Sally Ngai's Private Heart

官塘工廠大廈的食肆，往往裝修方面都好有驚喜~ 呢間THE BASE 的感覺都一樣，寬敞的地方配上厚木傢俱，有一種很恬靜的和諧感~ 室外花園更更不得了， 兩 三知已坐係度傾個計，飲杯野，好寫意 唔知點解唔放D可以食飯的枱椅係出面 (可能消防條列我估) 浪費了這一個大平台~  餐廳取價進取，主菜式由百幾到二百幾，而且好似無晚餐SET 的~ 點了這個薄荷檸檬茶 (HKD 45) 完全無糖，薄荷味很濃，入口是滿滿的清涼感~很提神 檸檬是乾那種，淨飲味道有點濃和嗆~清晨或飯後飲會較適合~   黑松露雞肉雜菌波菜肩扁麵 (雞肉改做了大啡菇)  HKD 118 以為是波菜麵，搞錯左，其實是加入左波菜既麵~ 扁麵煮得不錯，軟軟適中~ 味道淡淡的，黑松露亦沒有很濃味 沒有一般餐廳的過濃過咸弊病，對於食慣家常飯的我很對胃口~ 埋於扁麵內都有很多不同的菇菌，很豐富~ 反而蓋上大啡菇有D不夠滑~ 紅油炆牛面肉 (配薯蓉) HKD 218 牛面肉是超淋的，淋得有點兒過份，只輕輕就可以撕開了~ 因為很淋，也沒有咬感 雖然望著份量唔算太大，但食落都幾溜~ 最好幾個人SHARE ~ 上枱時沒有很濃的酒香，酒味亦已經揮發掉了, 都差點忘點有紅酒去煮~ 很驚喜是牛面肉有3粒類似法國小雲吞 本黎雲吞味道幾好，皮好有彈性，入面的肉加埋肉汁好美味~ 不過因為餡全部都係肉，加上又食左牛面肉，令到溜上加溜~ 跟肉的配菜，切得很碎，好似菜頭菜尾，唔夠大體 同埋菜唔入味，如果再爆香D菜會更野味~ 最開心係搵到3粒酸蕎頭，好開胃，可以清一清牛面肉的飽滯感~ 呢度既水杯文化都幾特別 坐底好耐都無人送上水 隔離枱有叫幾杯水，送左~ 諗住會順便拎埋俾我地 ，不過無 水上枱，係熱到出煙個隻~ 要吹凍先飲到~ 成晚都無REFILL 過一次水 隔離枱叫左REFILL，斟完，走左 完全無諗過幫我地REFILL~  珍惜食水嗎？ 如要聯絡本人，請電郵至： smonkichi@hotmail....

