係好正 家下當然要點番一客黎回味下 呢個炒年糕味道真係唔錯，食落唔算辣，但D辣味會之後慢慢滲出 年糕煙煙韌韌的，沾上醬汁味道剛好~  呢度既烤肉係烤好，以鐵板上的 豬牛雞都點哂了 韓風牛肉 韓風雞肉 韓風黑豬肉 每款都煎得香香的，混以大量的洋蒽墊底 很有風味，亦很美味~ 我自己較愛雞肉，口感最好，滑滑的 韓式三層肉 韓風牛仔骨 牛的話，我比較愛呢款牛仔骨，肉質鮮明，味道亦佳  韓燒果然還是牛仔骨最好味呀~  三層肉就像是豬腩肉，...