Sally Ngai's Private Heart

 終於去左啦🤣🤣  今次富山麵家聯乘Sanrio 主角是KUROMI, 我仲攞埋珍藏左17年嘅Kuromi 公仔一齊黎影相添 全個餐廳以紫色為主，餐廳由外到內都滿佈kuromi , 真係令人極度興奮，係門口已經影影影 ，入左餐廳更加影唔停手。 今次推出的主題拉麵有3款 我試左其中2款 特製黑咖喱拉麵同特制黑醬油拉麵 特製黑咖喱拉麵 成個kuromi 樣好可愛，黑色部份是紫菜絲 kuromi 樣是日本魚蛋 2隻角竟然是脆脆多士 跟麵仲有一碗角切豚肉粒同黑色嘅咖喱 非常有創意又好食 黑醬油以印滿kuromi 的拉麵碗上 仲有kuromi 樣嘅魚蛋同紫薯骷髏頭logo , 超可愛😥  KUROMI 包入面係紫薯蓉，撕開個下好殘忍呢🤣 明太子章魚燒, 唔止有樣，仲好好食 超靚的2杯特飲 特製蝶豆花啫喱梳打 特製荔枝啫喱梳打 顏色超靚，淨係面嘅KUROMI 係棉花糖黎，仲有心心型糖果粒點綴，入面仲飲到條條啫喱，增加口感。 富山麵家同Sanrio 聯乘 我已經黎左第3次 第一次係melody , 第二次是肉桂狗，今次KUROMI , 唔何下一次又會到邊個主角呢，好期待呀😘😘😘 @ramenirohahk 

去左日本？ 唔係呀，呢度係旺角黎架~HAHA 雖然間鋪細細，但裝修勁有心思~ 除左門面咁有特色，估唔到餐廳入面仲癲 係全店不足20個位既鋪竟然可以整呢D 飛簷設計，不得不寫個「服」字~  搞到我有換番件「和服」的衝動~HAHA  除左大裝修外，連DETAIL 位都極之日本，連調味料都好足呀! 同日本的拉麵鋪一樣，呢度專心做拉麵，以4款湯底為主，分別係濃蝦湯，雞白湯，醬油湯同魚介湯，仲有沾麵可以揀添~ 拉麵價錢由 $75 ~ 最貴的$148 都有，視乎你要咩料啦~ 佢既小食都好吸引，而且唔貴~  落左ORDER, 店員會送上呢個牌，方便送餐，大家記得將個牌放係當眼位置呀~ 點餐時諗左好耐，究竟咩餸配咩湯底呢？ 我自己又唔係好接受到濃蝦湯配牛~ (好似大家都唔係朋友呀~HAHA)  最後揀左呢個 (都係店主推介)   燒牛肩胛拉麵 $ 98 (湯底可自選，我揀左醬油)  極之吸引的賣相呀~ 上枱時既牛肩胛係剛熟，我建議大家好快D食左佢，因為呢個時候係最嫩滑架~  放耐左，就會俾D湯浸到OVERCOOKED， 牛肩胛本身加上了黑椒調味，入口味道都幾濃~ 我自己幾鐘意呢度既拉麵，軟硬適中，唔糊口，好掛湯，而且份量仲好多~  愛辣人仕可以試下呢3款辣粉呀~ 真係超級正  原味本身已經辣 (比七味粉辣)  我尤其鐘意食蒜香同洋蔥味，真係有勁香的蒜香同洋蔥味架~ 好想買返枝食薯條/薯片，一定勁夾~ 濃蝦湯係店中大熱，當然要試試 我揀左虎蝦去襯佢~ 香煎虎蝦拉麵  $ 98  虎蝦超大隻，煎得好香口，而且個蝦殼已係背部切開，食都好方便 濃蝦湯係超濃味架，只係夾起D麵已經陣陣蝦味湧埋黎，完全係用蝦頭熬幾個鐘出黎個種感覺，最surprise 係湯底仲有好多櫻花蝦仔呀~ 主菜精彩，小食一樣唔輸蝕 叫左2個特色食品 鹿兒島流心芝士薯餅 $28  聽個名都覺得好吸引，係咪？ 而佢個樣又真係好鬼吸引，新鮮熱辣炸起，唔太多油 外皮鬆化，咬落啖啖芝士，配埋調過味的薯蓉。好CREAMY又脆口，雙重享重呀 溫馨提示：小心燙咀呀~  沖繩苦瓜餃子 $48 好開心同行的朋友肯一齊食苦............瓜呀~HAHA  餃子煎得OK啦，賣相擺出黎唔算十分...

