還自己一啖清新的空氣 - 大師兄冷氣專家
今年的天氣特別熱，5月已經要開冷氣了 不經不覺，家下的冷氣機都用左4年幾。一直都只係洗下隔塵網，從來未試過大洗 但疫情令我開始感受到消毒殺菌的重要性。 D細菌塵埃積係部機咁多年，吽吽下就會滋生細菌 如果一直唔清潔，開冷氣，其實就係吸番呢D細菌啦，諗起都有D驚。 終於啲起心肝，星期六約左師傳上黎洗冷氣 今次既服務係洗冷氣及基本冷氣機滴水維修 師傳架生齊備，連梯都自己帶埋黎呀~ 我仲停留係成個冷氣芯拆出黎既時代，以為洗冷氣係好大件事 其實依家洗冷氣已經超級方便，唔使拆機芯架 我呢部窗口式冷氣機，只要拆開個面蓋就得~ 師傳會好細心咁用黑色膠袋將冷氣周圍的地方圍起，以免整污糟D牆同傢具嘛~ 今次洗冷氣，會用上專用COIL CLEANER + AQUA PRO技術 師傳先將AQUA PRO+TECH消毒滅菌液噴落個機芯 對於家下有小朋友，寵物同老人家的人仕，安全又有效的消毒產品是必需的。 而AQUA PRO+TECH消毒滅菌液經歐盟認證，以物理性解裂溶菌來對付細菌和病毒，製成多功效、無色、無味、不含有害化學物、既安全又環保的防護產品。 噴好清毒液後，師傳就開始用高壓水槍清洗 超堅呀，睇住D水槍一路噴，個冷氣芯就一路變色 由黑媽媽色變番做藍色，超級治癒 原本就咁睇，我都唔覺部冷氣有咩問題。又見唔到成舊塵，望落都幾乾淨呀~ 但當睇住師傳枝水槍經過，啡黑色既地方即刻變番藍色 我先發現原來部機真係咁污糟架~ T.T 空氣，就經過呢D咁污糟既地方再噴番出黎 原來，自己每次開冷氣，都係吸緊呢D黑媽媽同充滿細菌既冷氣呀~~~~~~ 諗起都好得人驚呀~ 師傳話如果 隔左一段時間無開過部冷氣機，一開機有好大陣霉味 就代表冷氣入面有小型真菌“黴菌”作怪，黴菌體積既細小又輕盈，本體同代謝物都係致敏原。 點解開冷氣都鼻敏感？就係因為佢地囉 大家快D留意下屋企部冷氣有冇呢個問題啦~ D黑媽媽嘅塵去哂邊？ 師傳話D塵會被高壓水槍打散，經由去水管流走 因為高壓水槍的力度好大，所以D塵會被打到好細，唔會塞喉的~ 放心 師傳唔單止洗機芯，連個機面同隔塵網都幫我地洗埋架~! 師傳仲教我地，平時洗乾淨隔塵網後，唔好用毛巾抺乾 (因為D毛毛會痴左落去架) 更加唔好用風筒吹，等佢自然風乾至唔滴水，放番入機就得架啦~ (又學到野架) 清潔完，師傳...