Sally Ngai's Private Heart

阿女今日有節目，唔陪我2老，等我帶老公去食下好野啦~ 老公係牛魔王，最愛食牛，同佢去左呢間和牛專門店 燒肉牛蔵 Yakiniku Gyukura 呢間餐廳成日都經過~ 但估唔到入面原來咁大 而且仲有唔少日式卡位，配合木系懷舊裝修，好有日本匠人餐廳既感覺~ 今次我地食既SET 係無限時A5和牛燒肉日式放題 唔單止有A5和牛，仲係無限時任燒任食架~  呢度主打和牛，二話不說，先來和牛拼盤~  和牛共有2款 選擇，分別是和牛西冷和牛肉眼 每款都可以任點架~ 我地ORDER 左3 ROUND 呀~HAHA 睇下牛油脂分佈，就分辨到呢個係咪靚和牛啦 Ｄ油脂唔係得局部，而係整塊都咁靚 燒起上黎紅潤有光澤，油脂滿瀉，入口即溶，超嫩滑 食完呢幾舊和牛後，我已經返唔到轉頭，唔想再食其他肉啦~ HAHA 呢度既羊架都好正，一定要試試 未燒前肉質嫩紅， 而且師傳仲將佢開邊方便燒~ 入口肉質鮮嫩，帶有少少羊膻味，非常推介~ 除左日式A5和牛，套餐仲包括左澳洲和牛任食 澳洲和牛的賣點同日本和牛有D唔同 佢既牛肉味比較重，食起上黎較有質感，同埋無日本和牛咁膩 牛蔵既澳洲和牛質責都好高，同樣有肉眼，西冷 油脂同樣分佈得好靚，好平均~ 肉質好新鮮嫩~ 當然仲有我最愛的牛舌片啦~  呢度既肉類全部都係無添加直出，無加任何調味 大家可以根據自己既喜好加上不同醬料。  除左岩鹽，燒汁，七味粉，仲有呢款好少見既指天椒粉,  指天椒果然名不虛傳，落少少已經辣味好出啦~  除左燒肉，呢度仲有炸物，刺身，壽司任食 但因為食和牛已經食到好飽，所以只係淺嚐左幾舊刺身同壽司~ 除左QR code 落單外，呢度仲有一個自助區 有不同的食品，飲品可以拎  種類繁多，而且乾企理衛生~ 甜品賣相可以，但入口就普通，味道太淡~  呢度既雪糕雪條真係超級多選擇，一下唔為意以為去左超市～XD 2個雪櫃內放滿了雪糕，雪條，甜筒，仲可以 QR Code order MOVENPICK~ 簡直是甜品控同小朋友既天堂呀~HAHA 燒肉牛蔵的套餐組合有好多，有限時，無限時 仲有不同時間同食物的組合  我仲發現左原來佢既 LUNCH SET 係超抵食，要搵日黎試下先~ 燒肉牛蔵 Yakiniku Gyukura 尖沙咀彌敦道63號iSQUARE國際廣場7樓...

