Sally Ngai's Private Heart

觀塘駱駝漆大廈雖然係工廈，但呢度嘅消費其實都唔平 鳥棲暫時係我食過嘅食肆中最平最抵食的一間 呢度雖然食日本野，但裝修都幾西式 餐廳大部份都用上呢種梳化椅，坐得好舒服~ 胡麻汁牛肉 $78 呢個其實就係我慕名而來的菜式 鐵板仔細細個，好得意，好似玩具咁~XD  唔好以為佢細個就無咩力，佢燒起上同平時的韓燒爐一樣咁勁架~ 雖然只是 78蚊，但牛肉都有成十塊咁多~  牛肉望落有小小肥，但燒完之後就剛剛好啦~ 我最鐘意佢D牛肉處理得好好，可以成塊夾起，唔會雪到一夾就碎哂個種~ 燒牛肉加胡麻醬，又真係幾唔錯喎~食落無咁膩 唯一要留意係呢個菜燒嘅時候會有D油彈出黎 (最好交俾男人做~XD) 餐廳話佢地好快就會轉MENU, 遲D就會無左呢個ITEM 好可惜呀~ 想食嘅朋友就快D去試下啦~  黑胡椒煮蜆 $88 成個湯底都好濃郁，黑胡椒味好濃~   蜆好大隻，隻隻都有肉，D肉仲係漲卜卜架~ 我地2個人食，待應攞左3個碗俾我地 其中一個係裝殼的，又幾細心喎~ 大蔥雞肉稻庭烏冬 $78 呢個烏冬真係好傳統嘅做法，依家出面街已經好少見 佢用上傳統的粉紅色魚蛋， (依家已經用哂鳴門卷啦) 仲有我最愛的油揚和大蔥~ 雞肉是全瘦無皮雞肉，再配上清湯底，啱哂注重健康同怕肥的人仕~  叫了2杯特飲 ，菠蘿乳酸梳打 ($34) 和 摩卡 ($38)  菠蘿乳酸梳打我覺得不錯，唔會有藥水味 摩卡就略嫌咖啡味有D淡~  鳥棲日本料理 Tosu 觀塘開源道60號駱駝漆大廈第3座5樓S室  

朋友搬左去大圍田心村 一直都未有機會拜訪 今日終於約左佢食飯~ 朋友話呢間鋪超級旺，成日都好多人，一直想試，我當然要捨命陪君子啦~ 因為唔想等位，食個早飯，六點幾去到 好彩行早一步咋，下個已經要等 由我地坐入去到走 (八點幾) 都一直滿座同有人等位，超級勁呀~ 呢度最出名，應該係呢D便堂，我見好多枱都有點 幾十蚊，又多野食，我地都點番個先~ 除左便當，呢度仲有其他日本野食~ 有刺身，炸物，拉麵，仲有特長7吋壽司同串燒~ 價錢都係幾十蚊，非常街坊價~ 朋友叫左呢個三文魚蜆肉味噌湯 雖然湯唔係大大碗，但入面既料就勁多 有成半碗都係料黎，有三文魚/蜆肉.豆腐/紫菜~ 湯呈奶白色，魚味濃郁非常~ 飲完暖胃又飽肚~ 熊本便當 呢度既便當都係以日本的地方命名，京都，秋田，宮崎.... 係咪唔同地方既便當會有唔同特色呢？ 我無特別研究呀~不過唔理邊個地方，最緊要好食啦~ 便當分左四格，有四款唔同野食 青瓜反卷上埋滿了超多蟹籽 呢個好得意既叫 香炸軟馬蘇里拉芝士片 馬蘇里拉？諗左好耐，我估應該係 Mozzarella ~水牛芝士~XD 就咁睇個外表，無可能估到佢係芝士~水牛芝士的芝士味唔會好濃， 入口香脆，入面係空心架~ 好新奇的一個炸物小食~ 炸雞翼，炸得皮脆肉滑，不過外表就黑左少少， 同埋味道有少少偏淡~ 呢個便當，最震撼係佢既咖喱飯山，真係成座山咁多，一定夠飽~ 而且咖喱係甜甜日本咖喱，我好鐘意食~  雖然好飽，但食哂~XD  因為唔覺意個便當有雞翼，我地仲單點左呢款~ 忌廉芝士磨菇釀雞翼 呢個雞翼超好味呀，去左骨，入口釀滿了忌廉芝士磨菇~ 多重味覺享受，估唔到磨菇同雞翼都做到朋友喎~ 雜錦海鮮拉麵 叫左便當，又想試下佢既拉麵~ 海鮮的話，其實係多春魚、元貝和蟹柳 老實說，賣相麻麻~ 一黎碟太大而食物太少 一黎都係黑黑的~ 望落唔太吸引~ 那個元貝的話，煎得有D乾，變得有D韌~ 反而拉麵就比較正常多了~  那個溏心蛋煮了很...