上星期去旺角做完FACIAL 搵地方食野 周圍都人頭湧湧，完全迷失方向 行行下行左入旺角女人街的兩邊鋪頭搵食 見到呢間鋪頭感覺幾干淨企理，價錢又唔貴 就入左去試試~ 入面同面門一樣，係女人街入面，仿如一股清泉 無燈紅酒綠的裝修，燈光又光猛!~ 呢度仲好多不同國藉人仕幫襯， 入去時有枱印巴籍家庭係度食緊，中間又有個外藉人仕入黎 臨走又有個鬼妹入黎買外賣 真係估佢唔到~ 碗同碟都係以白配淡綠花紋，和環境很相襯 而且兩者更是一套架~ 又係我的手拍青瓜 (真係去到邊都要食的一款菜)  HKD 22 呢度既手拍青瓜無辣，只有蒜香，不過青瓜幾爽脆，個酸汁較得剛好 幾出色的一個前菜 酸辣湯麵 HKD 44 超大的一碗，個碗大過我塊面~@@  入面既料都好多，有竹笙/豬紅/瘦肉/荀絲/木耳絲.......  麵係滑滑的上海麵，份量都好多 其實呢碗麵, 一個女仔應該食唔哂~  料就夠，但味就唔係好夠 酸同辣味都偏淡，感覺差緊D野咁~ 如果酸同辣味都增升番，整個湯會美味好多~ 京蔥羊肉餃 HKD 54  又係超大的一碗 竟然有一打餃係入面~@@  京蔥唔算好多，反而羊肉滿滿的~ 絲網鳳尾蝦春卷 HKD 28 呢個小食味道同賣相都無乜特別，似街外來貨 不過價錢算幾抵，28蚊有4隻 值得一讚係炸得幾好，幾鬆脆之餘亦無咩油~ 呢間餐廳未算話超級好食 但味道都可以, 而且味道很住家的感覺，酸辣餃子感覺似家庭手作，唔係街個D現成野 而且價錢好抵，份量超大 地方又企理，又唔使同人迫 係旺角食飯，真係唔錯的選擇 食麵 Shimian 旺角通菜街78號地舖 如要聯絡本人，請電郵至： smonkichi@hotmail.com Fanpge :  www.facebook.com/smonkich Instagram :  https://instagram.com/smonkichi/ My Blog Li...

曾經因為人頭湧湧的嘉蘭圍，隨住利是商場的没落而變得冷冷清清~ 好一陣子無黎尖沙咀的嘉蘭圍呢邊食LUNCH 今日約左朋友食LUNCH，見到佢GRAND OPENING  拉麵店唔算十分大，一面係開放式廚房~ 呢一邊就係卡位，LUNCH 時間都幾多人~ 要搭枱 不過暫時等位都好快~  呢度既LUNCH 餐牌簡潔明快 有麵同飯，基本SET 再有追加~  追加既食物選擇都好多，除左一般日式小食，仲可以追加飯添~ 枱面都放滿了不少的調味料~ 最特別係呢個 " 香蒜辣油"  有很濃香的蒜味，加落拉麵度味道相當夾~  朋友點的白豚拉麵~亦係最基本的拉麵 HKD 62 豬骨湯底加上兩片日式叉燒~  另追加了一個溏心日本蛋 (一隻 12蚊)  註：呢度既拉麵本身係無蛋跟的~  溏心蛋好流心。蛋味都好濃郁~  而我就點左個辛 豚拉麵 其實就係白豚拉麵的辣版，湯底加辣~  HKD 68 2款拉麵的麵底都一樣，麵條幾煙韌~ 有淡淡的麵粉香 ~  那一條條細切木耳絲，為麵添上了爽勁。 2片跟麵的叉燒都不賴，厚薄適中，看似好瘦，但食落唔太O鞋~  呢度跟麵既配菜好正，除左有大量的蒽和木耳絲外，仲有呢D好正既荀 荀條唔止爽口，仲有好濃郁的荀味~ 敗筆處就係個湯底竟然唔夠熱，唔知係放左耐上菜定太多人既關係 上到枱已經無左熱騰騰的蒸氣，食落其實都係熱，但唔係剛煲熱個種滾熱~ 食拉麵，湯要滾熱辣先夠味道，唔夠熱的湯底真係要扣分 小食加左18蚊來個燒雞翼~ 雞翼一開二，仲攤開哂黎燒 快熟又方便食~ 有很香的燒烤味，雞皮燒得略乾，尤幸雞肉部份仍然算嫩滑~  另加 18蚊的餃子有4隻，都算抵食  外皮煎得幾脆，餡既味道就中規中舉啦~ 跟餐有野飲的~ 以價錢黎講 68蚊包埋野飲，算係幾抵~ 不過呢個熱奶茶就係行貨的茶包奶茶 下次揀其他...