日本直送到元朗的鮮味~ 舍利鮨
Omakase 以前大多數係D 高級地段，好似中環，銅鑼灣，尖沙咀呢D黃金地段 因為食一餐價錢都唔平架，起碼四位數起跳 不過近年大家對飲食要求都提升左，Omakase 越開越多 家下連元朗都有開啦~ 舍利鮨 呢間位於元朗的日式餐廳，價錢屬於Omakase 的親民價. LUNCH SET 3位數就搞掂 餐廳標明食材標明由日本漁市場每日直送 好多人以為Omakase 只係廚司發板，其實真正的Omaskase 係要不時不食 廚司會根據季節，時令，當造的海鮮而推出不同的菜式俾客人架~ 就好似家下冬天當造的就係呢D 白子 白子講緊既係魚的精囊，每年由10月尾至翌年3月最肥美 而家下1月當然係最頂級架 雖然白子聽落有D怪怪的，但上網搵過佢既資料，原來白子含有豐富的蛋白質、而維生素B有助於推動新陳代謝，促進蛋白質和脂質的轉化和吸收，鉀則有調節心臟和肌肉功能的作用。 所以被日本人奉為補身極品。 至於口感嘛，入口係滑滑的，無根無渣，類似豆腐的質感， 因為食材好新鮮，完全無想像中的腥味，反而有淡淡的鮮甜味~ 而另一個日本直送的，要數呢個海膽 北海道富美丸海膽 有留意開的朋友都知北海道富美丸的海膽品質超高的，今日呢板海膽更係拍賣級別既第五級 有哂證明，唔係亂吹架~ 大大塊原隻金黃的海膽，飽滿，鮮甜，幼滑，真係見到都流哂口水 配以日本珍珠米，成碗飯變得金黃又富貴。 好懷念北海道呀，幾時可以再去呀~ 鮑魚配鮑魚肝醬 呢個菜式，直頭將鮑魚食到盡呀~ 平時食鮑魚，大家都只會食中心既部份 但原來淨番個舊黑媽媽的野 (鮑魚內臟) ，可以做成鮑魚肝醬 (過程我當然唔識啦~XD) 估唔到平時掉棄的食物，經由師傳調製後，會變成另一種面貌和味道 (感覺有D似份子料理咁~XD) 鮑魚肝醬比想像中易入口好多，亦無想像中既苦澀味 配上鮑魚食，味道又幾新奇喎~ 又一貝殼類~ 爽口鮮甜唔韌~ 拖羅係Omakase 係不可缺少的~ 入口即溶的感覺真係其他刺身俾唔到的。 當然，講緊既係高質素的拖羅啦 呢舊雪花拖羅睇樣就知肥美~ 均勻分佈的油脂令人食指大動 Omakase 的另一個好處，就係長知識 師傳一邊上菜，一邊介紹 仲食到好多平時少見既新奇料理 如果想以affordable 的價錢又可以食到高質的 Omakase ，不妨黎試...