朋友相約食飯 上到黎，睇到環境，咦咁熟既，原來我之前己光顧過啦~ 不過，高質素的食物，食多幾次都無問題 XD 呢度裝修日式和諧，安逸寧靜～　 今晚唔係食OMAKASE, 所以坐ORDER 枱~ 入左呢間和式房間坐 上次食OMAKASE無睇到餐牌，今次第一次見 好靚呀，好有心思，同成間餐廳超襯! 今次要試D新野，叫左呢個 海鮮刺身山葵芝士沙律 超級豐富的沙律，大量的魚生外，最得意係有魚皮 魚皮煙煙韌韌又爽口~配埋沙律食好夾喎~ 食之前要撈混下面既菜，味道酸酸味味，非常開胃 而且份量係超級多  最好3-4人食~ 滿滿的海膽刺身，見到都好滿足 每塊海膽都大大塊的，鮮味滿瀉~ 用紫菜卷起，加入少少wasabi, 可以減輕海膽的膩，多食幾件也無問題~ 這個季節壽司拼盤10貫 看得人心花怒放 由左至右，味道由淡至濃 深海池魚/大拖羅/金目鯛/平政  伊佐目/赤貝/大蜆/白蝦 海膽/三文魚籽 尤其大拖羅入口即溶，金目鯛魚肉甘香~ 那個白蝦壽司，唔好睇佢咁細件，原來已經有十幾隻蝦啦~入口滿滿的膠質~ 呢個叫伊佐目的壽司，係第一次食呀 上網查了查，是夏季當做的一種魚，貴價魚黎架 伊佐木肉色白裏透紅，脂肪含量，味道清爽甜美，入口微帶爽脆但滑身 每件壽司飯都加入了自家製的醋，有少許淡啡色，入口微酸，令魚肉的鮮味提升，唔使再沾醬油 東松島生蠔 加入了海苔汁和酸汁啫喱，滑不留口亦爽脆非常~  蠔的話，我還是愛這種爽口的細蠔 上次黎只食過刺身壽司 但估唔呢度既熟食亦非常有功架 鹿兒鳥黑豚五花腩 肥瘦相間的黑豚肉經燒過後非常的香脆，那層肥膏變成了人間美食 入口甘香而不膩，更加添了整串肉的豐腴口感 赤雞翼 赤雞翼是鹿兒島名產，雞翼皮燒得香脆，肉嫩滑 雞皮上加了醃料很野味~ 最近，更來一個 大大的 鹿兒島黑豚配利尻昆布清湯 開始以為真係清湯，點知係大大的一鍋~ 超級多肉，多菜，仲有金菇，豆腐~ ...

每種地方的菜，都會給我不一樣的感覺 中式小炒的熱鬧 泰式料理的狂熱 法式料理的高貴 以及日式料理的恬靜 是夜，掀起了道鮨的門幔，來一頓寧靜的晚餐~ 簡潔和式設計配合靜逸的氣氛，心情也放鬆下來 這個位於中心的廚司枱也是餐廳的中心 是夜，由師傳發板~ 對於OMAKASE，可以說是舊友，也可以說是新知 雖然也品嘗過不少 OMAKASE 但每一次，都會學到新的知識，新的品種和不同的烹調 每一次，都是一次新的體驗~ 都說認真的男人特別吸引~ 師傳的認真令我不期然噤聲觀賞~ 前菜三點 包括有菠菜蝦、玉子以及胡麻豆腐共3款冷盤 菠菜味道偏淡，以蝦味調味，夠清新 玉子的話係冷冷的，有點兒硬實 胡麻豆腐原來奈良縣和和歌山縣的特產菜，不是用豆腐而是用葛根粉 和坊間的芝麻醬加滑豆腐是兩碼子的事~ 這個胡麻豆腐質感比想像中實，不似豆腐的軟滑，反而有點似豆糕的感覺 味道都是淡淡的，那朵精雕細琢的大根花，美得不忍食呀 4月的天氣，春夏交替 就連食材也以清新的感覺為主 Omakase 均以淡起步，刺身先來吧 真鯛刺身 師傳特意用上了背和腩的兩部份，一次過試哂不同的口感 鯛魚本身肉味偏淡，以肉質的彈性最勝 背和腩位的油脂沒有分別太大，只係背位更爽 深海池魚 同樣一次過上了背和腩的部份 肉質的比鯛魚更有彈性，初夏的池魚味道和油份偏清淡 想食更多油脂的，等到盛夏吧~ 就在我還在回味中，師傳快手送上了這個 我最愛的帶子呀..... 超大的一隻帶子，經過少少調味和火炙過，有一陣海鮮的香氣 但入面仍保住帶子的鮮嫩口感~  好想要師傳來多客~XD  再來白象拔蚌，怎麼都係我喜歡的呀 師傳實在太了解我了~XD 白象拔蚌切成幼條，爽爽脆脆，帶貝殼的咸鮮味~  這個，有沒有日本花道的感覺 北海道牡丹蝦，初夏的蝦以籽為主，師傳說如果是膏，又是另一種製法了~ 師傳將蝦頭內的精華再加上蝦肉，成了一個蝦球~  牡丹蝦不用說，味鮮甜膠質重，再加...