Sally Ngai's Private Heart

牛大人台式火鍋是一間我會成日去的任食火鍋店  因為價錢合理，食物質素好，而且又有我最愛的台灣食品 牛大人的養生火鍋湯底，大家一家唔陌生 每款湯底都有超多養生同健康的材料，就咁一鍋其實已經係一道養生菜 我自己就最推介呢個 台灣鳯梨雞鍋 除左有大量的鳯梨，仲有半隻雞同大量涼瓜，成個湯底即刻無咁燥熱呀~  而且即使有涼瓜，個湯底都唔會苦的~  來牛大人的另一個重點，就係佢嘅台灣小食，台灣腸同梅甘酥脆薯真係必點 每次都要ENCORE 2 次~XD 火鍋，肉都係一個好重要的考慮因素 牛大人肉除左有安格斯，仲有澳洲和牛，美國PRIME  款款賣相都好靚，而且薄切又大塊，快熟又唔會係湯底失蹤嘛~ 用黎火鍋最適合 好推介紐西蘭羊卷肉，超有羊味，最啱鐘意食羊嘅朋友呀~ 澳洲M9和牛牛丸，真係不得了，超濃牛味，而且超多油脂，仲超爽彈牙 呢3款又係超級推介 新鮮沙白，超大隻，無沙，好鮮 台式蝦餃 ，新品黎，幾新意，有D似魚皮餃  豬大腸，以為雪藏野無乜味，但估唔到超濃豬味~XD  牛大人的飲品都係任飲，仲有多款新奇飲品~第一次見呀~ 比起罐裝，我更愛佢的落單飲品 呢個烏梅汁超濃，酸酸甜甜，配火鍋一流呀~  新出的芭樂鹽小麥啤，UGLY HALF 酉鬼啤酒出品 台灣直送架,  有土芭樂同珊瑚礁鹽，好新奇 入口是酸酸的感覺，小麥味比啤酒味重，女仔都好啱飲呀~  我鐘意黎牛大人嘅另一個原因就係乾淨企理 除左種類多之外，仲處理得好好，冷藏櫃夠哂凍 每款食品的賣相都好乾淨新鮮，唔會拎唔落手~  調味料一樣多選擇之餘又夠乾淨企理 因為不時都會有人清潔架 座位好闊落，坐得舒服 服務方面都要讚下 上菜快又無乜漏單，收碟都快，一清空就快有人黎收走，KEEP住枱面夠位放食物 仲定時有人幫忙加水 新推出呢個電線借用服務更是深得我心~ 第時出旺角電話無電，可以上黎幫部機充下電 順便幫個人都充下電~ＸＤ  牛大人台灣火鍋吃到飽 (瓊華中心) 旺角彌敦道628號瓊華中心9樓 電話： 39539320  網上訂座：https://masterbeef.hk/ 文章只屬個人意見，效果因人而異，只供參考 聯絡本人： smonkichi@hotmail.com Fanpage :  www.fac...

