夏天補妝新概念~ Bioré 印印油汗面紙
夏天又汗又油脂，化完妝唔使一陣就開始溶啦 當滿面汗水油光時，唔知大家會點補妝？ 就咁搽碎粉？諗住碎粉可以吸哂D汗水同油脂~ 其實係 錯．錯．錯． 如果舊有的油脂唔抺走再混合新的碎粉，就會結成一舊舊 浮粉之餘仲會阻塞毛孔添 正確的步驟係要先清理左面上的多餘油脂同汗水先 傳統面油紙可以吸走d油份，但唔可以帶走殘餘的溶妝 所以用完其實分別不大，仲會過份吸油搞到水油不平衡添~ 今日就介紹一隻夏天補妝必備的面紙 Bioré 印印油汗面紙 呢款係Bioré 全新推出的印印油汗面紙，舊年係日本一出就大受好評，而且成為2018 年上半年日本藥妝@COSME 新作第三名。 咁佢同平時既面油紙有咩唔同？ 呢款面紙唔同吸油紙，反而似濕紙巾多D 有再黏貼設計，用後可以再痴番實，防止水份流失 面油紙點解有水份？因為佢內含100%化妝水，但無濕紙巾咁濕，用黎輕輕拭擦，可以抺走溶左既妝之餘，仲可以保濕 面紙size 比平時用的吸油紙大，有大約平時紙巾的3/4 , 用黎抺哂成塊面同頸都有突呀~ 質料係不織布款黎~有少少濕潤的感覺，但又唔會水滴滴 因為加入了化妝水的關係，仲可以代替洗顏步驟，抺完就可以上妝啦~ 平時我返工係素顏的~XD 有時收工約左人，想化個妝執下個樣，又無得洗面，依家就可以用呢張面紙抺完再上妝啦~ 有效去除妝上的汗水及油脂 因為加入了化妝水既成份，佢既潔力都幾好，可以將溶左既妝抺走，之後補妝就更易貼服， 未用之前個底妝已經溶到八八九九，一抺之後馬上變得清爽乾淨， 皮膚即刻好似重生，識重新呼吸咁呀~ 而且抺完之後的水份立馬提升了，由原先的31%去到56% 而油份則由38%減至19%~ 抹走油份之餘，仲可以幫我地補水呀~ 溫馨提示，因為面紙潔力都幾好 補妝既時候建議要輕手用印的方法，如果用抺的方法就會將底妝完全抺走 有時化妝時失手，都可以用佢黎抺走再化過架 ~HAHA 左邊係無用印印油汗面紙，再補上粉時毛孔仲明顯左 d粉浮起哂，仲衰過未補呀 右邊係用左印印油汗面紙，粉底貼服哂，同剛上妝時無分別呀~ 面紙不含油...