上個星期六入左一轉迪士尼 見到有好正既特價呀 3樣野只係 HKD 99 我地揀左呢條咁靚既米妮 3隻套裝既米妮介指同埋一套四件既頭飾 全部加埋都係 99蚊咋,平時買一件都要過百 係咪好抵呢~ 朝早去完迪士尼，夜晚當然出街食飯啦~  去左屋企附近的工廈 完美煮意 Tasicious Cafe 呢間野係我無意中見到派傳單，價錢好抵食 晚餐都係50蚊起 (大XX個D都唔止啦)  七點幾上到黎，得一枱客，我估佢應該都係靠中午個轉~ 不過對於於我呢D顧客，當然開心啦，可以安安靜靜地食個飯~HAHA  呢度裝修有少少歐陸FEEL, 簡約個種~ 主打西同台食，MENU 都有2個，一個西式，一個台式 台式由50到75，西式雖然貴少少，都係由73到最貴的 168  加40蚊仲有多3款小食~  叫左一西一台套餐 西式的沙律，賣相普通，D沙律汁只淋係面而無撈勻 味道就不過不失~  另一個湯係加左40蚊既其中之一，例湯 呢個例湯味道幾濃，但略嫌太酸了~ 湯入面有勁多湯渣，食哂佢其實都幾飽，所以我都放棄了~ 好鐘意呢隻咁有特色既碟，好想攞埋佢回家呀~XD  跟餐加5蚊轉左呢個蜜糖柚子茶 媽媽話有D太甜了，加水後味道好好多~ 阿囡就鐘意到飲唔停XD  我就加左15蚊 轉左呢個苿香奶茶 味道OK，唔太甜，很有台灣奶茶風味~ 40蚊的前菜竟然有手拍青瓜 我的至愛呀 (雖然唔明點解西式野會有呢個加，不過唔理啦)  呢個青瓜，都真係有拍架， 味道酸酸，少辣 青瓜很爽脆，但問媽媽點解唔同佢整個D，好似爭緊D野 媽媽話因為佢無用鹽拿過D青瓜 媽媽即係媽媽，一食就知了~  再黎個鮮茄汁焗豬扒飯 HKD 90 成個飯真係即焗的 而且亦係炒飯底，飯亦好軟唔會到硬左~  味道偏濃 呢個本黎係諗住俾阿囡同媽媽食的 但阿囡食左幾啖話好辣，辣死佢 原...

官塘開了不少CAFE, 對於住在官塘，返工係官塘的我可謂口福不少~ 今日同媽媽，囡囡黎左呢間 E-KAFE~ 話說不久前LUNCH到過這間餐廳 說實話，百多元的價錢實在有點兒昂貴 想不到間夜晚的套餐也是百多元，頓時感覺經濟了~HAHA 人就是這樣~ 這裏還有聖誕大餐呢，價錢都相宜架~ 呢度既裝修以原木為主，配上牆上的枯枝，很有秋意~  點了主菜，先來個湯  (加25蚊就可以有湯， 前菜同飲品架啦)  湯是蕃茄和紅蘿蔔蓉，食到係鮮打的，沒有加入忌廉，所有沒有很幼滑 不過感覺很清新~亦很健康~ 跟餐的沙律亦很精緻 是蔬果沙律，有菜亦有生果，更有莓，配搭很新穎 而且仲好有聖誕氣氛添~ 食過沙律後，先黎2個小食~ 第一個係意式焗火腿芝士小多士~ 小多士並無想像中係全硬的，而且個邊脆，中間係軟軟的包， 味道雖無大驚喜但是可口的~ 再黎一個 焗釀海皇蘑菇 呢個有少少失望，蘑菇無飛水，有D草腥味 釀的肉有魚，又唔夠熱，所以又有D魚腥味~ 主菜上場啦~ 燒老虎蝦伴蒜片銀魚扁粉 扁意粉中加入左好細的蘆筍仔，增加了扁意粉的爽口感 但個意粉底有好濃的汁，搞勻後味道有點兒偏咸了~ 蒜油煎鮑魚菇扒伴牛肝菌黑松露意大利飯 鮑魚菇扒煎得很好，意大利飯做得比較淋 芝士味亦很香濃，但又唔會太膩~ 媽媽點了跟餐的飲品，是一杯蜜糖水 夜晚不想喝有咖啡因的飲品，喝這個很好~ 當然，還可以加3蚊加入自已喜愛的檸檬或玫瑰~ 當然，還可以加錢飲不同的花茶或咖啡 我就點了這杯LATTE ~  加入左奶，蓋過了咖啡香，不過味道還不賴，咖啡也很濃郁~ 溫馨提示：咖啡還是趁熱時好喝~ 飯後當然要來個甜品呀~ 這個焦糖燉蛋相當不俗，而且以25蚊的價錢來說, CP值很高呀~ 這間咖啡店地點很方便，由官塘市中心過天橋就到 中午時間很旺場的 夜晚時間雖然未至於FULL HOUSE, 但都佔去大半座位 所以最好先打電話預約一下啦~ ...