Sally Ngai's Private Heart

公司 OFFICE D 冷氣係咁吹住個頭，吹到頭都痛。以為呢D係小事呀？  其實呢D叫「陽虛」體質。 手凍腳凍，又怕冷，長期唔處理，遇到風或是天氣冷，頭痛就會發作。這就是中醫講的頭風，也會較難治療。 以前阿媽教落洗完頭要吹乾先瞓，生產後的媽媽唔好洗頭，其實都係講緊避免頭部受寒入風。驚等時變左慣性既偏頭痛 對於成日吹住OFFICE 冷氣既我，確實要去幫個頭驅下風囉~ 上星期，我就去左 Sujata Spa 體驗一個頭療 treatment 可以疏通番頭部的經絡，令血液運行得更好，減少頭痛再犯~ 呢度既按摩師超級NICE ，一開門已經有回家的溫暖感~ 按摩師仲整定D茶俾剛收工既我品嚐，真係好窩心呀~  抖順條氣，就入房換衫準備按摩 房間既佈置好特別，氣氛一流，入到房個人已經好放鬆，好想上床瞓~XD  開始按摩前，按摩師同我詳細解釋整個療程先 最初以為頭療只係按摩頭部，原來我錯了 ~ ><  按摩師解釋因為人體的經絡相關，所以按摩時要先做肩頸位，疏通經絡後，再做頭既部份 就可以令整體的經絡運行得更好。 又學到野了 ~ 頭療除左人手，工具，仲有儀器配合，比想像中的人手按摩豐富好多呀~ 按摩師先以人手幫我開背及疏通頸的淋巴， 每一下認穴都非常準確 酸酸軟軟又好爽，每一下我都舒服到想叫出黎~ XD   開完背同疏通經絡後，按摩師就配合工具再次按摩 咁大個女先發現，原來「梳頭」可以咁舒服 唔知點解按摩師知道哂我的痛位，每梳一下都又冤又爽 按摩師解釋，頭部的不同部置都聯繫到身體的器官的~  所以頭療除左舒緩頭同肩頸外，其實都可以幫助身體保持健康架~ 之後，按摩師就用上儀器幫我疏導經絡 呢個儀器只有暖暖的感覺 , 沒震動亦無電流，所以成個感覺好舒服，無任何刺激 當中的紅外線可以擴大毛細血管，加快血液循環，令血氣運行得更好 做完頭既後面，就轉身做前面~  360度都照顧到 按摩師同樣以人手及工具配合按摩頭的不同穴位~ 就算太陽穴，眉心呢D位都有按架~ 原來把梳咁有用，可以不同角度都配合到。搞到我都好想買把回家用呀~ 按摩師的手法真係好重要，力度更加緊要 試過大陸D按摩師下下用死力壓。按個下好似好爽，其實已經按傷左，第2日起身會成日痛。 Sujata Spa 的按摩師手法非常熟練之餘，力度仲好合適 ...

