韓式CAFE~Chibee Chicken and Beer
又係炸雞？ 無錯，又係韓式炸雞 呢間由銅鑼灣開到黎尖沙咀既過江龍 由7/F開到上23/F 老實講，個境真係唔錯~一見已經愛上XD 一出LIFT，已經見到CHIBEE既SIGNATURE 公仔，好盏鬼~ 店員會幫每枱客人影張即影即有放係度架 下次你去個陣搵下見唔見到我~ :P 一直以為呢度個名叫BAR, 我覺得界乎CAFE同餐廳之間 不過多左酒供應~ 坐黎講，近窗邊既枱距離好貼近，真係肥D都入唔到 中間既櫈又無得椅背，唔算坐得好RELAX個種囉~ 店員都以韓國人為主, 唔知係咪因為咁 MENU 就得英文同韓文~ 好彩之前有上網睇過，唔係真係唔知 tteokbokki係韓式年糕~XD MENU 其實幾簡單，一版睇哂，分炸雞類/年糕類/小食類/湯&麵類 至於飲品嘛，都係一頁睇哂~ 以酒黎講，價錢算適中，啤酒3X~4X, 真露都係7X一枝~ 每人既工具除左基本野外，仲多左個鉗架，方便你食炸雞~XD 主角黎啦~ 之前上網見大家都點呢個，當然要試一試~ 「忌廉羅勒香蒜炸雞」 HKD 178 跟雞既前菜，超好味的說 紅色的係酸蘿蔔，醃得好入味~又唔會過酸 好想再食多兜呀~ 沙律菜都唔錯，個黑醋有較過，甜甜地~ 食得太多肉時再食番呢2個前菜清一清, 消滯開胃~ 呢個雞最特別既地方係多左個好似芝士火煱既物體 其實佢係忌廉羅勒醬，用黎沾雞一齊食~ 唔知係咪當日個冷氣好大，成日吹熄D火 忌廉羅勒醬唔夠熱，忌廉味都唔係好夠香~ 羅勒味亦唔算好特出~ 炸雞黎講，呢度同之前食開既有D分別 佢每件都係細細粒，啖啖肉 亦唔係用韓式炸雞個隻脆粉 感覺嘛，似食 M 記既炸雞粒~HAHA 當然，佢係好食D個隻，雞肉雖然啖啖肉，但又尚算嫩口 炸漿亦恰到好處，唔會厚到好似食粉頭咁~ 唔沾個忌廉羅勒醬就咁食都好好味 用黎送酒就簡直PERFECT MATCH~ 所以當日同朋友都叫左兩杯啤一啤佢~ HITE韓國啤 HKD 34 易入...