Sally Ngai's Private Heart

阿女最愛就係韓燒同打邊爐 (放題個隻) 既然佢今日咁乖除左我去做treatment, 我就請佢食打邊爐啦~  是日4:30 就去食，差唔多包場咁濟~XD  因為佢唔同時段都唔同價錢，4點半前就最抵 食2個鐘，食到6點半，剛剛好~ 呢間位於Food court 最入面，好易錯過，不過地方有夠大的 而且裝修都幾別緻，好有日式感覺，兩邊仲有唔少幾寬落既卡位 枱同枱之間都好闊，唔會椅背貼椅背個D，行出行入攞野都唔怕撞到人 呢度仲有一個好處，就係通風非常好，四周都無圍住，唔怕食到好煙 每枱都有呢套野，好夠細心呢~ 呢度採用半自助式點餐  有D係用Apps 點餐 (肉，海鮮 ，魚生刺身，炸物)  有D就自己出去拎 丸呀，菇類，麵食都可以係呢個櫃自己攞 每款都擺放好整齊，D丸溫度控制得幾好，唔會一粒粒冰咁但又唔會出哂水 ~ 菇，瓜菜類都好多選擇，啱哂女仔~   食自助餐唔怕無野食，最怕係D野污糟 睇下呢度既野咁乾淨整齊，食都食得開心D~ 至於調味料方面，當然乾淨衛生最重要 選擇就正常野~  應有既佢都有~ 呢度既湯底都有得自助~是日唔太多人，姐姐都一直有幫我加水~ 唔使自己拎 飲品方面除左有可樂個D，仲有一系列既康師傳既新口味比較特別~ 是日我揀左特選美國牛肉個個餐，可以點呢款特選牛肉 牛肉偏瘦，雪花唔算好多，但亦很均勻~~ 因為瘦底既關係，拖幾下就好食，太熟就會嚡~ 湯底叫左壽喜燒，食牛肉最正，呢個濃底味道都幾濃，唔使再沾醬都夠哂味~ 另外叫左APPS內的2款牛 質素都幾好，望落幾新鮮，薄切，快熟，唔韌，唔會成舊雪 海鮮叫左少少試下，打算諗住好既再叫第二轉 (可惜太飽唔落了)  望落都好大隻，幾靚仔~ 最驚喜係D蜆仔，幾厚肉，漲卜卜~ 刺身賣相不過不失，都幾厚切，而且唔會成舊雪~ 放題黎講，算幾好，我自己一個KO哂成盤，好滿足呀~ 壽司就點...

話咁快又到期中試的時間 捱左幾日，終於考完啦~ 當然第一時間去食番餐~XD  我家女兒愛食打邊爐，又愛食壽司， 既然這樣，就找個可以2樣都有得食的地方啦~ 呢個位於瓊華商場的餐廳佔成層，地方非常大 枱與枱之間有非常寬闊的距離，座位都非常闊落，坐得好舒服 火鍋湯底點左阿女至愛的壽喜鍋同第一次食的泡菜鍋 泡菜鍋幾多料，辣度輕微，唔同四川的濃辣味，較清新~ 壽喜鍋甜甜的，用黎食牛肉最正~ 呢度係用APPS 落單的，APPS 內可以睇哂有咩食，落左D咩同埋幾時要交枱，非常方便~ 呢度除左可以用APPS 叫，仲有出面都好多野食攞架 調味料架滿滿的，而且很干淨新鮮~ 菜同丸呢度都可以拎到 菜的種類都唔少，而且很新鮮，洗得乾淨同切好哂~ 除左菜，仲瓜同蘿蔔同冬瓜，切得靚靚的薄片，好易煮 呢度既餃都唔係雪得實實的，幾新鮮，味道幾好 唔似雪藏的死實肉質~ 丸的種類都有好多選擇，包心丸的選擇尤其多 最好係丸唔係雪到死實的冰粒，都好靚仔~ 壽司切身賣相可以，未算好特別，但以任食黎講係不錯的 肉類的話有驚喜，切得夠大塊，夠薄，又唔會死舊肥膏 海鮮類都不俗，唔會有腥味，洗得好乾淨 無沙之餘仲好飽滿爽口~ 其他配料都好靚仔~  魚皮仲好鬆脆~ 甜品的選擇都唔少，一入門口已經俾呢個甜品架吸引了  雪櫃入面仲有好多選擇添~  最重要的甜品，當然係食雪糕啦~ 呢度的食物雖然未能好特出 但很欣賞呢度處理的食物，唔係全部都一舊雪咁，而且好干淨新鮮企理 坐又坐得舒服，唔使迫迫夾夾。 八幡屋涮涮鍋  Yahataya Shabu Shabu 旺角彌敦道628號瓊華中心12樓全層 文章只屬個人意見，效果因人而異，只供參考 如要聯絡本人，請電郵至 ：  smonkichi@hotmail.com Fanpge :  www.facebook.com/smonk...