以往老公放假，都係要帶住隻女 難得今晚可以同佢2人世界，當然要食番D成年人既野~ 唔好諗多左，其實只係想食下辣野者~XD 米走雞，之前係長沙灣食過２次，每次朋友都好滿意 所以今日就特登帶老公黎銅鑼灣的分店試下 位於渣甸中心3樓全層，一開LIFT 門就到~  原來呢間叫米走雞 DELUXE，裝修又真係DELUXE D。 走懷舊高格調路線，仲有唔少卡位，今晚同老公係度撐枱腳，感覺好似返去拍拖的年代 (可惜個死佬遲左半個鐘~ >< " )  又好彩係平日，無限時，唔使阻住人者~ 雞煲黎講，我就左火焰麻辣雞煲 細  (1隻辣椒) 難得銅鑼灣呢D地區，雞煲依然無加價，感動~ 姐姐乾炒左個雞煲後，就加火啦，好有視覺效果~  真心，呢個雞煲係超級抵食 百幾蚊，成個煲咁多雞，仲要舊舊都啖啖肉  其實我次次都食唔哂D雞................ 雞肉用上左雞脾肉，唔單止啖啖肉，D肉質仲好嫩滑 見唔見到雞肉上痴左唔少 D香料架，證明個煲真係落左好多材料~  麻得黎又夠香，辣得黎又有味~  枱面的餐紙有教點樣食雞煲啦~  通常我食到咁上下，就會撈起D雞件，叫人落湯  湯有得揀麻辣湯底或清湯 但本身個雞煲都好夠，所以我揀清湯已經好夠味  經過之前的經驗，今次我都唔敢叫太多打邊爐料 好彩呢度既邊粒爐料有得揀半份，啱哂人少少既我地 手切新鮮牛頸脊 雪花分佈均勻，非常嫩滑，根位又爽~ 每次黎米走雞，我都會叫一碟架~ 自家制炸響鈴又係必食 呢度只係半份，有3舊超大的 最鐘意呢度既響鈴食到腐皮的質感，又唔油膩，輕輕放落湯一濕即食, 吸哂湯底的精華 好大的一舊，食一舊都飽左~  菜亦有半份叫，我覺得油麥菜同個雞煲係非常夾 可以吸收到湯底的滋味，但又唔會太過吸水~ 當然仲贊下呢度既菜好新鮮~ 仲唔會有爛有黃  溫馨提示，呢度既醬料要每位收 $16 蚊的，雖然醬料無乜大驚喜，不過都乾淨整齊 每次都黎食火焰雞煲，一直未有機會試佢既芝士雞煲 阿女話下次要帶佢去試喎~  米走雞Deluxe 銅鑼灣渣甸街50號渣甸中心3樓 文章只屬個人意見，效果因人而異，只供參考 如要聯絡本人，請電郵至：  smonkichi@hotmail.com   Fanpg...

『香江花月』將打邊爐呢件事變得又靚又典雅，感覺完全唔同哂~  好多謝好姊妹帶我黎呢度食正野, 未食完，我已經不停SEND 相俾朋友威威啦~  香江花月位於佐敦百誠大廈2樓，鄰近廟街，大廈外表就睇唔出有咩特別 但一出電梯，成間餐廳既環境，裝修，氣氛會令你完全忘卻自己身處佐敦。完全將佐敦的食肆平均值拉高左至中環水平。 寫文時上網搵下資料，原來呢間餐廳耗資左 1,200萬裝修。以昔日五十年代中西合壁的舊香港為設計背景，呈現舊香港的獨特情懷，甚有心思。 唔怪得之咁靚啦，令我聯想到張愛玲的《傾城之戀》入面的優雅古典建築~ 餐廳以五/六十年代背景做主題，懷舊得黎又好GRAND  而且仲放滿左好多店主搜羅返黎既古董~  好有心思，又有味道~ 見到個留聲機，耳邊彷彿傳來  .....是誰.....在敲打我窗........... 最得意係入口門位有間超靚既TEAMLAB 房間俾大家打卡 雖然同餐廳既主題有少少分野，不過靚野，大家都鐘意啦~ 甫坐低，待應就送上每人一杯WELCOME DRINK ~ ( 真心幾Surprise  好感度即刻 up!up!up!)  再黎望真D呢杯荔枝特飲，杯底有條錦鋰仔架，好可愛，心心眼呀~ 擺放醬油的部份位於餐廳的中心，乾淨企理，圓形設計方便大家取物又唔會迫埋一齊 各式各樣的醬汁同配料齊備 建議放醬料的盒蓋加番個手挽，方便掀起個蓋呀~~~  是夜主角上場啦~  養生美顏湯底 加「香江拼 」 火鍋配料 將食物擺到成個花環咁，未起筷，相機已經開動 店名取名為「香江花月」，其實暗藏兩個不同的意思，除左代表昔日50年代舊香港五光十色的浮華外，另一個意思就係食物以繁花盛放的姿態呈現，拼盤除左加入不少花卉裝飾，師傳更將各款牛肉捲成一朵朵花咁，有心思又有新意~ 呢個集齊豬牛羊的拼盤，種類多不勝數，我以有限的記憶力將佢地寫番出黎，有錯請多多包涵唷~ 食物種類包括各款不同的牛，有安格斯牛、牛白肉、牛展、牛心椗、牛柏葉及牛脷，愛牛的我真係超開心，一次過可以試哂咁多款~  蝴蝶腩真係有驚喜，入口嫩滑，牛味超濃郁，一D都唔嚡 安格斯牛無得傾，油花分佈均勻~ ~入口嫩滑而不失牛肉的質感~ 牛心椗平時好少有，薄薄一片，灼幾下就熟，入口爽脆，口感過癮 牛展切成薄薄一片，筋肉...