Sally Ngai's Private Heart

夏天又就快到啦~ 天氣開始又熱又焗，加上汗水同塵埃 一個唔覺意，毛孔塞左，又會生粒粒/暗瘡~~ 今日就介紹下呢個又平又抵用的日本品牌~ MEISHOKU明色美顏系列  一個以爽膚/潔淨/去荳荳為主的系列~ 去荳荳，潔膚當然係第一步啦~ 明色美顏洗面皂 (美顏石鹼) 呢個石鹼含藥用級BHA和植物保濕精華，針對面部、手臂、胸口及背部粒粒問題。 臉部、背部及全身都啱用~ 隨石鹼隨送有一個網狀的起泡袋 只要將石鹼放入袋中，加少少水，就有好豐富的泡沫架啦~ 用後完只要洗走D泡泡，連個袋掛起佢風乾就得，番梘盒都唔使用，超方便~ 洗面呢，可以加少少水起左泡，再將D泡黎洗面~ 洗完面後，真係見到D死皮捽左出黎~ @@  開頭呢，我都驚用呢D石鹼洗面會好乾 但估唔到，洗完後感覺好清爽，反而無咩緊繃既感覺，好喜出望外呀~ 當然，敏感膚質建議先行在身體其他位試過先 我背部就好多暗粒，耐唔耐仲會生幾粒瘡仔，有時洗完涼都覺得好似唔夠干淨咁 但用上呢個黎沖涼就超級正 沖完後感覺有少少 乾爽之外，仲有少少啜啜地既感覺~ 呢個時候，可以用毛巾捽一捽，就會捽到好多死皮出黎架啦~ 用過一排後，成個背明顯亮白左好多，無左之前的暗啞 暗瘡印都減淡左好多呀~ 有時搽左止汗劑，用普通梘液洗，好似成日都洗唔走咁，要洗幾次先干淨 但用呢個石鹼，好輕易就可以洗走D止汗劑，確保唔會積累係腋下，令到腋下變黑~~ 另外，我覺得帶去旅行都幾好，由面到身都用得，而且仲唔怕倒瀉~ 5月的泰國之旅，我決定要帶上佢一齊飛啦~ 洗面完後，想再干淨D，我地要用佢~ 明色美顏水（藥用化粧水） 話說，呢隻美顏水有個好浪漫既故事 一位日本藥劑師因為太太有暗瘡既問題，於在特意調配出呢個化妝水俾太太用 由明治18年誕生到依家，已經有120年的歷史啦~，至今仍然受到日本女性的歡迎! 化妝水既樽係藍色的，但其實化妝水係白色的~ 平時，我會洗面後, 用化妝棉沾上化妝水再係面度搽一次~ 含有水楊酸，能夠整理皮脂分泌、潔淨毛穴中的皮脂， 預防暗瘡粉刺的形...

我呢D中女，骨膠原流失，皮膚鬆弛係超級大敵 但入侵式既美容真係唔敢試 但如果同你講唔痛又做到提拉，緊緻既效果，你會唔會想試下？ BELLE STAGE  Dermatotheropy & Beauty 呢間位於旺角朗豪坊斜對面既樓上小店，已經開業左九年 最鐘意佢所有療程可買單次或套票，唔一定下下要買幾十個格仔~ 而且明碼實價，講左咁多就係咁多，零隱藏性收費~ 呢度無顧問房間架，填完個人資料就可以直接入房做FACIAL，唔使俾人帶你遊花園 更不用擔心俾人HARD SELL 今次，我會做呢個 韓國SonoQueen Therapy HIFU高能量聚焦超聲波提升療程 做之前，我有問過美容師可唔可以影機呀，儀器呀咁 (因為好多美容院都唔俾影的)  但療程師就好大方咁話，任影都無問題，因為佢地所有儀器及產品均為原廠貨 影出街又有咩怕喎~  儀器採用韓國原廠 SonoQueen 擁有KFDA【韓國食物及藥物管制局認證 療程師先以快速同熟練既手勢幫我卸妝同清潔先 之後，就可以開始打HIFU 啦~ 特別要提下，呢度操作Hifu 的療程師係專業的，全部都擁有儀器官方之證書架 終於到畫格仔啦~ 之前成日見人劃格仔，其實有咩用？ 原來畫左格仔就可以俾療程師係打既時候有個記號，唔會打漏某一部份  而呢度既HIFU沒上限線數, 客人可以做到滿意才走 首先，療程師就幫我搽上呢D冷凍啫喱~ 今次呢部來自韓國的SonoQueen，只係搽啫喱就得，唔使搽麻醉藥的~ 咁你會唔會好驚？無麻醉，係咪好痛架？ 我可以親身同你講，係唔痛的~  療程師由腮線位開始打起，每打一次，就會聽到 之之之聲 好多位都真係完全無咩感覺 係有時有1, 2下好似靜電觸電既感覺，但基本上，都唔會叫做到痛囉~ 療程師總共會幫我打2次 第一次，利用超聲波的熱能效應，直達皮膚深度4.5mm， 在SMAS筋膜層的發生凝結點， 刺激表淺肌肉腱膜，令到組織發生炎症， 刺激免役反應、增加纖維聚集，從而令到肌肉有提升的效果...