Sally Ngai's Private Heart

每到7月8月又係放暑假大玩特玩的開心日子 咁究竟去邊度玩好呢？ 我上星期就去樂富商場玩啦~  雪糕大滿灌 原來，1984年起美國總統將每年7月定為「雪糕月」 所以今個暑假，領展就搞左呢個大型既活動，免費請你任玩任食雪糕 鐘意食雪糕既2母女，又點會錯過呀~XD  活動場地設係樂富商場美食區A區個邊  ( 唔好去錯平時搞活動個個平台呀，2邊都隔幾遠架)  我同阿囡離遠見到咁靚既佈置，已經開心到嘩嘩聲啦~XD  即刻要影張到此一遊相先~  因為今日係領展員工日，所以現場都唔太擠湧 一入到去，最吸晴既，當然係呢個 雪糕當入樽－籃球九宮格 呢度有個5米高既大型雪糕主題籃球九宮格機，只要好似玩過3關， 將呢d 大波波投入雪糕筒內連成直線、橫線或斜線，就可以贏得雪糕一球架啦~ 每人有5次投球既機會，我向高難度挑戰左2球，當然係失敗左啦~  想穩操勝劵，當然係向最底個3個籃埋手啦~XD  另外，仲有一個  ..... 真..... 籃球架俾大家玩過三關遊戲架~ 爸爸當年讀書練就既好本領，今日大派用場啦~XD 話說，當年我都有練過下入三分波架~XD  係咪都有D姿勢先~HAHA  波牛們，係咪睇到手痕想黎挑戰下呢？  如果你練得一手好球，除左羸雪糕外， 仲有超級獎品架~ 只要於指定日子黎到，以最短時間投射命中九個籃，就會成為｢最佳射手ＭＶＰ｣ 參賽日期： 7月29至30日 (超級巨星組 適合12歲或以上人士挑戰) 8月5至6日 (明日之星組適合6至11歲人士挑戰) 勝出者獎品：登登登 .....  超級巨星組－購物現金券價值3,000港元 明日之星組－購物現金券價值3,000港元 呢個就係我當日見到既紀錄啦~  仲有半個月時間，快D去練習下啦~😃 打籃球最重要係咩呀？ 跳高入樽囉~  奇趣跳「糕」機　要幾糕 JUMP幾高 同樣道理...

烈日當空，最好當然係去玩水啦~  今日約左一班同學仔入去小欖玩水 九龍人既我地入小欖其實都好多選擇 交通資料： http://www.bbqbeach.com.hk/index.html#transportation 我地官塘人就揀左坐荃灣VAN 去到葵芳地鐵站巴士 61M 去到警察宿舍呢個站落車，行番轉頭落個斜路就到啦 全程，都係一個鐘車程度~ 今日的目的地，小欖充氣水上樂園~  充氣水上樂園分時段的 每節票價 (大小同價) : 11:00-13:00： $120 13:30-15:30： $170 16:00-18:00： $170 18:30-20:30： $120 任玩三連節套票：$340 註：如果小朋友矮過100cm 就免費的，但要有成人陪同~ 即係100cm 既小朋友只要同一個大人入場，就免費架啦~ 俾左錢，會有呢條手帶，可以在同時段內進出 (因為充氣樂園有2邊架，出入都要靠呢個手帶，唔好整唔見呀) 換過泳衣，洗過腳，就可以入去玩啦~  細個既小朋友入到去建議可以先去呢個BB池熱下身先~  呢度水深只有 30-40CM 度，細細個都唔怕，仲有個BB 滑梯玩~ 熱過身後，就可以黎呢個大D既水池，有75-80cm 深 (我囡 110CM 高都可以企度) 呢個池，有唔少預設的吹氣設施俾大家玩，好似呢個可以坐人既充氣飛碟~ 可以俾大家當船仔坐，仲可以玩氹氹轉添~ 另一個類似香蕉船的都好受小朋友歡迎。 眼見在場都有唔少工作人員會幫助小朋友上船和照顧佢地架~ 我地幾個同學仔，當然要一齊坐下船，影下相啦~XD 玩完水池，當然唔可以錯過呢幾個大型的充氣滑梯啦~ 滑梯有2成層樓咁高，仲要係勁斜既(我估都差唔多60度~@@) 係咪超高，超斜呢~ 不過，小朋友字典入面又點會有個驚字呢~ 一於衝呀，上呀~ 我坐係上面望落黎都幾驚下，SIR落黎個下，就連我都覺得離心力很勁呀~ 我囡SIR左 2次，已經驚驚地，唔敢再玩 HAHA ~ 成人版既滑梯太勁，我地行過隔離，玩小朋友版先~ 一黎到，小朋友已經尖叫 因為有小朋友最愛的水池...