平民米芝蓮~~ 羅勒印度餐廳
以前食所謂正宗印度咖喱 一係就學王家衛走入去重慶森林 不過衛生環境真係同森林無兩樣~ >< 另一D上樓既印度餐廳，唔知點解都係裝修麻麻同環境普通 梗係感覺唔係好干淨咁~XD 呢間位於北角的印度餐廳，可以算係我所識既第一間高級印度餐廳~(但價錢是平民化的) 而且，仲係列入左米芝蓮既三星食府~ 羅勒印度餐廳 Tulsi Indian Restaurant 一行入去，整個裝潢佈置真係是同印度菜好難聯想一起~ 反而似中環既法國餐廳仔~ 食物選擇方面都唔少，前菜既小食選擇尤其多，好多都唔知係咩黎~ 湯反而估佢唔到，都唔似係印度湯，仲有冬蔭公湯添 而且價錢仲好相宜，30, 40蚊已有一客~ 小食，阿囡看圖叫菜，叫左呢款奶酪脆盒(HKD 52) 可惜左面既圖好靚，右面上碟就有好大分別了~ 我地仲以為上錯添~@@ 而且雖然話係奶酪，仲入面有D辣既汁，搞到阿囡食唔到~ 表面既脆盒真係幾脆，但要快食，慢左，入面D汁會整淋哂就唔好食 佢加左D 平時點薄餅既薄荷醬同薯仔，入面淋出面脆，都幾得意~ 不過辣度都唔少野，大家唔好俾佢個表面呃到~ 羊肉通心燒卷 (HKD 84) 呢個唔知算係主菜定小食 又係俾佢張相呃左 (左圖)，以為係麵包捲住D羊肉之類~ 點知係成條羊肉卷~ 羊肉係打碎既羊肉，即係免治羊肉咁，再將佢卷成肉條狀 味道都幾辛辣 (每款菜都可以叫大辣，小辣，小小辣) 加入既香料蓋過了羊既膻味，味道調得幾好 不過因為免治羊肉，入口覺得好O鞋~ 主菜有豬有羊有雞有魚，雖然每款只款肉類都只係得2,3款，但其實仲可以自已配搭，例如椰汁可以配牛，蝦, 雞咁~ 可以TAILOR MAKE 你鐘意既味同肉添~ 留意番，價錢都只係幾十蚊咋~ 因為有小朋友，待應哥哥幫我地點左個咖啡喱牛腩，佢話唔辣的~ (HKD 78) 不過對於阿囡黎講又係好辣食唔到 我自已就幾鐘意呢D流質既咖哩，混飯同薄餅一齊食至正~ 牛肉都整得好淋，但又唔會係爛PAT PAT 個隻。 如果...