價錢抵，質素佳，一個月嚟幾次都無負擔 ~ Bubble Tree
作為官塘人，成日俾人問官塘有咩好野食 依家又多一間推介，去BUBBLE TREE 啦 係官塘工廠區向藍田方向行，第一次行，可能會覺得有少許遠。 不過熟路左，其實係十分鐘內嘅事~ 12月頭，餐廳已經好有聖誕氣氛了。 不論內外都掛滿了聖誕飾物 餐廳地方不大，但亦無阻大家既熱情 人頭湧湧的進餐場面，係當下呢個時刻都好少見了。 最愛呢度嘅套餐好靈活，揀一個主菜，另外的SIDE DISH 就可以自己自由加配 MAIN COURSE 講緊只係60蚊，仲有意粉，三文治，沙律等等多款選擇 5蚊可加個湯 / 飲品, 特飲加 8 /12蚊 8蚊可加沙律, 28蚊可加埋甜品 作為平民如我，呢D價錢真係完全無負擔 一個月嚟多幾次都無問題 就好似呢個咁豐富的餐 湯+沙律+MAIN COURSE +特飲 只係90蚊 係咪覺得超級超值？ 咁當然，價錢好都要質素佳 呢度既出品連我餐飲界既老公都話好啦~ 紫薯湯 ~ 紫薯味好香，質地非常濃稠，仲有紫薯蓉的口感, 唔係只用粉開的湯 最重要係...佢係非常熱~ (感動中) 田園素菜沙律配牛油果沙律 +$8 牛油果同大家躲貓貓，一堆綠色~HAHA 但8蚊有成半個牛油果，好抵~ 大啡茄，雞肉配南瓜汁燴意大利飯~ $64 第一次出街食飯聽到我老公主動讚好食~ HAHA 大啡菇真係細心處理過，用汁烤完再切片～ 細心又美味 南瓜汁好濃，甜甜地，將D飯滿滿包裏 連麻麻意大利飯既我都愛上呢個飯 本黎想黎食出名的鐵板飯，但LUNCH 食得太飽 唯有先試左個三文治，下次再黎試鐵板飯 煙三文魚雞蛋沙律牛角包三文治 $58 估唔到連個牛角飽都有擺盤~ 牛角包的包皮烤得香脆 煙三文魚切片都好厚實 泡沬咖啡 加配+12蚊 有成16oz, 超級大杯，仲有免費加添一款topping 添~ TOPPING 我揀左碎曲奇~ 配埋塊薄荷葉，好似植物~ 泡沫好濃厚綿密呢。 荔枝梳打 - 特飲 + 28蚊 又係超級大的一杯，連剩下的半樽梳打水都一併上枱。飲極都有~~ 完整荔枝都有幾粒，唔係碎切上 甜品都係加28蚊，有3款可揀 雪糕窩夫 / 紐約芝士蛋糕 配雪糕 / 朱古力心太軟配雪糕 我就揀左朱古力心太軟配雪糕 呢個甜品平時單點起碼 48蚊不止，呢度加28蚊，好超值...