B Mix 絕對係一間會令你再光顧的燒肉店  新年時朋友帶過我去一次，覺得非常抵食 今次帶埋老公同阿女黎食 今次黎感覺有D唔同，日本氣息濃厚左好多 原來掛左好多日式燈籠，連牆上都貼左D日式牆紙，成個氣氛熱鬧左。 上次食左個海鮮燒肉餐 今次見佢新推出左個牛/豚燒肉餐  2人餐 7 折左都係300蚊度，堅抵~ 呢度既套餐份量好多, 而且上餸勁快，話咁快就放滿一整桌 好彩呢度既位又夠闊落，枱又夠大，一次過上哂都無問題。 雖然係2人餐，但2個人真係食唔得哂~~  燒肉方面絕對對得起價錢 款款都好靚，肥瘦均勻，而且仲係厚切，唔係薄到透明個D  肉類可以揀原味，燒汁，鹽燒，我地揀左原味 因為呢度每枱都有一SET自家製醬油，味道好好。就連鹽都係俾岩鹽架。 鐘意食咩味都得，塊塊唔同味又得~  跟餐的燒肉仲有一個極上牛五花 望落好似都幾肥美，但好適合用來燒烤。燒完出黎後油脂豐腴，肉又夠滑。 跟套的有沙律，2個味飯，唐生菜同雜菇，真係食SIZE DISH 都飽 呢個味飯有好多紫菜，又有味素 我女末開始燒肉，已經食左大半碗~XD   雜菇用鍚紙兜上，唔怕燒到乾。 仲有大大舊自家製蒜泥，非常惹味~ 今次我地叫既飲品全部都一樣色架~HAHA  3款都好好飲，百香果好清香唔算太甜，仲有粒粒爆珠，阿女好鐘意 個芒果沙冰 D冰勁幼滑，雖然芒果味有少少化學，但都好OK 我最愛呢款甘橘梳打，佢有10% 果汁，味道好清新，跟一杯冰，變相倒到2杯架 因為眼闊肚窄 我地仲點多左2個小食  (飽到行唔郁)  但呢個魷魚又好OK，炸得好金黃香脆又唔油 估唔到呢度既熟食都幾有水準 呢個雞肉腸阿女要點 48蚊有5條，大大條，真係好抵 佢有D似台灣腸，燒黎食非常香口 仲有VIP房，我地行過聽到有人唱K呀~*0* 下次要約埋班朋友黎唱下先~  B-mix 燒肉餐酒館 元朗鳳攸南街9號好順利大廈2座商場1樓2-3號舖 港鐵元朗站 H 出口, 步行約11分鐘  

上去熊本燒肉，要行上呢條樓梯，有D似時光隧道的感覺 因為佢將帶大家返去青春年代 一出LIFT 口，見到好多日本雜誌貼滿牆 的確，我地成長的年代都係受日本文化影響，不論日劇，歌，衣著打扮 而最深影響的，一定係日本動漫~  熊本的裝修佈置唔單止以日系和風為主 更加入了大量日本動漫的元素~ 我今日坐呢區就係以SLUM DUNK (男兒當入樽) 為主題 仲有龍珠同熊本熊區 阿女對呢D動漫人物一D都唔陌生，因為佢老豆屋企收埋好多~ 我地仲即刻影相俾佢，等佢羨慕下~HAHA 呢D日本海報一睇就知年代久遠 （可能係老闆私藏）  有Ｄ人物我都未見過呀～   聖鬥士星矢我當年都有追過下架~ 阿女反而被另一邊既裝修吸引 因為佢用上了大量手帳畫作主題 （阿女呢期玩呢Ｄ） 真係畫得好ＱＱ架~ 今日食燒肉放題，點餐係用 IPAD, 免除左行黎行去既麻煩 我中午時間去，人流唔算多，點既菜基本都無漏單，每款個樣都幾靚仔。 不過點餐 點 "1" 有D係得一舊，有D就有幾舊，有D難估 建議唔好一次點太多，以免造成浪費呀~ 話明燒肉　肉當然係主角 呢3款澳洲和牛同鹿兒島豚肉超級正 雪花紋理清晰，入口非常嫩 我地encore 左3 round ～ haha  第一次燒牛栢葉，估唔到又新奇得意 夠爽口又脆脆地 幾鐘意呢度既雞6翼，特別整成單骨，易燒易燒 黑椒味同韓式醬都好好味，必點呀~ 要讚下呢度既網燒爐，無乜煙，無乜味，唔怕食到成頭煙~ 因為食得太多肉, 要點番D菜中和下 ENCORE 左澳洲和牛，質量同第一碟都一樣喎，唔會虎頭蛇尾~ 阿女話個鮮冬菇加埋燒汁非常好味，後尾又ORDER 左幾次 熟食點左好少咋  八爪魚丸好OK~  但個炸帶子就麻麻，好乾身~ 叫左一份蕃薯仔，有好多~ 所以份量真係靠估~  牛脷非常厚切，不過燒得好有D難度 ~~ 甜品時間 自製左呢個甜品餐 個芝士年糕好好味，阿女又叫次2次~~@@  而我幾鐘意個紅豆和果子，唔太甜~  小朋友最開心就係呢個燒棉花糖  好少燒烤店有架~ 用網燒又易控制，阿女自己都燒得好靚~ 睇下佢玩得幾開心~ HAHA 呢度飲品方面以罐裝裝為主，選擇唔算好多 仲有自家製既飲品同生啤枱 （生啤要另費）添~ 熊本燒肉 Yakiniku Kumamoto 銅鑼灣謝斐道...