早前有同大家分享過去YANKEE MEDICAL 做 BTL幸福椅 <<第一篇回顧按我>> 唔經唔覺，已經過左三個星期 而我都完成了六次的療程啦~  依家就等我同大家分享下~ BTL EMSELLA™ 幸福椅係一個以創新專利 HIFEM™高能量聚焦磁場 直接刺激盆腔底運動神經原，進行肌肉鍛鍊運動，收緊盤腔底肌肉的儀器 或者你會問？會唔會好刺激？好痛？ 放心，過程係絕對無任何痛楚 你只會感到一陣陣的震動由細至大 之後會有幾下舒緩的輕力拍打 ，之後又再循環~ 初初第一，二次時，治療師將力度較到80度 第3次之後，我已經可以接受到100度的力度 因為整個療程只係感到震動力，唔會有任何刺痛或不適的感覺 留意番因為佢係 聚焦磁場，所以某一個位感覺會特別強烈 而我地坐既時候要坐正個 聚焦位 ，以免治療力度唔夠集中~ 唯一係頭兩次做完後會感到下腹有少 少「冤」 ，咁係因為佢幫我地既盆腔肌肉底做運動 太耐無郁，一郁番佢 ，當然要時間適應啦~ 係做到第3次時肌肉適應左，呢d 冤痛感都無埋了~  有朋友話，其實我地平時可以做一D盆腔底運動黎鍛鍊肌肉 無話唔得既， 不過當你睇完下面兩幅圖， 就會明白自己做運動同做BTL幸福椅的療效差幾遠啦~ 而我做28分鐘幸福椅，就等於做左 11,200 下既 盆腔底運動啦~  過程中只需要坐係張椅上面就可以 唔需要有直接身體接觸，亦無入侵性 　 基本上普通長褲可以就咁坐落張椅就做得 如果著左裙或者牛仔褲，YANKEE MEDICAL 就會準備呢D即棄短褲俾我 非常貼心 留意番，月經期間唔可以做架～ 至於做左六次後有咩感覺？  做幸福椅，佢可以幫你鍛鍊盆腔底肌肉，等佢FIRM番，收縮番上去 我係做完第3次時，其實已經感覺到有D不同 首先係感覺到外觀緊緻左，收緊左少少 而做完六次後，明顯有更大改變的是控制膀胱尿道的能力提高左 去廁所都唔使再急急腳驚佢滲出黎 而另一個改變就係夫妻間的親密關係 連另一半都感覺到緊緻左呢~ (羞)...

我同其他媽媽一樣，生完BB後都面對同一個問題 尿滲 而且唔單止自然分娩架，就算開刀的媽媽朋友都面對同樣的問題 咁係因為我地陀住個BB時，胎盤的重量令到我地既盆腔肌肉鬆馳左 大家唔好睇少盆腔肌肉鬆馳呢個問題，輕則尿滲，重則會失禁，子宮下垂~ 甚至，會影響同另一半既親密接觸，令到夫妻關係大打折扣架 手臂肌肉就話可以做GYM 練番FIRM啫~ 盆腔肌肉呢個位真係好難搞架~ 今日，我就去左YANKEE BEAUTY旗下既醫學品牌 YANKEE MEDICAL  搵佢地幫手 除左生育過，其實肥胖， 更年期荷爾蒙變化 的女仕， 暗地裏都有便秘、尿滲、膀胱或子宮下垂等問題的困擾，嚴重影響生活質素。 而呢D小問題如果一直唔理，就好易變成大問題 BTL EMSELLA ™  幸福椅 針對呢個問題，英國醫療級儀器品牌 BTL就創造左呢部 EMSELLA™ 幸福椅， 利用專利HIFEM™高能量聚焦磁場技術，令盆腔肌肉在無痛狀態下達到100%極限收縮， 如同做了過萬次肌肉運動，藉此深層訓練並強化此組肌肉，令其回復厚實及有彈性。 從而解決呢D不能說的困擾，搵番幸福的生活 呢部機仲攞左美國FDA、歐盟CE、巴西ANVISA以及加拿大HEALTH CANADA LICENSE 的不同認證架。 (加拿大認證係非常難拎到架~:P) 好多人以為要解決呢D女性問題 所使用既儀器都需要直接的身體接觸 所以好多女性礙於怕醜，都唔肯做 但呢部幸福椅就唔同啦，佢既造型係一張椅 而我地只要坐係佢上面，專利 HIFEM™ 高能量聚焦磁場就可以穿透我地的衣服 幫助盆腔肌肉深層訓練及收縮，唔單止有效，仲可以避免左身體接觸的尷尬情況~ 整個治療過程只需28分鐘 而我地只要輕鬆地坐係張椅上面就得架啦~ 成個療程係非入侵性既，安全無創 當儀器啓動後，會感覺到張椅會有一下接一下的震動 震動唔會令到身體有任何痺或痛的感覺 只係FEEL 到震震下咁囉~ YANKEE 仲好細心咁準備埋呢個手機架俾大家一路坐一路煲劇~XD  可想而知過程係幾咁舒適~XD  ...